mánadagur 6. februar 2017síða 21

21 Mánadagur 6. januar 2014 · Nr. 2 Sosialurin Mánadagur 6. februar 2017 · Nr. 16 Hugskot og viðmerkingar – send sms til 225000 neistakvinnur tryggjað sær eitt gott útgangsstøði undan seinnu hálv­finaluni á heimavølli komandi leygardag. Marjun F. Danberg slær tó fast, at ongar súður eru syftar enn. – Fimm mál er ikki nógv í hond­ bólti. Tað ber framvegis til hjá teim­ um at innheinta okkum, so onki er liðugt fyrr enn alt er liðugt, sigur Marjun F. Danberg. Fyri Neistan kom tað eisini sum ein meinbogi, at ein annar av føstu leikarunum á liðnum, Bára Hansen, fór skadd av vølli. Tað er tó óvist, hvussu álvarsligur skaðin er. Vágbingar ónøgdir við dómararnar Hóast tað verður stórur biti hjá VB at skula vinna við minst fimm málum ímóti greipuvinnarunum á útivølli, so trýr ein av álitis­kvinnu­ num á VB-liðnum, Gurið Krosslá Augustinussen, upp á møguleikan. – Tað er ikki ómøguligt at vinna við fimm málum í Havn. Har hava vit vunnið fyrr, og seinastu ferð vit spældu í høvuðsstaðnum byrjaðu vit eisini væl. Skora vit upp á okkara møguleikar, so letur tað seg gera, sigur Gurið Krosslá Augustin­ ussen. Tað var í seinna hálvleiki, at tað byrjaði at ganga skeiva vegin hjá vágbingum. Tær á VB-liðnum hildu eiheldur, at dómaraavrikið hjálpti upp á støðuna í seinna hálvleiki. - Eg haldi, at neistakvinnur vóru hepnar við at fáa nógvar dømingar við sær í seinna hálvleiki. Dómara­ avrikið ørkymlaði okkum, sigur Gurið Krosslá Augustinussen. Kann ikki ganga galið hjá Kyndli VÍF megnaði at spæla seg í fin­ al­una í fjør, men mangt skal henda ímillum himmal og jørð, um hetta skal endurtaka seg í ár. Í gjár megnaði VÍF at standa kyndilskvinnum kurl í ein hálvleik, men síðani gekk av skriðuni. Í fyrra hálvleiki var onki, sum bendi á, at munurin skuldi blíva stórur ímillum liðini. Tað leikaði javnt á, tí munurin var ikki størri enn eitt mál, tá ið liðini fóru til hálvleiks. Kyndil vann fyrra hálv­ leik við einum máli og fór til hvíld­ ina á odda 14-13. Í seinna hálvleiki var søgan tó ein heilt onnur. Tað byrjaði at ganga heilt strilitið hjá heima­ liðnum við málskjótingini, og hetta gagnnýttu kyndilskvinnur. VÍF skoraði bert sjey mál í seinna hálvleiki, meðan Kyndil fór buldr­ andi avstað og at enda vann 30-20. Harvið er Kyndil á odda við heili 10 málum, áðrenn liðini hittast til seinnu hálvfinaluna komandi leyg­ ardag í høllini á Hálsi. Kyndils­ kvinnur standa við øðrum beini­ num í finaluni, og tað er ilt, fyri ikki at siga ómøguligt, at síggja fyri sær, at kyndilskvinnur kunnu blaka eina so trygga leiðslu fyri borð. Eftir dystin var týðiligt at hoyra á málinum á Daniellu Joensen hjá VÍF, at vestmenningar vóru sera vónbrotnir av stórtapinum. - Alt miseydnast hjá okkum í seinna hálvleiki. Vit spæla betur og tora munandi betur at skjóta í fyrra hálvleiki, men í seinna hálvleiki tora vit til dømis ikki at fara í tær í verjuni. Hetta var ein ússaligur dystur frá okkum, har vit spældu við høvdinum undir arminum, sigur Daniella Joensen, sum fekk reytt kort í seinna hálvleiki, tí at hon fekk útvísing á tveir minuttir tríggjar ferðir. Lagið var sjálvandi nógv betri á Báru Krossteig Hansen hjá Kyndli, ið skoraði fýra av málunum hjá útiliðnum. – Vit seta ferðina upp í seinna hálvleiki og renna frá teimum. VÍF gjørdi eisini nógvar villur, ið vit revsaðu. Vit orkaðu betur enn VÍF, og harafturat riggaði tað eisini væl at spæla inn til strikuna, sigur Bára Krossteig Hansen. Sostatt skulu avbjóðararnir til oddaliðini bæði hála heili 15 mál inn í hálvfinalunum, sum verða spældar komandi vikuskiftið. Nei, ilt er at síggja fyri sær enn tað, at Neistin og Kyndil aftur skulu spæla steypafinalu sínamillum í 2017. Menninir eiga tørn Mikukvøldið er manshondbóltur á skránni, tá ið fyrstu hálvfinalurnar hjá monnunum skulu spælast. Her spæla H71 og VÍF í Hoyvík, meðan neistamenn taka ímóti StÍF í høllini á Hálsi. H71 og Neistin vóru liðini, sum vunnu seg í steypafinaluna í fjør, og harvið er ein endurtøka av hesari finaluni ikki ómøgulig. Lagt er tó upp til nakrar spennandi dystir, tí tað hevur verið eyðsæð í FTZ-deildini í ár, at kappingin er vorðin javnari enn áður. VÍF-Kyndil 20- 30 (13-14) VÍF: Ema Bezanovic 5, Liljan Djurhuus 4, Agnas Olsen 3, Randi Virgarsdóttir 3, Kathe Frederiksen 2, Heidi Maria Akselsen 2 og Lív Poulsen 1. Kyndil: Anna A. Brimnes 7, Súna Krossteig Hansen 6, Bjarta O. Johansen 5, Turið Arge Samuelsen 5, Bára Krossteig Hansen 4, Anja Hammer 1, Guðrið G. Eystberg 1 og Anja Eliasen 1. VB-Neistin 17- 22 (10-10) VB: Danijela Mistric 6, Barbara K. Hjelm 3, Helga Kjærbo 2, Rúna M. Jacobsen 2, Bára Krosslá Mortensen 1, Gurið Krosslá Augustinussen 1, Maria Halsdóttir Weyhe 1 og Rannvá Johannessen 1. Neistin: Eir Berg 5, Lilja Mohr 4, Birita Ingolfsdóttir 3, Brynja Høj 3, Jacklin Durhuus 2, Bára Hansen 2, Marjun F. Danberg 2 og Súsanna Pálsdóttir Nólsoy 1. KVINNUHONDBÓLTUR Kyndil hevði fult tamarhald á seinna hálvleiki og vann við heili 10 málum. Mynd: Sigmar Mørkøre Bára Hansen mátti av vøllinum við skaða, og tað er ivasamt um hon spælir seinnu hálvfinaluna Ema Bezanovic varð toppskjútti hjá VíF við fimm málum, men tað hjálpti lítið í heildini Mynd: Sigmar Mørkøre