mánadagur 13. februar 2017síða 6

Mánadagur 13. februar 2017 · Nr. 19 6 Sosialurin Hugskot og viðmerkingar – send sms til 225000 Danjal av Rana Gambisku tvíburarnir, sum í novembur 2015 søktu um friðskjól í Føroyum, bíða enn eftir svarið. Tað váttar Hildur Hentze, kanningarleiðari, fyri Sosialinum. Hon sigur, at danskir myndugleikar enn viðgera málið, og at gent­urnar sleppa at vera í Før­oyum, inntil ein avgerð er tikin í málinum. Tað var 30. novembur 2015, at Sosialurin fyrstu ferð skrivaði um Awu og Adamu Faye, 14 ára gomlu tví­burarnar, sum høvdu søkt friðskjól í Føroyum. Tvíburarnir, sum eru úr vesturafrikanska landinum Gambia, vóru í Føroyum og vitjaðu beiggja sín, sum býr í Føroyum og hevur før­oyska konu. Meðan tær vóru her, bórust tíðindi úr heim­landinum. Familjan hevði avgjørt, at tær skuldu fyrst umskerast og síðani giftast burtur, tá tær komu heim aftur til Gambia. Tískil valdu tær heldur at søkja um friðskjól í Føroyum. Einans 14 ára gomul, er genturnar alt ov ungar at skula giftast burtur eftir vest­urlendskum máti­ stokki. Umskering av gent­ um verður eisini for­dømt at vesturheiminum, verð­ur mett at vera brot á grund­ leggjandi alheims manna­ rættindi, og Gambia hevur eisini sett lóg í gildi, sum merkir, at tað er ólógligt at umskera gentur. Tað er kortini siðvenja í stórum pørtum av landinum og Afrika sum heild, og tí er ógvuliga sannlíkt, at familjan fer at umskera tær kortini, um hon kemur aftur til Gambia. – Tað er ein partur av traditiónini í stammuni hjá pápa okkara, at gentur skulu umskerast, áðrenn tær verða giftar. Nú hevur hann funnið okkum menn, og um tað verður sum hann vil, so skulu vit báðar giftast í mai. Beint eftir at vit eru vorðnar 15 ár. Tí ætlar øll hansara familja eisini, at vit skulu umskerast sum skjótast, søgdu tær báðar við blaðið Kvinnu í mars í fjør. Útlendingamál eru sum kunnugt danskt málsøki, og tí eru tað danskir mynd­ ug­leikar, sum viðgera um­ sóknina hjá teimu báð­um um at fáa friðskjól í Før­oy­ um. Umboð fyri Ud­lænd­ ingestyrelsen hava verið í Føroyum og fingið eina frá­ greiðing frá gentunum. Tað hendir av og á, at flóttafólk koma til Føroya. Í flestu førum er talan um fólk, sum ætla sær til Íslands við Norrønu, men sum verða uppdagaði á vegnum og tí handtikin, tá Norrøna leggur at í Føroyum Hetta hendi millum ann­að í novembur í fjør, tá manningin umborð á Norrønu varnaðist fýra ung­ ar mans á bildekkinum stutt eftir fráferð úr Hirts­hals. Menninir vóru settir í varðhald umborð og løg­ reglan stóð fyri teimum, tá Norrøna kom til Havnar og koyrdi teir niðan í Mjørkadal. Seinnapartin hendan dagin møttu teir so í Føroya rætt til grundlógaravhoyr. Løgreglan hevði biðið um loyvi at halda teimum aftur, inntil Norrøna kom aftur til Havnar og menninir kundu sendast aftur til Danmarkar. Teir fýra menninir søgdu seg vera 16 og 17 ára gamlar og koma úr Marokko og Algeria. Eins og øll onnur flótta­ fólk, sum koma til Føroya, vóru hesir fýra menninir sendir aftur til Sandholm, flótta­fólkaleguna í norður­ sjællandi. Tvíburarnir hava tó fingið loyvi at vera í Før­ oyum, meðan málið verð­ ur viðgjørt. Sum skilst hev­ur útlendingastýrið loyvt hesum, orsaka av, at genturnar eru so ung­ar og at familja teirra í Føroy­ um játtaði at taka sær av gentunum, inntil ein um­ sóknin um friðskjól er av­ greidd. – Tað kom ikki upp á tal at senda tær avstað aftur, tá vit vistu, hvat bíðaði teimum. Tær eru bara 14 ára gamlar. Tær eru enn smágentur, og tær skulu hvørki umskerast ella giftast. Hvussu kunnu vit senda tær aftur, tá hetta er tað, sum bíðar teimum? Tað kunnu vit ikki. Tað kunnu vit simpulthen ikki, søgdu beiggi teirra og kona hansara við Kvinnu í fjør. Tá børn undir 18 søkja um friðskjól einsamøll, skulu tey lúka somu treytir sum vaksnir umsøkjarar. Tó verður dentur lagdur á, at umsóknirnar hjá børn­um skulu viðgerast skjótt. Hjá vaksnum hevur viðgerðar­ tíð­in verið upp í átta mán­ aðir. Awa og Adama Faye hava nú bíðað í 15 mánaðir og enn bíða tær eftir svarið úr Danmark. 15 mánaðir eru farnir, síðani tær komu til Føroya og síðani søktu um friðskjól. Í næstum fylla tær 16, men enn vita tær einki um framtíð sína. danjal@sosialurin.fo Awa og Adama Faye HAVA BÍÐAÐ Í FIMTAN MÁNAÐIR FRIÐSKJÓL Awa og Adama Faye søktu um friðskjól í Føroyum í novembur 2015. Í apríl vóru umboð fyri Udlændingestyrelsen og tosaðu við tær um umsóknina. Síðani hava tær bíðað Meðan aðrar 16 ára gamlar gentur so smátt eru farnar at hugsað um, hvat tær skulu fara at lesa og droyma um framtíðina, vita Awa, í svørtum, og Adama, í gráum, ikki so frægt sum, hvørjum heimsparti, tær skulu búgva í. Í 15 mánaðir hava tær verið í bíðistøðu Myndir: Finnur Justinussen