hósdagur 9. februar 2017síða 19

FRÍGGJADAGUR 10. FEBRUAR 2017 SOSIALURIN 18 19 Vikuskiftissosialurin hevur ringt til allar 29 borgarstjórar í føroyskum komm­un­ unum fyri at lodda dýpið viðvíkjandi komm­unu­sam­an­legg­ing. Borgarstjórarnir, ið svara fyri seg sjálv­ar og ikki alt bygda- ella býráðið, vórðu spurdir, um tað lá í kortunum, at tey fóru at arb­eiða fyri nakrari komm­unusamanlegging í hesi setuni. Tað eydnaðist at fáa samband við 27 av 29 borgarstjórum. Svarini vóru fylgjandi: Nei - 17 Treytað nei - 1 Ja - 2 Treytað ja - 5 Ikki viðgjørt - 2 Eiðis kommuna – Jógvan í Skorini – nei Eysturkommuna – Jóhan Christiansen – nei Fámjins kommuna – Jóanis Lisberg – treytað ja Fuglafjarðar kommuna – Sonni á Horni – einki samb. Fugloyar kommuna – Amalia í Frammistovu – nei Hovs kommuna – Jónsvein Hovgaard – treytað ja Húsavíkar kommuna – Bryn­hild Sørensen – einki samb. Hvalbiar kommuna – Janus Thomsen – treytað ja Hvannasunds kommuna – Irdi Jacobsen – nei Klaksvíkar kommuna – nei Kunoyar kommuna – Sóleyð Klettskarð í Kongsstovu – nei Kvívíkar kommuna – Heri Müller – nei Nes kommuna – Jóhannus Danielsen – nei Porkeris kommuna – Mikkjal Sørensen – treytað ja Runavíkar kommuna – Torbjørn Jacobsen – nei Sands kommuna – Brandur Sandoy - nei Sjóvar kommuna – Artur Johansen – nei Skálavíkar kommuna – Linjohn Christiansen – treytað ja Skopunar kommuna – Gerhard Lognberg - nei Skúvoyar kommuna – Harry Jensen - nei Sørvágs kommuna – Aimé Jacobsen – nei Sumbiar kommuna – Eyðbjørn Thomsen – nei Sunda kommuna – Heðin Zachariasen – nei Tórshavnar kommuna – Annika Olsen – nei Tvøroyrar kommuna – Kristin Michelsen – ja Vága kommuna – Eyðdis Hartmann Niclasen – ja Vágs kommuna – Dennis Holm – treytað nei Vestmanna kommuna – Pauli T. Petersen – ikki viðgjørt Viðareiðis kommuna – Hans Jákup Kallsberg – ikki viðgjørt Kunnu ikki tvinga kommunur saman HALLUR AV RANA T að tekur ikki Sir­ið Sten­ berg, lands­stýr­is­kvinnu í Heilsu- og Inn­lend­is­ mál­um, á bóli, at lítil og eingin áhugi er millum før­ oysku borg­ar­stjór­ar­nar at leggja saman við øðr­um komm­un­um. Sum lands­stýr­is­kvinn­an inn­an kommunumál er hon nevni­liga eitt av lands­stýr­is­fólk­un­um, ið hevur tættast til­knýti til komm­ un­urnar, og um­sit­ur lógina um sjálvbodna komm­unu­sam­an­legg­ ing frá 2007. – Tað er næstan eingin áhugi at leggja saman. Men um tú tosar við fólk kring landið, so eru tey flestu av tí fatan, at tað verður eing­in samanlegging nú, men tað slepst ikki undan tí í framtíðini, sig­ur Sirið Stenberg. Lykilin er samstarv Um man ynskir, at fleiri komm­ un­ur skulu leggja saman, so er lands­stýr­iskvinnan sannførd um, at sam­starv er betri enn tvings­il. – Um tað eydnast kommunum at samstarva innan onnur økir, so sum barnavernd, ítrótt ella ann­að, so er tað lættari seinni at tosa um samanlegging, tí tey síggja at sam­ starv kann loysa uppgávur. Tað er nevniliga týdningarmikið, at tað ikki er eitt krav, ið verður kroyst yvir tey, men at tað er sjálv­boðið, sigur Sirið Stenberg. At kommunurnar sjálvar skulu ynskja at leggja sam­an, er neyðugt sambært lands­stýr­is­ kvinn­uni, tí fólkaatkvøðan um komm­unu­samanlegging stað­ festi, at borgarar ikki ynskja sam­ an­legg­ing við lóg. – Fólkaatkvøðan staðfesti púra greitt, at tað ikki er meiri­luti í fólkinum, ið ynskir sam­an­legging við lóg. Tað førdi eisini við sær, at kjakið steðgaði, tí einki fólksligt mandat var fyri tí. Før­oy­ing­ar vórðu bidnir at siga sína hugs­an, og svarið var nei. Tað er torført at ignorera, sigur lands­stýr­is­ kvinnan. Má duga at selja hana Hóast kommunusamanlegging ikki er nevnt við einum orði í sam­ gongu­skjal­inum millum Javn­að­ ar­flokkin, Tjóðveldi og Fram­sókn, so sigur Sirið Sten­berg, at tað er eitt ynski í sam­gong­uni, at fleiri kommunur leggja saman. Tað er tó ikki eitt ynski, ið samgongan fer at gera nak­að við, tí hon virðir úrslitið av fólka­at­kvøð­uni. Sjálv heldur hon, at ein vansi í øll­um kjakinum um komm­unu­ sam­anlegging hevur verið, at fyri­ munirnir við samanlegging ikki eru lýstir nóg væl. – Man hevur ikki dugað at víst, hvat er gott við størri eind­um. Um man bara tosar um, at tað er betri við eina umsiting, og ikki nakað um tað, ið rør við ger­and­is­dagin hjá fólki, so verður tað tungt at koma víðari. Tað hendi fyri nøkrum árum síðan. Man leyp um kjakið og fór beint til eina fólkaatkvøðu. Fólk vóru kanska ikki so væl upplýst, so tey valdu tryggu síðuna og søgdu nei, sig­ur Sirið Stenberg. Broytingar í lógini Landsstýriskvinnan vísir tó á, at tað kann vera eitt hugskot at gera broytingar í lógini um sam­an­ legging, so at smærri komm­un­ur varðveita nakað av valdi. – Bygdirnar og kommunurnar eru ymiskar, og hava ymiskan sam­leika. Tey hava egin ynskir, og ynskja at teirra lokalsamfelag arb­eiðir fyri teimum. Tí kann tað vera ræðandi, um tey halda, at tey missa sín ræðisrætt, sigur Sir­ið Stenberg, áðrenn hon kemur við eini møguligari loysn. – Til ber at menna tær stað­ bundu nevndirnar, so at tær fáa ein størri leiklut í kommununi, og meira fígging at arbeiða við, sig­ur Sirið Stenberg. Landsstýriskvinnan upplýsir tó, at tað verður ikki í bræði, at broyt­ingar verða gjørdar í lógini um kommunusamanlegging. – Tað er ikki nakað, ið vit hava sett á skrá beint nú. Men vit fara nú í ein dialog við Komm­unu­ fe­lagið viðvíkjandi við­ur­skift­ um, ið vit kunnu hyggja eftir, harímillum kommunulógin og samanleggingar, sigur Sirið Sten­ berg. Føroyingar vórðu bidnir at siga sína hugsan, og svarið var nei. Tað er torført at ignorera – Tað er næstan eingin áhugi at leggja saman, sigur Sirið Stenberg, landsstýriskvinna í kommunumálum.