mánadagur 30. januar 2017síða 19

19 Mánadagur 6. januar 2014 · Nr. 2 Sosialurin Mánadagur 30. januar 2017 · Nr. 13 Hugskot og viðmerkingar – send sms til 225000 OYINGAR Í VENJING Hugvekjandi hvussu Føroyar og Ísland hava gjørt so stór framstig Hann heldur at føroyskur fótbóltur hevur ment seg nógv síðani hann var her seinast í 2002 og heldur sum heild at fótbólturin í teimum norðastu londunum hevur gjørt risa framstig seinastu árini. – Tað er eingin ivi um at støðið á fótbóltinum í Føroyum alsamt er blivið betri, og tað sær man týðuliga við hvussu nógvir føroyskir leik­ arar fara uttanlands at spæla. Ein og hvør sum hevur fylgt við fótbólti seinastu árini, sær eisini hvussu stór framstig landsliðið hevur gjørt, og eg haldi tað vera hug­ vekjandi at hugsa, hvussu Føroyar og Ísland hava gjørt so stór fram­ stig seinastu árini fótbóltsliga. Okkurt hevur í øllum førum verið gjørt rætt í teimum londunum, tá Føroyar tildømis er farið framvið Noregi á styrkislistanum yvir lands­lið. Ætlar at leggja dent á trý ávís øki Maurice Ross, sum í dag flytur til Føroyar, har hann byrjar í venj­ arastarvinum í Suðuroy, gleðir seg serstakliga nógv at sleppa í gongd í nýggja felagnum. – Eg eri fullgreiður yvir at talan er um eitt spildurnýtt felag, so fyrst av øllum fari at hyggja eftir hvussu felagið er skipað. Í einum og hvørj­ um felagið eru nøkur felags grund­ virðir, og um tey ikki áðrenn eru gjørd, skulu vit finna fram til nakað, sum hetta felagið altíð fer at kunna standa inn fyri. – Síðani fara vit at hugsa um at finna ein spælistíl sum fer at hóska til allar leikararnar. Har sum eg havi verið venjari áður, havi eg passa mín spælistíl til teir leik­ ararnar sum eg havi havt, so eg kann ikki siga beinavegin hvussu spælistílurin fer at vera. Hóast tað er tíðliga at tosa spælistíl, eru tað allíkavæl trý serstøk øki, ið hann fer at leggja serstakliga stóran dent á sum venjari í nýggja felagnum. Tað eru tey trý skotsku økinini, football understanding, fitness og fighting. – Eg havi serliga trý ting, ið eg meti vera serstakliga umráðandi fyri meg sum venjara. Tey eru tey trý f’ini á skotskum, football under­ standing, fitness and fighting. Tað er serstakliga umráðandi at fáa tey inn í felagið. At leikararnir hjá mær koma at skilja tann mátan sum vit vilja sleppa at spæla fótbólt uppá, og at teir alla tíðina koma at stremba eftir at blíva betur og betur fyri. Eg havi sæð teir komandi leikararnar hjá mær, og havi sæð at tað er nakað at arbeiða við hjá summum leikarum, tá man hugsar orkumessiga. Tí komi eg at leggja stóran dent á orkuna hjá leik­ arunum, soleiðis at vit alla tíðina koma at vera førir fyri at kunna berjast fyri at geva einum og hvørjum liðið harða mótstøðu í Effo-deildini. Leikararnir skulu arbeiða fyri sakini Maurice Ross sigur at hann er ein venjari, ið hevur eitt opið og erligt samskifti við leikararnar hjá sær. Hann sigur at hann ongantíð fer at kritisera ein leikara um hann ger eina skeiva avlevering ella skjýtur við síðuna, men at hann kann øsa seg, um ein leikari ikki arbeiðir fyri sakini. – Sum venjari góðtaki eg væl at mínir leikarar gera feilir tá teir spæla fótbólt. Tað er ein partur av spælinum, og eg haldi ikki at tað loysir seg at skelda ein leikara, tá hann tildømis ger eina skeiva av­ levering. Men um ein leikari ikki ger neyðuga innsatsin fyri liðið, kann eg veruliga øsa meg. Eg vil hava at leikararnir alla tíðina hugsa um at gerast betri, soleiðis at liðið eisini kann blíva betri, sigur Maurice Ross. Professionella tilgongd til uppgávuna Maurice Ross, ið hevur drúgvar royndir á hægsta stigið, har hann millum annað hevur spælt við skotska stórfelagnum, Glasgow Rangers, umframt øðrum kendum feløgum í Bretlandi, ætlar at brúka drúgvu royndirnar sum venjari í Suðuroy. Serliga hevði hann hugsa sær at gjørt venjingarumvørvi professionelt. – Eg veit fullvæl at mínir spæl­ arar arbeiða fulla tíð við síðuna av fótbóltinum, og at man tí ikki fær gjørt tað líka so professionelt sum eitt nú í Glasgow Rangers. Men tað havi eg eisini royndir av sum venjari í Noregi, har leikararnir eisini arbeiddu fulla tíð við síðuna av fótbóltinum. Men eg ætli mær at hava eina tilgongd til leikararnar hjá mær sum er líka so professionelt sum tá eg sjálvur spældi í eitt nú Glasgow Rangers. Serliga eru tað royndirnar frá fyrrverandi topp venjarum, ið Maurice Ross, metir seg fáa brúkt sum komandi venjari hjá nýggja Suðuroyarfelagnum. – Eg havi verið so mikið heppin sum spælari, at eg havi spælt undir fimm topp klassa venjarum, ið allir hava givið mær nógv innanfyri fótbóltin. Eg vil hava spælararnar hjá mær at hugsa professionelt. Bæði innan kost, innan styrki­ venjing og fyri at fyrireika seg til dyst. Tað hevur ógvuligan stóran týdning sum fótbóltspælari og fyri endaliga úrslitið, sigur Maurice Ross at enda. Byrja heima móti ÍF Eisini hjálparvenjarin hjá Maurice Ross í nýggja samanlagda felag­ num í Suðuroy fer at vera út­ lendingur. Tað verður niðurlendski Mark De Vries, sum eisini hevur eina fortíð sum fulltíðar pro­ fessionellur fót­bóltsspælari. Higar­ til hevur Suðuroyarliðið einans fingið tilgongd av Jón Krosslá Poulsen, sum er komi til úr Víkingi, meðan allir útlendingarnir hjá bæði TB og FC Suðuroy, eru farnir til onnur feløg. Fyrsti dysturin hjá nýggja sam­ an­lagda Suðuroyarliðnum og hjá Maurice Ross, verður við Stórá tann 12. Marts, tá ÍF kemur á vitjan. andre@sosialurin.fo Faktaboks: Navn: Maurice Alexander Ross Føðidato: 03-02-1981 Aldur: 35 Landsdystir fyri Skotland sum leikari: 13 Feløg umboðað: Glasgow Rangers, Sheffield Wednesday, Wolves, Millwall, Viking, Kocaelispor, Aberdeen, Beijing Guoan, Motherwell, Livingston, FK Vidar Feløg umboðað sum venjari: Sola FK, Egersunds IK Maurice Ross hevur sum leikari vunnið skotsku steypakappingina fyri Motherwell. Maurice Ross hevur júst skotið mál fyri skotska stórfelagið Glasgow Rangers. Maurice Ross í dysti fyri skotska landsliðið, har hann er í hornatøkum við portugisisku heimsstjørnuna, Luis Figo. SAMRØÐA