hósdagur 26. januar 2017síða 19

FRÍGGJADAGUR 27. JANUAR 2017 SOSIALURIN 12 19 ÁRNI GREGERSEN S ambandsflokkurin krev­ ur nú, at øll skjøl í sam­ bandi við tær full­veldis­ sam­ráðingar, sum vóru millum Føroyar og Dan­mark um aldarskiftið verða almanna­ kunngjørd. Bárður á Steig Nielsen, for­ maður Sambandsfloksins, hevur sett Aksel V. Johannesen, løgmanni, fleiri spurningar um málið. Hetta er gjørt í Løgtinginum eftir grein 52 í tingskipanini. Grundleggjandi sigur formað­ ur Sambandsfloksins, at tá ið nú ein embætismaður, Sjúrður Skaale, fólkatingsmaður Javn­ aðar­floksins, hevur givið eina bók út, har hann avdúkar fleiri av teim­um viðurskiftum, sum ann­ ars hava verið loynilig, so eigur al­menningurin at fáa atgongd til allar upplýsingarnar frá ting­ ingunum millum føroyskar og danskar myndugleikar frá full­ veldis­tilgongdini. – Tá ið Sjúrður Skaale, sum tá var embætisfólk í Tinganesi, uttan avleiðingar kann skriva og geva eina bók út um hansara uppliving av samráðingunum, so eiga føroyingar allir rætt til at fáa innlit í øll skjølini – og ikki bert eina versjón, sum Sjúrður Skaale hevur valt at gera, sigur Bárður á Steig Nielsen. Noktað higartil Øll landsstýrir síðani ár 2000 hava noktað almenninginum innlit í skjøl um samráðingarnar. Grundgevingin er, at samráðing­ arnar eru ikki lidnar, hóast eingin samráðingarfundur um fullveldi hevur verið í meira enn 16 ár. Grundgevingin er tí uttan hald í veruleikanum, sigur formað­urin í Sambandsflokkinum. Spurn­ ingurin um at almanna­kunngera skjølini hevur áður verið frammi og eisini fyrrverandi formaður Sambandsfloksins, Kaj Leo Holm Johannesen, fekk spurn­ingin, tá ið hann sat sum Føroya løg­maður. Hann noktaði tá fyri at al­ manna­kunngera skjølini. – Ja, tað er rætt, men tá var onki komið út um samráðinganar. Nú halda vit at støðan er mun­andi broytt, tí nú hevur ein, sum var embætisfólk undir sam­ráðing­unum, skrivað um nøkur av trún­aðarviðurskiftunum í eini bók. Tí halda vit at allar upp­lýs­ ingar eiga at koma fram, sigur Bárður á Steig Nielsen. Lóku upplýsingar Sambandsflokkurin skrivar eisini, at harumframt hevur ver­ ið alment frammi, at fólk í og kring fullveldislandsstýrið lótu trúnaðarupplýsingar leka út til fjølmiðlar í sambandi við fullveldis­ samráðingarnar. Um hetta er rætt, er tað bæði politisk manipulatión og brot á grund­leggjandi reglur. Tað undrar, at løgmaður, at síggja til, ikki letur hesar upplýs­ ingar við seg koma. Løgmaður eigur sum skjótast at staðfesta ábyrgd hjá politikarum og/ella em­ bætisfólkum ella øðrum, ið møgu­ liga hava framt lekar. Eisini eigur løgmaður at taka løgfrøðilig stig móti teimum, ið framdu ella stóðu fyri møguligum ólógligum lekum. – Sambandsflokkurin undir­ strikar týdningin av, at øll skjøl í sambandi við fullveldis­sam­ráð­ ingarnar verða leysgivnar alt fyri eitt. – Fatanin av fullveldissamráð­ ingunum, ið hava skatt Føroyar almikið, eigur ikki bert at verða sáldað ígjøgnum eina politiska bók við ávísum politiskum endamáli, sigur flokkurin í grundgevingunum fyri spurningunum til løgmann. Bók og trúnaðar­ upplýsingar At Sambandsflokkurin nú vil hava almannakunngjørt, hvat hendi um aldarskiftð í samráð­ ingunum millum Føroyar og Dan­ mark, hongur saman við tveimu ymiskum viðurskiftum. Bárður á Steig Nielsen sig­ur, at trúnaðarspurningurin gjørd­ist aktuellur nú viðurskifti í uttan­ landsnevndini hjá Løgtinginum av óvart komu út á Løgtingsins heima­síðu. Hitt er bókin, sum Sjúrður Skaale, fólkatingslimur, skrivaði og gav út í fjør. – Annaðhvørt mugu lekar av hesum slag fáa avleiðingar av onkr­um slag, ella er neyðugt at almenningurin fær fult innlit í eitt mál. Tað er ikki rætt, at eitt mál bert verður lýst frá einari síðu við ávísar politiskari slagsíðu, sigur Bárður á Steig Nielsen, Sambandsflokkurin. Sambandsflokkurin vil hava at løgmaður annaðhvørt syrgir fyri, at tað fær avleiðingar at leka upplýsingar ella at øll skjøl um fullveldissamráðingar verða almannakunngjørd Krevja at fáa at vita hvat hendi tá ið Føroyar vildu loysa 1. Nær fer løgmaður at almannakunngera øll skjøl í sambandi við sonevndu fullveldissamráðingarnar millum landsstýrið og donsku stjórnina í árinum 2000, nú hópin av trúnaðarupplýsingum um samráðingarnar eru liknar út í bókini ”Tá Føroyar skuldu loysa”, sum kom út í 2016? 2. Kann løgmaður vátta, at fólk í og kring fullveldislandsstýrið lótu trúnaðarupplýsingar leka út til fjølmiðlar í sambandi við fullveldissamráðingarnar? 3. Um løgmaður ikki kann vátta nevndu lekar til fjølmiðlar, hvat fer løgmaður at gera fyri at kanna, hvør ella hvørji framdu nevndu lekar, og hvussu lekarnir vórðu framdir? 4. Um funnið verður fram til, hvussu og hvørji lótu trúnaðarupplýsingar leka út til fjølmiðlar, hvørji stig ætlar løgmaður tá at taka mótvegis hesum persónum? 5. Hvørji stig ætlar løgmaður at taka, eftir at fyrrverandi embætismaður og spinndoktari hjá fullveldislandsstýrinum í bókini ”Tá Føroyar skuldu loysa” sannlíkt hevur brotið tagnarskylduna við at almannakunngera upplýsingar um fullveldissamráðingarnar, ið øll landsstýrir síðani 2000 hava sagt vera trúnaðarupplýsingar? Spurningarnir til løgmann: Bárður á Steig Nielsen og Sambandsflokkurin krevja, at øll skjøl frá fullveldistinginum verða almannakunngjørd nú Aksel V. Johannesen, løgmaður, skal svara spurningunum frá Sambandsflokkinum og gera av um skjøl skulu gerast almenn Sjúrður Skaale var embætismaður undir tinginum um fullveldi um aldarskiftið. Hann gav eina bók út í fjør og avdúkaði partar av tí sum hendi undir samráðingunum POLITIKKUR