týsdagur 31. januar 2017síða 21

21 Mikudagur 1. februar 2017 · Nr. 14 Sosialurin Hugskot og viðmerkingar – send sms til 225000 KJAK Frank Davidsen Fyrrverandi løg­ mað­ur og fyrr­ ver­andi fíggjar­ m á l a ­r á ð h a r r i n eru farnir at vaska sín­ar politisku hend­ur í málinum um, hvørt tað fram eftir skal vera ókeypis ella ikki at koyra ígjøgnum teir báðar undir­sjóvartunlarnar, Vága­tunnilin og Norðoyatunnilin, tá lánini eru afturgoldin. Í oddagrein í Sosialinum 27. jan­ uar 2017 stendur millum annað, at fyrrverandi løgmaður Kaj Leo Holm Johannesen hevur eginleikan fram um aðrar politikarar at snara runt sum á einum tallerki – og brádliga meinar hann júst tað øvugta av tí, hann hevur sagt frammanundan. Av tingsins røðarapalli 10. sep­ tembur 2013 segði hann sostatt Løgtinginum og øllum Føroya fólki frá, at tunnilsfeløgini skuldu rinda landinum aftur tær 395 milliónir krónurnar, sum landið hevði sett í feløgini sum partapening. Fyrr enn tá kundi tað ikki vera ókeypis ar koyra í gjøgnum tunlarnar. Fyri at skera tað út í papp, so legði fyrrverandi løgmaður dent á, at táverandi samgongan hvørki hevði ætlanir um at at avtaka lóg­ irnar í næstum ella at broyta tær. Samstundis situr fyrrverandi fíggjarmálaráðharri Jørgin Nicla­ sen og lýður á, meðan sam­gongu­ leiðari hansara slepti hesi politisku bumbuni, uttan at reagera. Hann visti sjálvandi eisini, at hann ikki fekk meiriluta í samgonguni fyri aðrari meining um málið enn løg­ maður. Eivin Jacobsen táverandi løg­ tingsumboð fyri Sambandsflokkin í Vágum var tó skjótur at lofta hesi hondgranatini, ið løgmaður hans­ ara hevði tveitt lúkst í fangið á fíggjarmálaráðharranum. Tí setti Eivin Jacobsen ein fyri­ spurning til fíggjarmálaráð­harran viðvíkjandi álvarsligu støðuni, sum vágafólk, og norðoyingar knappliga vóru komin í við avgjørdu út­søgn løgmans – nevnliga at bumm­pen­ ingur framhaldandi skuldi krevj­ast, eisini aftaná, at tunnils­lánini vóru útgoldin. Fíggjarmálaráðharrin var sjálv­andi greiður yvir, at støðan hjá honum var vónleys, tí sam­ gongu­leiðarin hevði stungið hann í ryggin. So har var einki annað at gera enn at spæla politiskt poker. Tað gjørdi hann við at lova at leggja eitt uppskot fyri Løgtingið, ið skuldi hava við sær, at ein klokkuklár løgtingssmtykt skuldi staðfesta, at tunnilsfeløgini ikki skuldu heftast fyri at gjalda partapeningin aftur í landskassan. Sjálvandi var einki uppskot lagt fyri løgtingið, soleiðis sum fíggj­armálaráðharrin hevði lovað, tí innast inni var fíggjarmála­ráð­ harrin greiður yvir, at hansara egna samgonga við løgmanni á odda hevði felt eitt møguligt uppskot við brestin – ella mest sannlíkt, hevði steðgað tí, áðrenn tað nakrantíð varð borið í Løgtingið. Er tað soleiðis, sum oddagreinin í Sosialinum sigur frá, at núverandi løgtingsmaðurin Kaj Leo Holm Johannesen hevur snarað runt á einum tallerki í hesum málið, so vísur hann yvir fyri Føroya fólki, at hann als einki trúvirði hevur eftir. At fyrrverandi fíggjarmála­ ráð­harrin hevur ein alvorligan for­kláringstrupulleika, er ikki ov nógv sagt. Hann segði seg skula leggja eitt løgtingsuppskot fram, ið rimmarfast skuldi staðfesta, at tunnilsfeløgini IKKI skuldu gjalda landskassanum partapeningin aft­ur, sum Løgtingið hevði játt­að sum partapening í báðum undir­ sjóvartunlunum. Sostatt hevur hann sjálvur alla ábyrgdina av tí eljustríði, ið nú hevur tikið seg upp um tunn­ ils­málið. Og í staðin fyri at taka í egnan barm, sendir hann heldur apuna víðari til sitandi samgongu og gevur henni skyldina fyri sítt egna lyftisbrot. Sjálvur metir undirritaði, at nú er rætta løtan komin at skjóta ein tunnil ígjøgnum frá Fútakletti til Sandavágs, soleiðis at sleppast skal undan at koyra um Hálsin, ið er eitt sera hættisligt vegastrekki við kava og stormi um veturin. Hesin tunnil fer eisini at spara tey koyrandi fyri bensin- og disel­ útreiðslur og umhvørvið fyri dálk­ing. Um bummgjaldið fór til hesa verkætlan, hevði lyftisbrotið kanska verið til at liva við.
