hósdagur 19. januar 2017síða 8

FRÍGGJADAGUR 20. JANUAR 2017 SOSIALURIN 9 8 HALLUR AV RANA N ógv at tí, sum Bergur Debes Joensen sigur er synd, eri eg nokk líka sek í, sum so nógv onnur, men eg dugi ikki at síggja hann tosar niður á nakran. Eg haldi tað var ein frígerandi og deilig tala, har hann kallar ein spaka fyri ein spaka. Tað sigur Birita Lamhauge Jóansdóttir, MA í sexologi, BA í estetikki, mentan og sálarfrøði og MA-lesandi í sálarfrøði, um præ­ dikuna hjá Bergur Debes Joensen. Tá Birita Lamhauge Jóansdóttir setti seg at lurta og lesa prædikuna eftir, at hon hevði elvt til so nógv kjak, varnaðist hon tað, ið hon metir, er ein samanbrestur av tveim­um diskursum, ið ikki kunnu sam­einast. – Tað órímiliga í flestu við­merk­ ingum er, at tær flestu eru úr einum humanistiskum, seinmodernaðum og verðsligum sjónarmiði, sigur Birita Lamhauge Jóansdóttir og leggur afturat. – Men prestur prædikar hundr­ að prosent úr bíbliuni. Tað er tað einasta hann ger. Tá ber ikki til at taka ein seinmodernaðan diskurs og tann teologiska diskursin og seta teir upp móti hvørjum øðrum sum kjak. Tað gevur bara ikki meining. Tað blíva bara samanbrestir, sigur Birita Lamhauge Jóansdóttir. Tí hann er prestur Sjálv ivast Birita Lamhauge Jóans­ dóttir í, um ein slík analysa hevði fingið somu viðgerð, um tað var ein sálarfrøðingur, ið segði hana. – Um ein sálarfrøðingur hevði sagt tað sama um eitt nú porno, ótrúskap, avleiðingarnar av hjúna­ skilnað o.s.fr., so hevði tað neyvan fingið somu reaktión. Men um ein prestur sigur tað og staðfestir tað sum synd, so er verri hjá fólki at fyrihalda seg til tað, tí tey verða rakt á ein annan hátt. Tey mugu taka eina moralska støðu til tað, sigur Birita Lamhauge Jóansdóttir. Í kjakinum hevur verið ført fram, at Bergur Debes Joensen við síni talu setir seg hægri enn onnur fólk. Hetta sjónarmiðið skilur Birita Lamhauge Jóansdóttir als ikki. – Bergur Debes Joensen vísir á, at vit eru fødd elska, men ófull_ komin, og eru tí øll syndarar. Hann ger seg ikki betri enn onnur. Hann hevjar seg ikki yvir onnur og setir ein moral. Hann vísir á ein moral, ið longu er skrivaður fyri langari tíð síðani. Nevniliga, at vit í hjúnabandinum mugu vera tilvitað um, at verja og virða hvønn annan og gera tað, ið er moralskt rætt, heldur enn tað, vit bara hava hug til, sigur Birita Lamhauge Jóansdóttir. Bíbilska hjúnabandið Ein onnur misskiljing, ið Birita Lamhauge Jóansdóttir vil vísa á er, at Bergur Debes Joensen talaði bert um tað bíbilska hjúnalagið, og ikki aðrar fatanir av hjúnabandinum. – Tað, sum fær sinnið í kók hjá fólki er, tá ið hann tosar um syndina og hóttanir móti hjúnalagnum. Men hann nevnir bara tað bíbilska hjúnabandið. Tað er so greitt sum tað kann vera. Tá nevnir hann m.a. at liva saman ógiftur, at vera ótrúgvur, at dríva hor, hann nevnir sálarligan og likamliga harðskap, porno og hjúnaskilnað, sigur Birita Lamhauge Jóansdóttir, og leggur afturat. – Men prestur vísir ikki á synd­ irnar mótvegis hjúna­bandinum