hósdagur 26. januar 2017síða 17

FRÍGGJADAGUR 27. JANUAR 2017 SOSIALURIN 12 17 AT KJAKAST Hóast formaðurin metir, at yvirtøkan sum heild er væl av­ greidd, so eru ymisk viðurskiftir, ið mugu endurskoðast. – Hvussu alt eldraøkið verður rikið er eitt mál, ið verður viðgjørt á hvørjum stýrisfundi hjá Kom­ munufelagnum. Tað hevur tikið eina løtu at fáa alt økið upp at koyra, men nú tykist, at tað mesta koyrir. Tað eru kortini avbjóðingar á bæði í fíggjarligu síðuni og í býti­ num av uppgávum millum land og kommunu, sigur Dennis Holm. Felagið hevur eisini heitt á landsmyndugleikarnar at taka málið upp av nýggjum. – Vit hava verið á fundi við Fíggjarmálaráðið í farnu viku við einum ynski um, at seta á skrá ein felags fund, har yvirtøkan og fíggjarligi parturin verða eftirmett, eins og vit ynskja ein fund við Almannaráðið at eftirmeta innihaldsliga partin, sigur Dennis Holm. Fleiri gularøtur 3. mai 2012 skipaði táverandi lands­ stýrismaðurin í Innlendismálum Kári P. Højgaard fyri eini veg­ leið­andi fólkaatkvøðu um kom­ munusamanlegging. Uppskotið legði upp til, at tær 30 kom­ munurnar í landinum skuldi skip­ ast í sjey stórar kommunur. Fólkaatkvøðan staðfesti tó, at lítil og eingin undirtøku var fyri kommunusamanlegging, og sæst tað aftur í, at fimm ár eftir fólka­ atkvøðuna, eru 29 kommunur í Føroyum. Tað vil bara siga ein færri síðan fólkaatkvøðuna. Sjálvur er Dennis Holm sann­ førdur um, at tað er rætt at lands­ myndugleikunum lata kommun­ urnar um sjálvar at leggja saman. – Í dag hava vit eina lóg um sjálvbodnar kommunu­saman­ leggingar, og er tað mín sannføring, at um man ynskir eina góða kom­ munusamanlegging, har allir partar fáa okkurt gott burturúr, so má hon vera sjálvboðin. At tvinga eina samanlegging er ikki ein góð loysn fyri kommunurnar, sigur Dennis Holm. Um landið veruliga ynskir fleiri kommunusamanleggingar, so eru tað aðrir mátar at gera tað uppá, metir Dennis Holm. – Tað er neyðugt at skapa fleiri gularøtur, so at kommunur ynskja at leggja saman, heldur enn at noyða tær til tað, sigur Dennis Holm, ið metir at størsta av­ bjóðingin er, at smærru kom­ munurnar ikki ynskja at missa sítt fíggjarliga sjálvræði. – Eg trúgvi, at orsøkin til, at fleiri kommunur aftra seg at leggja saman er, at tey sum nú er hava sín egna kommunukassa. Tað ger, at um tey ikki hava eina stóra skuld, og hava eina góða inntøku, so hava tær møguleikan at gera nakrar ábøtur og íløgur lokalt, ið betra um umstøðurnar hjá borgarunum. Tað óttast tey at missa, um tey gerast partur av eini størri eind, sigur Dennis Holm. Avbjóðingin kann tó loysast við, at staðbundu nevndir fáa sína egna játtan, metir Dennis Holm. – Um man tekur og dagførir lógina soleiðis, at staðbundnar nevndir kunnu fáa eina játtan, ið tey sjálvi ráða yvir, so hevði tað skundað undir fleiri saman­ leggingar. So hevði ein bygd sum t.d. Velbastað kunna gjørt íløgur í lokaløkinum, sigur formaðurin í Kommunufelagnum. HALLUR@SOSIALURIN.FO Tað er neyðugt at skapa fleiri gularøtur, so at kommunur ynskja at leggja saman, heldur enn at noyða tær til tað.