týsdagur 24. januar 2017síða 11

11 Mikudagur 25. januar 2017 · Nr. 11 Sosialurin Hugskot og viðmerkingar – send sms til 225000 Árni Gregersen Síðani kommunurnar yvir­tóku eldraøkið, hava fleiri upplivað, at summar tæn­astur hjá ávikavist kommunum og landið um­ skarast. Ein markamótsnevnd er farin til verka og hon hevur í fleiri førum tikið avgerð um, hvør tað er sum eigur at veita tænastuna. Gott at avgerðir verða tiknar Fyri tey, sum dagliga virka í tænastunum, bæði hjá kommununum og hjá landinum, er tað ein lætti, at greiðar avgerðir verða tiknar. Í einum føri snúði tað seg um, hvør skuldi gjalda rokningina fyri uppihald á einum røktarheimi í eitt ávíst tíðarskeið. Maðurin hevur sálarligt brek og er yvir 67 ár. Fyri at ein borgari skal fáa eitt serligt búpláss frá landinum, so skal borgarin hava eitt ávíst sjúkustig, áðrenn kravið um eitt týðandi sálarbrek er lokið. Nevndin metti ikki, at talan var um so týðandi sálarbrek, at hann kundi fáa serligt búpláss udnir landinum. Tað vil í hesum føri siga, at av tí at borgarin er yvir 67 áar, so er tað kommunan sum skal gjalda fyri tíðina á røktarheimi. Í fleiri førum hevur nevndin tikið støðu til sein­ heila­skaddar menn og um hvør skal gjalda fyri teirra búpláss. Lógin sigur, at røktarheim ella eldrasambýli kann í heilt serligum førum hýsa øðrum røktarkrevjandi persóni enn fólkapensjonisti. Markamótsnevndin er av teirri fatan, at kjarnuøkið fyri røktarkrevjandi undir 67 ár, ið kunnu fáa búpláss frá kommununum, eru borgarar, ið hava sjúku, ið eldri fólk typiskt fáa, og sum er pro­ gressiv og degenererandi. Alzheimers og onnur sløg av demensi eru mest vanligu sjúkur í so máta, ið elva til, at persónur gerst óafturvendiliga og alsamt meira røktarkrevjandi. Sclerosa á seinni stigi er annað dømi. Sonevndur alkohol­ demens­ur – ella seinheila­ skaði grundað á langtíðar misbrúk av alkoholi, er ikki á sama hátt ein degenerativ sjúka sum hinar fyrr nevndu. Steðgar viðkomandi við misbrúkinum og fer at liva sunnari, kann progressiónin steðga. Almannaverkið hevur higartil við heimild í for­ sorgarlógini, varðað av búplássum til hendan bólk. Markamótsnevndin dugir ikki at síggja, at hetta økið er flutt frá landi til kommunur. Nevndin metir, at Al­ manna­verkið eigur at veita tilboð um búpláss á heimi fyri seinheilaskadd, tá talan er um alkoholdemens og apopleksi, meðan komm­ un­urnar vanliga eiga at veita tilboð um bú­pláss á røktarheimi ella eldra­sam­ býli til borgarar undir 67 ár, ið eru raktir av Alzheimers demens. ELDRAØKIÐ Tikið avgerðir um mark millum røkt og forsorg Nú sæst endi á stríðnum millum land og kommunur og hvør hevur ábyrgd av at veita stuðul – Markamótsnevndin tekur avgerðirnar Kommunurnar taka sær av teimum yvir 67 ár, men ofta eru umskaringar, sum geva ivamál um hvør hevur ábyrgdina. Annika Olsen, borgarstjóri í Havn, var landsstýriskvinna við almannamálum, tá ið eldraøkið var lagt út til kommunurnar Eyðgunn Samuelsen er landsstýriskvinna við almannamálum í dag oghevur í stóran mun samstarv við kommunurnar á eldraøkinum.