mánadagur 6. februar 2017síða 22

Mánadagur 6. februar 2017 · Nr. 16 22 Sosialurin Hugskot og viðmerkingar – send sms til 225000 1. Hvussu er at vera høvuðsvenjari? – Tað er nógv meiri í starvinum, enn eg roknaði við. Men tað er ræðuliga spennandi. 2. Hvussu sær út hjá tykkum í B36, um tú skalt døma út frá venjingardystunum? – Tað sær ólúksáliga gott út, haldi eg sjálvur. Tað er ein góður hópur, sum eg eri nøgdur við. Vit hava eina góða blanding av ungum og royndum leikarum, og tað hevur gingið rættiliga væl í venjingardystunum. 3. Verða tað stórar broytingar í spælistílinum? – Nei, vit spæla okkara vanliga B36-spæl. Tað vil siga, at vit hava bóltin nógv og eru ágrýtnir. 4. Hvat er eitt nøktandi úrslit hjá B36 í ár? – Tað er eingin ivi um, at tá eg bjóði meg til, so er tað fyri at vinna. Men vit hava havt stóra útskifting. Men tað er nøktandi at gerast føroyameistari, men tað er heldur ikki nøkur katastrofa um vit gerast nummar trý. 5. Hvussu fer árið at ganga í Effodeildini, væntar tú? – Eg vænti eitt spennandi ár, har eg vænti, at vit koma at hava fimm javnt sterk lið. Okkurt lið yvirraskar altíð, so kanska eitt óvæntað lið fer at gera fortreð. Vikan ið fór 44 ára gamli Petur Mittún úr Havn verður settur sum fyrsti aðalskrivari hjá Ítróttarsambandi Føroya. Hann tekur við starvinum 1. mars. Fyrrverandi løgmaður, Kaj Leo Johannesen, verður valdur til nýggjan formann í HB H71, Neistin, StÍF og VÍF spæla seg í hálvfinalurnar í steypakappingini hjá monnum í hondbólti Spanska felagið Mislata CF boðar frá, at felagið hevur gjørt sáttmála við Eyðvør Klakstein úr Klaksvík. Mislata CF er felag í stórbýnum Valencia og spælir í næstbestu sponsku kvinnukappingini. Í fjør spældi Eyðvør Klakstein við baskiska felagnum CD Marino, har hon gjørdist toppskjútti við 10 málum. HB ger sáttmála við 27 ára gamla danska framherjan Daniel Pedersen, sum kemur úr felagnum BK Frem. Heili 10 føroyskir rógvarar tóku lut í evropameistarakappingini í París, og ikki kann sigast annað enn, at teir av sonnum skaraðu framúr. Samanlagda heiðursmerkjaúrtøkan gjørdist ikki færri enn níggju heiðursmerki. Fýra gull, tríggjar silvur og tvær bronsur. New England Patriots vinna Superbowl við 34-28 sigri á Atlanta Falcons, sum eitt skifti annars var á odda við 25 stigum. ...við ítróttinum 5 SKJÓTIR Navnframi tíðindamaðurin, Guillem Ba­l­a­ gue, sum serliga er kendur sum ser­ frøðingur innan spanskan fótbólt hjá sjónvarpsrásini Sky Sports, gav stutt fyri jól í fjør út bókina “Ronaldo”. Bókin er, sum heitið eisini sigur, um por­ tugisisku superstjørnuna Cristiano Ronal­ do. Tað serliga við bókini er tó, at hon er skrivað, uttan at høvundurin hevur gjørt samrøðu við høvuðspersónin sjálv­an. Bókin lýsir lívið hjá Cristiano Ronaldo heilt frá fátæksliga barndóminum á Madeira við einum alkoholiseraðum pápa og fram til marglætislívið hjá fótbóltsúr­ mælinginum í dag. Júst parturin um barndómin í sera fátæksligu korum er áhugaverdur at lesa um, og somuleiðis er tað ógvuliga áhuga­ vert at hoyra ungdómsvenjarar, fyrr­ verandi og núverandi liðfelagar greiða frá, hvussu ómetaliga fokuseraður Cristiano Ronaldo hevur verið at gerast heimsins besti longu frá heilt ungum árum. Hann hevur vant ómetaliga nógv og altíð meiri, enn hvat hevur verið kravt av honum, og hann hevur leitað eftir fólki, sum hava vegleitt honum í at gerast enn betri. Tað, sum telur niður í samlaðu myndini av bókini, eru fyrst og fremst tvey ting. Eitt er, at sum áðurnevnt so er Ronaldo sjálvur ikki ein aktivur partur av bókini, og tí saknar man ofta at hoyra hansara útgávu av ymsum hendingum. Hitt er, at tað sæst ógvuliga týðiliga aftur í bókini, at høv­ undurin ikki hevur nógv til yvirs fyri Cristiano Ronaldo. Guillem Balague er kendur fyri at hava ein serligan tokka til Barcelona og ikki minst Lionel Messi, og tað kemur greitt til sjóndar fleiri staðnis í bókini. Men fyri ein og hvønn, sum hevur áhuga fyri altjóða fótbólti, er bókin áhugaverd, tí hon kemur rímiliga langt inn í skift­ ingarrúmið hjá bæði Manchester United og Real Madrid, og tað í sjálvur sær er áhugavert. Men tað mangla tey smáu gullkornini frá høvuðspersóninum sjálv­ um, sum man til dømis finnur í biografini hjá Zlatan Ibrahimovic “Eg eri Zlatan”. Hevði Cristiano Ronaldo havt ein aktivan leiklut í bókini, og hevði høvundurin verið minni “litaður”, so hevði bókin verið nógv meiri áhugaverd. ★★★★★★ Fimm skjótir spurningar til føroysk ítróttarfólk... Navn: Jákup á Borg Aldur: 37 ár Starv: Venjari og stjóri Royn tína vitan um ítróttin her og nú! Svarini standa niðast til vinstru, men royn teg nú fyrst 1. Ein 19 ára gamal leikari skoraði bæði málini, tá ið Manchester City um vikuskiftið vann 2-1 á Swansea. Hvør er leikarin? 2. Arsenal-venjarin Arsene Wenger hevur í løtuni leikbann og var ikki á síðulinjuni, tá ið Arsenal tapti fyri Chelsea leygardagin. Hvussu eitur gamla verjukempan, sum ístaðin hevði ábyrgdina av liðnum hjá Arsenal? 3. Manchester United vann í gjár 3-0 á meistarunum úr Chelsea – hvør skoraði triðja og seinasta málið fyri United? 4. Í nátt var Superbowl á skránni. Hvørji lið hittust í Superbowl í ár? 5. Quarterbackurin hjá vinnandi liðnum er nú søguligur, tí hann sum tann fyrsti nú hevur vunnið Superbowl fimm ferðir. Hvussu eitur hann? 6. Hvar bleiv Superbowl spælt? 7. Ein dani bleiv í sambandi við Superbowl í ár innlimaður í NFL Hall of Fame – hvør er danin? 8. Hvør stóð fyri undirhaldinum í hálvleikssteðginum í Superbowl? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Gabriel Jesus 2. Steve Bould 3. Juan Mata 4. New England Patriots og Atlanta Falcons 5. Tom Brady 6. Houston, Texas 7. Morten Andersen 8. Lady Gaga UMMÆLI Bók: Guillem Balague: “Ronaldo”