Sjálvur kom eg einaferð á flogvøllinum í prát við norðmenn, ið arbeiddu við at gera Vágatunnilin. Teir ivaðust ikki í tá, at teir kundu sprongt í gjøgnum til Sandavágs fyri tað sama, sum vegurin frá tunlinum í Oyragjáarvegin fór at kosta. Góða mamma tað var ikki eg Virgar T. Dalsgaard Á vágaportalinum er nýliga endur­giv­in ein "sam­røða", sum kringvarparin Jón Brian hevur havt við okkara fiska­ministara, harra Høgna Hoy­dal. Tað er avgjørt ikki óinteressant­ ur lesnaður. Jón B. roynir at stilla ministar­ an­um rímuligar, kontantar og greið­ar spurningar um, HVÍ sam­ ráðingar-mótpartarnir hjá veiðu- ministaranum ikki kunnu fáa eitt pappír við uppskoti á borðið, sum teir so kunnu analysera og debattera á egnum fundum: Fyrst spyr Brian fleiri hampu­ ligar og lagaligar spurningar, síð­ ani meira beint út, so enn meira ber­søgið, og til endan hvassari krav um eitt ordiligt svar, MEN hann fær ikki eina ta einastu ferð eitt reelt aftursvar frá fiska- kardi­nalinum, sum bara sveimar við ófólkaligum flákrandi uttan­ umtosi og harafturat primi­tivari pseudofilosofiskari belæring um "bókstavin, sum drepur", alt meðan hann sjálvur myrdar bæði allan logikk og sunna fornuft! Tað samlada orðagosið frá tí meinings-vevjandi veiðu-minist­ aranum er beinvegis "svørt tala". Hesin illa sperdi fiska-ovastin ball­ ar alt málið inn í ein blýtungan vav­ greyt av orðaskvaldri og semant­isk­ um nonsens. Harumframt kemur hann eisini við faktuellum ósannindum um mótpartin. Tann desperati fiska-vesirurin vil ikki siga, sum er, at hann noktar at vika seg ein tumma í tí ónossliga auktións-málinum, og tí er einki at samráðast um, og tí skal heldur einki pappír útflýggjast. Alt er myrkalagt, og alt er í loyndum! Málið skal helst krógvast í "ovastu skuffu í ovasta Ráði í allar­ ovasta loyndar-kabinetti hjá fiska- ráð­harranum", Demokratisk pluralistisk tanka­ gongd og politiskt innlit er fyri henda veiðu-ovasta ein óneyðug og strævin pestilens. Vestigia terrent (sporini ræða) Fyri tey yngru ættarliðini má slíkt mjørkaprát og ein slík evnagongd tykjast sum absurdur sjónleikur, og eg havi hoyrt fleiri siga, at hatta er beinvegis at spilla tíðina hjá lesarum ella lurtarum. Men fyri okkum eldru, sum hava verið krónvitnir til, hvussu stovukommunistarnar í 70´unum og 80´unum drupu allan logikk við longum tiradum av mjørkatalu og uttanum-vavstri, er hetta slett IKKI nýtt. Hetta var tann fasta mannagongdin hjá øllum tí ónoss­ liga og logikk-allergiska Frama-lið­ in­um! Her vendir Høgni Hoydal bara aftur til betong-metoduna frá sínum ungdómsárum. Tá tosaðu hann og hansara líkar eitthvørt mál upp í ein ellibita av møsni og humbukki, og teir svaraðu aldrin serliga konkret uppá nakað sum helst! Hetta er FRAMA-METODAN. – Hetta er BREZNJEV- doktrinin! Hevur man fyrst tikið eina støðu í gehejme-kabinettinum, víkir man aldrin frá henni. Alt er viðtikið ex cathedra. Man stýrir dogmatiskt og kennir ikki til ella vil ikki acceptera eitt kompromis! Tessvegna eru allar "sam­ráð­ ingar" illusoriskar og verða bara førd­ar uppá hvamsvís. Man víkir jú kortini aldrin frá sínum dogmum! Men hatta átti ikki at komið óvart á fólk, sum bara minnast 15 ár aftureftir. - Fiska-vesirurin hevur jú fyrr víst síni manglandi evni sum demokratiskur landsstýrismaður. Arnfinnur Kallsberg var bein­ leiðis í neyð av teimum intrigum, sum kardinalurin skapti táverandi stýri. Jóannes Eidesgaard mátti avbróta alt politiskt "samstarv " við vesirin vegna politiskan illoyalitet. Man má beundra Aksel løgmann fyri, at hann hættir sær at hava henda betongdrongin við sær í eini samgongu. Sjálvt tann grótharði Bismarck, sum annars ikki var sentimentalur, erkendi og úttalaði, at politikkur er "Kunst des Møgliche", so HANN kendi væl til at gera skilagóð og konstruktiv kompromis. Men tad lærir ein republi­kansk­ur fundamentalistur, sum okkara depu­ teraði oddafiskur, valla nakran­tíð!. Ein ministari, sum ikki dugir at slaka og er so politiskt óbúgvin, at hann ikki kann skapa kompromis, er slett ikki sína politisku uppgávu vaksin. Tað er altso uppá tíðina, at Aksel løgmaður tekur alvorligt um endan og støðgar sínum ódugiliga fiskaministara. Annars kann aldrin skapast nøk­ ur breið semja í veiðu-vinnuni. Men vp.-stubbin við HH er av­ gjørt ikki uttan undirhaldsvirði: Sjáldan hevur nakar landsstýris- vesirur sagt so nógv møsn við so nógv fólk uppá so stutta tíð! Nonsens og politiskt mjørkatos