hósdagur 12. januar 2017síða 18

FRÍGGJADAGUR 13. JANUAR 2017 SOSIALURIN 6 18 TEMA Fiskivinnan ÁRNI GREGERSEN Í dag stendur hann at vera reiðari á 16 føroyskum fiski­ skipum, sum taka lut í før­ oyskum fiskiskapi av øllum handa slag. Harumframt eiga teir part í øðrum skipum, sum aðrir reka og gera út. Hanus Hansen, reiðari, er ein av teimum, sum hevur virkað undir galdandi fiskivinnuskipan, síðani hann tók við sum stjóri í JFK í 1996. Frammanundan hevði hann verið fiskimaður og skipari á stóru føroysku trolarunum. – Eg haldi eg kann siga, at tað mesta hevur virkað við teirri skipan vit hava, men mistøk eru sjálv­andi gjørd – bæði av vinnuni og av myndug­leikunum, sigur hann í dag. Hann ásannar, at tað var eitt bragd, tá ið føroyingar fingu eina risastóra makrelkvotu til landið. Tað broytti fiskivinnuna nógv. Hann heldur, at tá ið vit fáa nýggj rættindi ella munandi størri kvotur, so átti ein skipan at verið, sum hetta kundi lutast út eftir. – Eg haldi, at táverandi lands­ stýrismaður við fiskivinnumálum, Jacob Vestergaard, gjørdi eitt megnar­arbeiði. Vit fingu so stór virðir inn í føroyska samfelagið sum ongantíð fyrr, sigur Hanus Hansen. Tí heldur hann, at vit áttu at havt eina skipan, sum ásetir, hvussu stóran part verandi skip eiga at fáa av hesum og so eina skipan fyri, hvussu restin varð lut­ að út til flotan. Fjølbroytt virksemi Hanus Hansen hevur fingist við reiðaravirksemi síðani 1996 og tað virksemi má sigast at hava verið ógvuliga fjølbroytt. Hann er reiðari á trolarum, sum fiska av føroysku kvotuni í Barentshavinum, í løtuni hevur hann trolarar, sum fiska gull­laks undir Føroyum, umframt hann hevur ísfiskalínuskip og frysti­ línu­skip. Eisini hevur hann Næraberg, sum fiskar uppsjóvarfisk, so hann kennir væl til føroyska fiskivinnu. – Vit royndu við nýggja Skála­ berg at fornýggja okkum í Barents­ havinum, men tá var oljan dýr og fiskaprísirnir munandi lægri enn í dag, so vit fingu ikki endarnar at røkka saman og noyddust at selja Skálaberg og keypa Gadus í staðin fyri, sigur Hanus Hansen. Síðan JFK seldi Skálaberg av landinum, er farið at ganga betur við fiskiskapinum í Barents­hav­ inum. Oljuprísirnir eru nógv lækk­ aðir og tað fæst meira fyri hvørt kilo av fiski. – Hetta hevur verið stabilt, men í fleiri ár leyp ikki tað stóra av, sigur reiðarin í Klaksvík. Um fiskiskapin undir Føroyum sigur hann, at sum støðan er nú, so verður ikki farið undir at endur­ nýggja tann flotan. Fiskiskapurin er ov lítil hjá hvørj­um einstakum skipi. – Eg haldi framvegis, at tað er rætt, at vit hava ísfiskalínuskip undir Føroyum. Eg veit væl, at tað gevur meira í løtuni at fiska við frystilínuskipum og tað haldi eg eisini við eiga at gera á fjar­ leiðunum og møguliga eisini undir Íslandi, men vit eiga at hava bæði sløgini av skipum, sigur hann. Nýtt uppsjóvarskip Í løtuni arbeiðir reiðaríið í Klaksvík við at royna at fáa eitt annað skip inn í flotan til uppsjóvarfiskiskapin fyri Næraberg og hitt loyvið, sum felagið hevur. Tað er ikki greitt enn, men alt bendir á, at ein sáttmáli verður gjørdur um eitt annað skip. – Eg veit væl, at hetta er eitt sindur ímóti tí, sum Reiðarafelagið hevur sagt: at ótryggleikin í vinn­ uni er so stórur at ongan nýíløgur verða gjørdar. Hinvegin so eru vit í einari vinnu, har kvoturnar í ár eru risastórar. Fiskurin skal fiskast og sjálvt um politiska skipanin enn ikki hevur sett greitt út í kortið, hvussu tað fer at síggja út eftir nýggjár, so kunnu vit ikki sita hendur í favn, sigur Hanus Hansen. Hann sigur, at tey hava tikið eina støðu um, at tey halda á við arbeiðnum, hóast bíðað verður eftir einari nýggjari skipan. – Vit hava eini 500 fólk í arbeiði, so vit kunnu ikki bara gevast. Tað havi eg í hvussu so er ikki hug til, sigur Hanus Hansen. NÓGV VIRKAR Í FISKI­ VINNUSKIPANINI MEN MISTØK VÓRU GJØRD VIÐ MAKRELINUM Sum reiðari og útgerðarmaður á nógvum skipum síðani 1996 er Hanus Hansen ein av teimum, sum hevur arbeitt mest undir núverandi fiskivinnuskipan Hanus Hansen: Hanus Hansen, reiðari, hevur virkað sum reiðari síðani 1996 og er útgerðarmaður hjá 16 skipum Gadus er eitt av skipunum hjá JFK, sum fiskar av kvotuni í Barentshavinum