mánadagur 23. januar 2017síða 16

Mánadagur 23. januar 2017 · Nr. 10 16 Sosialurin Hugskot og viðmerkingar – send sms til 225000 KVINNUHONDBÓLTUR VB megnaði at fylgja við í ein hálvleik, men so slitnaði í seinna hálvleiki. Steypakappingin hjá kvinnum er farin á rull FYRSTA LIÐIÐ K Neli Heldarskarð Tað eru farnir 35 minuttir av dystinum í høllini á Hálsi ímillum Kyndil og VB í bólki 2 í Faxe Kondi- kappingini. Talan er um ein javnan dyst, og vágbingar hava alla orsøk at trúgva, at her er møguleiki at vinna stig. Stórskjúttin hjá VB, útlendska Danijela Mistric, hevur við trimum málum javnað til 13-13 eftir, at Kyndil fór til hálvleiks við støðuni 12-10. Eftir hetta byrjar alt at ganga eftir vild hjá kyndilskvinnum, meðan støðan er tann umvenda hjá VB. Kyndil byrjar at seta meira ferð á spælið, og sum restin av dystinum frálíður gerst meira og meira týði­ ligt, at tað, sum var ein javnur og spennandi dystur, endar við at blíva til stórsigur til heimaliðið. Kyndilskvinnur enda við at vinna dystin heili 27-18, og hetta merkir, at Kyndil sum fyrsta liðið í Faxe Kondi-kappingini hevur tryggjað sær pláss í hálvfinalunum. Málturkur Allan fyrra hálvleik var lítil og ongin munur á liðunum. Liðini fylgdust at á máltalvuni, men tó var tað í størri mun heimaliðið, ið hevði ta lítlu yvirvágina, sum onkuntíð stakk seg upp. Kyndil legði seg á odda bæði 6-4 og 7-5 við málum frá bert 16 ára gamla spælskiparanum, Súnu Krossteig Hansen, og Turið Arge Samuelsen, ið mangan leyp væl inn frá sínum plássi á vinstra vongi. Men serliga Danijela Mistric gjørdi, at spenningurin helt sær í dystinum, tí útlendski stórskjúttin hjá VB gekk á odda við mál­ skjótingini og javnaði til 8-8. Síðsta løtan í hálvleikinum bleiv merkt av tveir minuttir útvísingum til bæði liðini, men hetta gagnnýtti Kyndil betur og fór til hálvleiks á odda. Høvuðsorsøkin til skrædlið í seinna hálvleiki var, at at mál­skjót­ ingin hjá VB steðgaði upp. Hetta kom serliga til sjóndar frá 44.-54. minutt, tí í hesum tíðarskeiðnum skoraði VB ikki eitt einasta mál. Nógv varð lagt á herðarnar á Danijelu Mistric, sum eisini skaraði framúr við sínum 11 málum, men hon var einasta skothóttanin útifrá hjá vágbingum. Av og á valdu kynd­ ilskvinnur at mansverja Mistric, og tá gjørdist álopsspælið hjá VB av álvara stirvið. Undan málturkinum hjá vágs­ kvinnum var støðan 18-16, men tá ið Danijela Mistric skoraði 17. málið hjá VB hevði Kyndil skorað 24 mál, og harvið var leyst og liðugt. – Vit brenna ov illa Eftir Danijelu Mistric er tað serliga