hósdagur 19. januar 2017síða 25

FRÍGGJADAGUR 20. JANUAR 2017 SOSIALURIN 9 25 Úrslitið av amerikanska forsetavalinum hevur elvt til stúran um allan heim, sum m.a. sæð í hesi tekningina hjá Christian Bloom, ið bleiv prentað í norska blaðnum VG síðsta vikuskiftið, men hevur síðan gingið sína sigursgongd um allan heim. tey ikki vænta nakra hjálp frá Bretlandi longur, og at eingin avtala, er betri enn ein vánalig avtala, sigur Áki Johansen. Leisturin sum Theresa May kunngjørdi í gjár tykist tó at miðja eftir, at allir partar vinna í komandi samráðingunum, metir føroyski sendimaðurin. – Farið verður eftir tí djørvu semjuni, har báðir partar vinna. Áðrenn røðuna hava mót­ støðufólk ákært Theresu May fyri at vilja eta alla kakuna sjálv, men tað hon nú leggur upp til er eitt rættvíst býti, sigur Áki Johansen, og leggur afturat. – Tað inniber m.a. at bretar framyvir sleppa undan at rinda meira til ES enn tey fáa frá ES, men einans rinda fyri tær tæn­ astur, ið tey nýta. Ivast í tíðarætlanini Sjálvur loyvir sendimaðurin sær at ivast í, um tíðarætlanin hjá Theresu May og bretsku stjórnini fer at halda. – Man væntar, at samráðingar byrja í mars og eru lidnar um tvey ár. Men tú kanst ímynda tær øll fólkini, ið samráðast. Bæði tey, ið sita við samráðingarborðini og baklandið. Tá ein avtala so er røkkin, skal hon góðkennast av 27 ymiskum londum, umframt Bretlandi, sigur Áki Johansen, og leggur afturat. – Tá allar stjórnirnar hava hugt eftir avtaluni og gjørt sínar viðmerkingar, skal hon so aftur viðgerast við samráðingarborðið, og skal gjøgnum alla mylluna umaftur. Tá skal hon umaftur út til øll 27 ES-londini og Bretland. Eg ivist í, at tað kann ganga so skjótt fyri seg, men her í London vænta tey, at tað letur seg gera. Skotar á bakbeinini Tað er tó langt frá allastaðni í enska ríkinum, at tey fegnast um ætlanirnar at fara úr ES, og minst av øllum í Skotlandi. Á fólkaatkvøðuna um Brexit valdu skotar við stórum meiriluta at vera verandi í ES, men máttu góðtaka, at tað ikki broytti saml­ aða úrslitið, ið gjørdist eitt nei til ES. Røddir hava verið frammi um, at um Bretland fer úr ES, og ikki megnar at fáa eina nøktandi avtalu um framtíðar samstarv, so kann tað enda við, at skotar krevja eina nýggja fólkaatkvøðu um loysing frá Bretlandi. Áki Johansen ivast tó í, um undirtøkan er til staðar í Skot­ landi fyri loysing frá restina av Bretlandi. – Skotar hótta við eini fólka­ atkvøðu, men satt at siga, so gongur tað ikki serliga væl í Skotlandi í løtuni. Skatta­inn­ tøkurnar eru lágar og oljuprísurin er lágur, meðan skúlaverkið og heilsuverkið kosta meir enn væntað, sigur Áki Johansen, og leggur afturat. – Meirilutin at vera verandi er størri enn hann hevur verið áður. SNP, skotski stjórnarflokkurin, vil tó vera við, at ein vánalig avtala við ES kann ávirka tann stuðulin, ið Bretland hevur í Skotlandi, sigur Áki Johansen. Klandur um fiskivinnuna Eitt av málunum, ið sendimaðurin metir kann føra til rok millum bretsku og skotsku stjórnirnar er hvør skal umsita fiskivinnuna, tá hon verður tikin heim frá ES. – Sum nú er, so umsitur ES allar kvotur hjá bretum. Spurningurin er so hvat hendir, tá bretar aftur skulu umsita sínar egnu kvotur, serliga havandi í huga, at fiskivinnan er eitt yvirtikið málsøkið í Skotlandi. Altjóða politikkur so sum avtalur um kvotur í altjóða sjógvi er enn bretskt málsøki sigur Áki Johansen. Føroyski sendimaðurin í London vísir á, at tað eru fleiri partar, ið hava áhugað í at umsita fiskivinnuna. – Í London meta tey, at slík­ ar samráðingar eiga at fyri­ ganga her, skotar siga tað sama um, at tað skal umsitast úr Holyrood, meðan hetlendingar meta, at fiskivinnan eigur at hava høvuðssæti har. So tey klandrast innanhýsis um hvør skal umsita fiskivinnuna og samráðast um kvotur, sigur Áki Johansen, ið tó ivast í, at tað er gott fyri føroyingar, um skotar ella hetlendingar fáa sín vilja og sleppa framat sam­ ráðingarborðinum. – Tað eru ikki pen orð, ið skotskir miðlar viðhvørt brúka um føroyingar og føroysk skip. Vit verða mest at líkna við sjórænarar, sigur Áki Johansen. HALLUR@SOSIALURIN.FO Farið verður eftir tí djørvu semjuni, har báðir partar vinna. Áðrenn røðuna hava mótstøðufólk ákært Teresu May fyri at vilja eta alla kakuna sjálv, men tað hon nú leggur upp til er eitt rættvíst býti