hósdagur 19. januar 2017síða 17

FRÍGGJADAGUR 20. JANUAR 2017 SOSIALURIN 9 17 Fólkaflokkurin vil hava ein heilt annan fiskivinnupolitikk enn tað, sum landsstýrismaðurin við fiskivinnumálum ætlar ÁRNI GREGERSEN A t Fólkaflokkurin og Tjóðveldið og harvið landsstýrismaðurin við fiskivinnumálum hava hvør sína uppfatan av, hvussu fiskivinnan skal skipast, er ikki nýtt. Men nú setir formaðurin í Fólkaflokkinum orð á, hvat tað er, sum hansara flokkur ætl­ar við vinnuni. Og tær ætl­ an­ir­nar víkja langt frá tí, sum lands­stýrismaðurin við fiski­ vinnumálum higartil hevur meld­ að út, at hann hugsar sær. Uppboðsølan hevur fylt nógv gjøgnum alt kjakið og fyri tey sum hava fylgt við, stendur nokk so greitt, at landsstýrismaðuin við sam­gonguni aftanfyri seg, stend­ ur einsamallur við ætlanini um at selja øll rættindi á einari upp­ boðs­sølu. Fólkaflokkurin heldur, at fiski­ vinn­an skal rekast av teimum, sum hava søgulig rættindir at fiska undir Føroyum og at fiska av føroyskum kvotum í fremm­ and­um ella altjóða sjógvi. – Er tað neyðugt, so eru vit eis­ ini sinnað til at krevja eitt gjald inn fyri hesi rættindi, sigur Jørgen Nicla­sen, formaður Fólkafloksins. – Men hetta skal vera eitt gjald, sum verður útroknað. Skilt uppá tann mátan, at í til dømis hvørjum bólki, verður roknað út, hvat tað kost­ar at veiða tann fiskin, sum veitt verður eftir og ein miðal vinn­ing­ur verður so ásettur. Av hes­um verður so ásett eitt gjald, sum skipini so skulu gjalda. – Gjaldið verður sett í mun til eina miðalinntjening, so tað ikki rak­ar tey, sum eru mest dugnalig. Vinna tey meira enn meðal, tí tey kanska eru eitt sindur dugnaligari, so sleppa tey at behalda eyka vinn­ing­in, sigur Jørgen Niclasen. – Vit halda, at tað er betri, at vit hava eina slíka útlutan heldur enn eina politiska útreinsan í vinnuni, legg­ur hann afturat. Umsetiligheit Meðan landsstýrismaðurin í sín­ um ætlanum sigur, at skulu rætt­ indi ella kvotur seljast, so skal hetta fara fram um eina al­menna uppboðssølu, har tað al­menna fær vinningin, so heldur Fólka­ flokkurin fast um, at tað er av­ gerandi neyðugt, at vinnan slepp­ ur at selja rættindi millum sín. Landsstýrismaðurin heldur ikki tað er rímuligt, at tey sum hava fingið rættindi frá landinum at brúka, kunnu selja tey og sjálvi taka vinningin. Fólkaflokkurin hev­ur eina heilt aðra hugsan. – Fyri at vinnan kann gerast so eff­ektiv sum til ber, so er neyðugt, at hon sleppur at rationalsera seg. Tað ger hon við at selja og keypa rætt­indir og kvotur, so hon kann laga seg til tær fortreytir, sum til eina og hvørja tíð eru galdandi fyri júst tey, sigur Jørgen Niclasen. Hann sigur eisini, at hetta ger at vit fara ikki at hava fleiri skip í fiski­vinnuni enn tað skulu til fyri at fiska tær kvotur, vit eiga. Fiskidagar heldur enn kvotur Fólkaflokkurin heldur eisini fast um, at vit skulu varðveita fiski­dag­ ar­nar heldur enn at skipa vinnuna við kvotum. – Fiskidagar gera, at tey dugna­ lig­astu í vinnuni klára seg best, með­an kvotur elva til, at fólk royna at lumpa og snýta á ymiskan hátt, sig­ur Jørgen Niclasen. – Tey sum minnast, tá ið vit eitt skifti í níti-árunum høvdu kvot­ur vita, at alt verður gjørt fyri at snúgva sær undan at hava uppfiskað kvotuna. Fiskur skift­ ir navn undir avreiðing, meska­ stødd­ir verða broyttar, fiskur sum ikki er loyvdur at veiða, men kort­ ini kemur á dekkið, verður tveittur út­aft­ur og so framvegis. – Avgerandi er við lógarsmíði av hesum slag, at vit alla tíðina hava tankan um “leið meg ikki í freist­ ing­ar” við, tá ið lógin verður gjørd, sig­ur Jørgen Niclasen.. Útlendskir pengar Formaðurin í Fólkaflokkinum sig­ur, at tað helst ikki er semja í flokkinum um útlendskar peng­ ar í vinnuni, men semja er um, at ræðisrætturin skal liggja í Før­ oyum. – Sjálvur veit eg ikki um út­lend­ ing­ar skulu kunna eiga 25 ella 33 pro­sent ella onki. Veruleikin er, at skalt tú byggja nýggj, nýmótans skip, so hevur vinnan brúk fyri út­lendskari fígging. Og lángevarar leggja treytir við. Spurningurin er bara um vit megna at tryggja okk­ um, at ræðisrætturin er í Føroyum, sig­ur Jørgen Niclasen – Vit skulu bara gera okkum eitt heilt greitt, at pengar flyta seg skjót­ari enn politikkur. Tað vil siga, at utt­an mun til hvørjar reglur vit seta í verk, so finnur kapitalurin veg til tær vinnur, sum geva stór av­kast, sigur Jørgen Niclasen. Fólkaflokkurin heldur eisini, at skipanin innan alivinnuna eig­ ur at verða brúkt, tá ið talan er um longdina á loyvunum. Í ali­vinn­uni er hon 12 ár og tað heldur Fólka­ flokk­urin hon eisini eigur at vera í fiski­vinnuni. Fólkaflokkurin hevur eisini gjørt sær eina meinig um sokallað nýggj rættindi. – Fáa vit nýtt tilfeingi av onkr­ um slag, so havi eg onki ímóti at hetta verður lutað út, men so skal tað gerast eftir einum leisti, sum er samfelagsliga mest gagnligur. Til dømis við at lata loyvir til ávís geografisk økir, sigur Jørgen Nicla­sen. Grundleggjandi heldur Fólka­ flokk­urin ikki, at fiskivinnan skal gjalda beinleiðis skatt ella avgjald fyri rættindi. – Fyri okkum er tað avgerandi, at peningurin kemur í umferð í land­inum og setir ferð á aðrar vinn­ur. Tað er meira gagnligt, sjálvt um avgjøld og skattir ikki fella við kassa eitt. Samfelagsliga gagn­ar tað munandi betur, at pen­ ing­urin eftir at hava verið í um­ ferð, heldur kemur inn við kassa trý ella fýra. Tá liggur mest eftir til sam­fe­lagið, sigur Jørgen Niclasen. Høgni Hoydal, lands­stýris­maðurin við fiskivinnu­ málum, er í miðdeplinum, nú upp­skot skal tilevnast um nýskipan av fiskivinnuni. Jørgen Niclasen, formaður Fólkafloksins, leggur her fram, hvussu Fólkaflokkurin sær eina nýskipan av fiskivinnuni. Jørgen Niclasen: SKULU KUNNA SELJA FISKI- RÆTTINDI