mikudagur 29. september 2004síða 8

14 Nr. 185 - 29. september 2004 Nr. 185 - 29. september 2004 15 Ætlanir eru frammi um at byggja heim fyri minnisveik í Suðuroynni HEIM Dagfinn Olsen dagfinn@sosialurin.fo Í augustmánað hevði Vágs Matmøðrafelag fund, har seinasta hond var løgd á ætlanina um at senda bræv út til allar kommunur í Suðuroynni fyri at vita, um áhugi er fyri at byggja eitt heim fyri minnisveik mitt í oynni, tað vil siga í Hovi. Á fundi 22. september varð brævið endaliga orðað og er tað sent øllum kom- munum í Suðuroynni og brævið er soljóðandi: Vágs Kommuna, Tvør- oyrar Kommuna, Hval- biar Kommuna, Famjins Kommuna, Hovs Komm- una, Porkeris Kommuna og Sumbiar Kommuna. Nevndu kommunur í Suð- uroy hava fingið soljóðandi skriv sendandi: Vágs Matmøðrafelag hevur á fundi 25.august 2004 samtykt at arbeiða fyri at fáa eitt heim fyri minnisveik bygt í Suður- oynni. Hetta kann eftir okkara tykki bert lata seg gera, um allar kommunurnar í oynni standa saman um hesa verkætlan, tí tær koma sjálvar at fíggja ein part av kostnaðinum. Vit fara eisini at heita á tykkum, um so verður, at hetta gerst veruleiki, at lata heimið byggja í Hovi. Bygdarfelagið í Hovi eigur eitt planerað grund- øki, sum er 1268 fermetrar til støddar, sum teir siga seg vera sinnaðar at selja fyri ein sámuligan prís. Vónandi frætta vit aftur sum skjótast, helst áðrenn 3 vikur, so vit fáa at vita, um vit skulu arbeiða víðari við tiltakinum. Vágur 21. sept. 2004 Vinarliga Vágs Matmøðrafelag v/ Elin Jacobsen Nes - Vágur Evnisdagur um rættindi hjá brekaðum EVNISDAGUR Tíðindaskriv Týsdagin 5. oktober verður ein evnisdagur um rættindi hjá brek- aðum í Norðurlanda- húsinum. Á evnisdeg- num verður ein røð av fyrilestrum og fram- løgum um støðuna hjá fólki, ið bera brek, sum samfelagsborgar- ar. Tiltakið, sum byrjar klokkan 13.00, er al- ment, og luttøkan er ókeypis, so vónandi seta nógv fólk sær hendan seinnapartin av, fyri at hoyra um, hvørji rættindi og hvørja støðu, fólk við breki hava í Føroyum í dag. Bjørt Samuelsen, fjølmiðlakvinna, stýrir degnum og tekur sam- anum. Møguleiki er hjá áhoyrarunum at seta spurningar. Tað er stýrisbólkurin fyri Ár teirra brekaðu 2003, sum saman við Almanna- og heilsu- málaráðnum skipar fyri tiltakinum. Um vikuskiftið var Johannustevna í Vági. Sluppin Johanna TG 326 er 120 ár í ár og ymisk tiltøk vóru á skránni JOANNA TG 326 Dagfinn Olsen dagfinn@sosialurin.fo Sluppin Johanna TG 326 í Vági er í ár 120 ár. Um vikuskiftið vóru ymisk tiltøk í Vági í hesum sam- bandi. Johanna stevndi stolt inn eftir fjørðinum og henni fyldu ymsir bátar, eittnú gomlu grindabátarnir. Leygardagin vóru ymsar kappingar. Kapping í at egna var og vinnari gjørdist Alvi Hjelm. Talan var um tætta kapping, men eftir spennandi kapping var kappingin av eftir einum korteri. Síðani var kappast í at bøta og vinnari gjørdist Magnus Magnussen og eisini her var sera tætt, bert sekund á muni millum teir fremstu. Vinnararnir fingu prýðislutir úr silvuri, sum Torgerð Suðuroy hevði evnað til, og eisini steyp. Á skránni var eisini togtogan millum lærarar í Vági og manningina á Vágs Skipasmiðju. Ymiskt var, hvat fólk hildu um úrslitið innan kappingina. Men tað vísti seg at gerast hørð kapping, longi gekk smátt aftur og fram og hart leik- aði á. Kappingin gjørdist helst harðari enn mong høvdu hugsað. Men eftir tógvið stríð fingu smiðju- menn fyrimun og vunnu. Eisini teir fingu steyp. Síð- ani var ábit at fáa á gamla Polarfrost. Á kvøldi var hugni á Garðabrúgv við Stóra Pakkhús við sangi og Óli Holm helt røðu. Síðani var dansur í VB húsinum við Hans Jacob og vinmonn- um. Sunnudagin helt Durita Holm fyrilestur Pakkhúsin- um um ferðir sínar. Joanna lá flaggskrýdd við bryggju og tók seg væl út á 120 ára haldinum. Johannustevnan eydnaðist væl Heim fyri minnisveik í Suðuroynni C M Y K 15 14