fyri at døma nakran. Prestur áminnir okkum bert um eitt av kjarnuvirðunum í bíbilska hjúna­ bandinum – altíð at leita inn í hjúnabandið og í fyrstu at atløgu raðfesta hvønn annan, heldur enn nakað annað. Sum sálarfrøðingur og sexolog, so metir Birita Lamhauge Jóans­ dóttir, at prestur hevur fatur á rætta endanum, tá hann sigur tíðina vera skrupforrvirraða, og roynir at verja hjúnabandið við at ávara um vandarnar mótvegis tí. – Hjúnaskilnaðir verða alsamt fleiri og fleiri. Áleið helmingurin av hjúnabondum enda í hjúnaskilnaði og triði hvør persónur er ótrúgvur. Sjálvandi ávirkar hetta samfelagið og børnini. Pornoídnaðurin er ein av størstu peningamaskinunum í heimum og er bæði korruptur og misnýtir kvinnur. Bara í heilt fáum førum er porno gott fyri parløg, men vanliga endar tað bara við øvund og ovurnýtslu, sigur Birita Lamhauge Jóansdóttir. Sum eitt mótrák til hetta, so vísir prestur til nakað heilt ann­að, sambært Birita Lamhauge Jóans­ dóttir. – Hann vísir til eitt moralskt akker. Soleiðis sum vesturheimurin er í dag, so hevur prestur fatur á onkrum. Individualisman er um at fáa valdið á okkum, men prestur vísir at vit eru skapt til samanhald og ikki til einsemi. Tí vísir hann á hjúnabandið sum upp­runa felagsskapin, sigur Birita Lamhauge Jóansdóttir. Syndin fær øði í fólk Tað er serliga parturin har prestur tosar um synd, ið hevur vakt ans, og fingið øði í nógv fólk. Tað skilur Birita Lamhauge Jóansdóttir eisini væl. – Fólk skilja kanska ikki rætti­ liga hugtakið synd og fata dømini um syndina sum beinleiðis at­ finningar at teimum sjálvum, men dømini lýsa heldur viðurskifti, ið kunnu fáa bíbilska hjúnabandið av kós. Eitt nú at liva sum samkynd er, sambært presti, synd, men tað er tað so nógv annað, sum eisini er. Prestur leggur ikki eftir samkyndum, men vísir bert á, at samkyndleiki er synd móti tí bíbilska hjúnabandinum. Eg trúgvi lítið, at Bergur Debes Joensen hatar nakran samkyndan, sigur Birita Lamhauge Jóansdóttir. Sjálv metir Birita Lamhauge Jóansdóttir ikki, at prædikan hjá Bergi Debes Joensen er ein forðan fyri øðrum sløgum av parløgum, enn tí bíbilska hjúnabandinum. – Samkynd eru ein partur av føroyska samfelagnum og skulu sjálvandi hava somu rættindi og trygd sum øll onnur. Tað nýtist bara ikki at vera í tí bíbilska hjúna­ lagnum, ið Bergur Debes Joesen so týðiliga prædikar um. HALLUR@SOSIALURIN.FO – Soleiðis sum vesturheimurin er í dag, so hevur prestur fatur á onkrum. Individualisman er um at fáa valdið á okkum, men prestur vísir at vit eru skapt til samanhald og ikki til einsemi. Tí vísir hann á hjúnabandið sum uppruna felagsskapin, sigur Birita Lamhauge Jóansdóttir, ið ikki heldur, at prædikan hjá Bergi Debes Joensen, er nakað at øsa seg upp um Prestur hevur fatur á rætta endanum Birita Lamhauge Jóansdóttir: FÓLKAKIRKJAN Um ein sálarfrøð­ ingur hevði sagt tað sama um eitt nú porno, ótrúskap, avleiðingarnar av hjúnaskilnað o.s.fr., so hevði tað neyvan fingið somu reaktión Birita Lamhauge Jóansdóttir