mánadagur 23. januar 2017síða 17

17 Mánadagur 6. januar 2014 · Nr. 2 Sosialurin Mánadagur 23. januar 2017 · Nr. 10 Hugskot og viðmerkingar – send sms til 225000 KVINNUHONDBÓLTUR KOMIÐ VÍÐARI Gurið Krosslá Augustinussen, ið spælir á bakkinum, sum er ímillum undangongukvinnurnar hjá VB. Eftir dystin helt hon, at tað vóru brendir kjansir, sum gjørdu, at munurin ímillum liðini bleiv so stórur. – Eg haldi ikki, at nakar munur var á liðunum í fyrra hálvleiki, men í seinna hálvleiki brenna vit snøgt sagt ov illa. Brendu kjansirnir kostaðu okkum dýrt, sigur Gurið Krosslá Augustinussen. Til dystin í gjár brúkti VB bert 10 leikarar av sínum 13 á dómara­ seðlinum. Gurið Krosslá Augustin­ ussen heldur tó ikki, at tað var vantandi breidd hjá VB í mun til Kyndil, sum skifti meira út, ið gjørdi munin ímillum liðini so stóran. – Eg haldi ikki, at vit hava ov tunnan hóp. Tað hevur gingið sera væl í ár í álopinum, meðan okkara trupulleikar í størri mun hava ligið í verjuni. Í dag gongur tó eisini væl í verjuni til tíðir, men trupulleikin var álopsspælið, har neyvleikin manglaði, sigur Gurið Krosslá Aug­ ustinussen. Tapið hjá VB merkir, at vág­ bingar møguliga fáa eitt slag av einum finaludysti at spæla í síðsta bólkaspælsdystinum. Vinnur Stjørn­ an sum væntað ímóti H71 týs­ kvøldið, so hava bæði VB og Stjørnan tvey stig, áðrenn liðini hittast komandi vikuskiftið í Vági. Bert eitt av hesum liðum kann koma víðari saman við Kyndli. – Vit hava góðar vónir til síðsta dystin ímóti Stjørnuni. Í dag spæla vit upp ímóti Kyndli ein stóran part av dystinum, so tað er eitt krav, at vit vinna síðsta dystin á heima­ vøllinum, sigur Gurið Krosslá Aug­ ustinussen at enda. Við fýra stigum eftir tveir spæld­ar dystir er Kyndil víðari. Sigra kyndilskvinnur í seinasta bólkaspælsdystinum ímóti H71 komandi leygardag eru tær eisini fullvísar í at vinna bólkin, sum kann vísa seg at verða ein fyri­ munur. VÍF tók fyrsta stigið Liðini í Faxe Kondi-kappingini hjá kvinnum eru uppbýtt í tveir bólkar, har fýra lið eru í eina bólkinum og trý í hinum. Seks lið eru at taka av í Hvonndeildini, og tí er sjeynda liðið H71 úr 1. deild, sum nú fær høvið at royna seg ímillum tey bestu í føroyskum kvinnuhondbólti. Í trýliðsbólkinum finna vit Neistan, VÍF og StÍF. Av tí, at tvey lið koma víðari úr bólkinum, so kann so lítið sum bert ein sigur møguliga vera nóg mikið til at spæla seg víðari í hálvfinalurnar. VÍF og StÍF hittust í høllini í Vestmanna í gjár, og har var gongdin í dystinum meinlík dysti­ num í høllini á Hálsi. Liðini fylgdust at í fyrra hálvleiki og fóru til hálvleiks við støðuni 12-10 til VÍF. Í seinna hálvleiki skrædnaði tó ímillum liðini, og endin var tann, at VÍF vann við heili sjey málum - 26-19. Hjá VÍF gekk Daniella Joensen á odda við málskjótingini við sínum sjey málum. Liljan Djurhuus, sum ikki spældi við í fyrru helvt av hesum kappingarárinum vegna barnsburð, er eisini í ferð við at finna máltevið framaftur. Hon skoraði fimm av málunum hjá VÍF í gjár. Við sínum fimm málum gjørdist Birna Tummasardóttir toppskjútti hjá StÍF. Mikukvøldið hittast StÍF og Neistin á Skála, og tá verður óivað neyðugt hjá strandingum at vinna, um kvinnurnar hjá StÍF skulu varðveita vónina um at spæla seg víðari til hálvfinalurnar. Hetta verður fyrsti dystur hjá verandi steypavinnarunum, neista­kvinn­ um, í ársins steypakapping. neli@sosialurin.fo Kyndil-VB 27-18 (12-10) Kyndil: Súna Krossteig Hansen 5, Turið Arge 5, Anna Brimnes 4, Guðrið G. Eystberg 4, Bjarta Johansen 3, Bára Krossteig Hansen 2, Anja Eliasen 1, Anja Hammer 1 og Gudrun Restorff 1. VB: Danijela Mistric 11, Gurið K. Augustinussen 3, Bára Krosslá Mortensen 2, Maria Halsdóttir Weyhe 1 og Rannvá Johannessen 1. VÍF-StÍF 26-19 (12-10) VÍF: Daniella Joensen 7, Liljan Djurhuus 5, Ema Bezanovic 4, Brynja Rógvadóttir 3, Agnas Olsen 3, Randi Virgarsdóttir 3 og Ró Nielsen 1. StÍF: Birna Tummasardóttir 5, Ninna K. Johansen 4, Poula Berg 3, Sunfríð B. Johansen 2, Rebekka Poulsen 1, Heidi Sevdal 1, Ingibjørg Kass 1, Anna Danielsen 1 og Durita Hummeland 1. Súna Krossteig Hansen hevur á ungum aldri fingið stóra ábyrgd á Kyndilsliðinum Bjarta Johansen fekk 3 mál frá strikuni fyri Kyndil. VB skal nú stríðast við Stjørnuna um at koma víðari í bólkinum