mánadagur 23. januar 2017síða 20

Mánadagur 23. januar 2017 · Nr. 10 20 Sosialurin Hugskot og viðmerkingar – send sms til 225000 FÓTBÓLTUR André Olsen Eins og tvey tey undanfarnu árini, hava vit á Sosialinum aftur í ár valt at gjørt ein lista yvir 10 ungar leikarar, ið allir hava góð­an møguleika fyri at fáa sítt gjøgn­ umbrot í føroyskum fótbólti í fram­ tíðini. Aftur í ár er listin gjørdur í sam­ ráð við fleiri fakfólk, ið hava stóran kunnleika til ungu leikararnar, ið eru á list­anum. B36 eigur flest leikarar Teir 10 ungu leikararnir á list­anum í ár, koma frá fýra føroyskum feløgum. Tey fýra feløgini eru B36, NSÍ, Víkingur og 07 Vestur, har B36 eigur teir flestu av leik­arunum. Heili fýra av teimum 10 leikarunum koma nevniliga úr B36. Allir spæla í Føroyum Merkisvert við listanum í ár er, at eingin umboðar nakað útlendskt felag. Tað hevur annars verið vanligt tey bæði undanfarnu árini at fleiri av teimum ungu leikar­ unum hava havt sín dagliga­dag uttanlands, men soleiðis er ikki í ár. Tó ljóðar at útlendskur áhugi er fyri onkrum av ungu leikarunum á listanum í ár. Listin skal brúkast til framtíðina Eitt sindur stuttligt er eisini at síggja, hvørjir áður hava verið á hesum listunum. Flestu av teimum eru nøvn, ið man hevur sæð aftur í før­oyskum fótbólti, og tað er eisini endamálið við hes­um greinunum. Mill­um ann­að hevur ungi og evna­ ríki leikarin, Teit Jacob­sen, verið á listanum hesi bæði seinastu árini, ið sum kunn­ugt stutt undan jólum í fjør varð seldur til danska Super­ liga felagið, Sønder­jyske. Ætlanin við hesum list­unum er nevniliga at gera teir á hvørjum árið, soleiðis at man um bæði fá og nógv ár kann síggja hvørjir av teimum ungu leikarunum, ið sum 16-17 ára gamlir vóru mettir sum størstu talentini náddu tað, og hvørjir ikki náddu tað. Teir 10 ungu leikararnir í ár eru hesir: ÁRGANGUR 1999 Andri Benjaminsen, NSÍ Føddur: 12-01-1999 Pláss á vøllinum: Bakkur/Kantur Upprunafelag: B68 Felag: NSÍ Ungi og evnaríki NSÍ leikarin, ið upprunaliga kemur úr B68, fekk longu í fjør sínar fyrstu minuttir á besta liðnum hjá NSÍ. Og tá hann í næstseinasta umfarinum á heimavølli móti AB, fyri fyrstu ferð fekk møguleikan frá byrjan á besta liðnum hjá NSÍ, gjørdi ungi maðurin ikki mætari enn at skjóta mál. Andri Benjaminsen er ein sera skjótur og ágangandi leikari, ið kann spæla fleiri pláss á vøllinum. Hann hevur fyri tað mesta spælt í báðum borðunum frameftir vøll­ inum, men eisini hevur hann roynt seg sum vinstri bakkur. Millum annað á U-19 landsliðnum í fjør. Hóast hørðu kappingina um plássini á besta NSÍ liðnum, er tað sannlíkt at Andri Benjaminsen fer at fáa spælitíð í komandi kapp­ ingar­árið. Hannes Agnarsson, B36 Føddur: 06-02-1999 Pláss á vøllinum: Kantur/Áleypari Upprunafelag: B36 Felag: B36 Tann einasti av leikarunum á list­anum, ið longu hevur fingið sítt gjøgnumbrot í Effo-deildini. Spældi heili 16 dystir við B36 í fjør í Effo-deildini, har hann tvær ferðir kom á máltalvuna. Harumframt kom hann eisini á máltalvuna í Champions League kappingini, tá hann skoraði á heimavølli móti maltesiska Valletta FC. Verður mettur av vera ein av teimum mest lovandi leikarunum í føroyskum fótbólti og hevur eina ferð, ið fáir kunnu kappast ímóti. Harumframt er ungi leikarin eisini tekniskt væl fyri og avbjóðandi. Beit seg meira ella minni fastan á B36 liðið í fjør, og tað er væntandi at Hannes Agnarsson kemur at fáa ein uppaftur meira týðandi leiklut í komandi kappingarárinum. Mórits Heini Mortensen, NSÍ Føddur: 25-03-1999 Pláss á vøllinum: Mitt á miðvøllinum Upprunafelag: NSÍ Felag: NSÍ Fekk eisini í fjør sínar fyrstu minuttir á besta liðnum hjá NSÍ, tá hann í útidystinum móti B36 tíðliga í kappingarárinum fekk møguleikan á byrjan á sen­ trala miðvøllinum. Og tað at fáa møguleikan frá byrjan á sen­trala miðvøllinum sum 17 ára gamal, sigur eitt sindur um unga miðvall­ aran. Smæðist ikki burtur sum miðvallari og fyllir nógv á mið­ vøllinum í mun til sín unga aldur. Harafturat er hann skila­góður við bóltinum, og kom eisini nakrar ferðir á máltalvuna fyri næstbesta liðið hjá NSÍ í fjør, umframt U-18 liðið. Stríðist ein harðan dyst við nógv­ar í Runavík um pláss á sen­ trala miðvøllinum á besta NSÍ liðnum, men tað tykist eingin ivi vera um, at hann í framtíðini fer at vera eitt sjálvskrivað val á besta NSÍ liðnum. Arnbjørn Svensson, Víkingur Føddur: 01-07-1999 Pláss á vøllinum: Mitt á miðvøllinum Upprunafelag: Víkingur Felag: Víkingur Ein av lovandi framtíðarleikarunum hjá FM-vinnarunum úr Víkingi, sum nógv verður væntað av í felagnum. Eigur enn til góðar at fáa sínar fyrstu minuttir á besta liðnum, men var í fjør ein týðandi leikari á næstbesta liðnum. Spælir á miðvøllinum, har hann er serstakliga skilagóður við bólt­ inum. Harumframt hevur hann eina góða ferð sum spælari, um­ framt at hann hevur eitt gott spark við báðum beinum. Er helst ein av teimum næstu ungu leikarunum í Gøtu sum fer at fáa sítt gjøgnumbrot í felagnum. Men stríðist ein truplan dyst móti fleiri góðum og rutineraðum monn­ um á Víkinga liðnum. Rói Mørk Hentze, B36 Føddur: 22-09-1999 Pláss á vøllinum: Málverji Upprunafelag: B36 Felag: B36 Ungi B36 málverjin, sum í fjør stóð á U-19 landsliðnum, verður mettur sum ein av mest lovandi ungu mál­ monnunum í landinum. Til at vera málmaður, hevur Her eru 10 ungir føroyskir leikarar, ið hava góðan møguleika, fyri at gera seg galdandi í føroyskum fótbólti í framtíðini. Í ár eigur B36 flest av teimum ungu leikarunum, meðan NSÍ eru teimum næstir við trimum leikarum 10 UNGIR LEIKARAR Arnbjørn Svensson Sjúrður Pauli Nielsen Hannes Agnarsson Fróði Rasmussen Rói Henze