mánadagur 13. februar 2017síða 16

Mánadagur 13. februar 2017 · Nr. 19 16 Sosialurin Hugskot og viðmerkingar – send sms til 225000 FLOGBÓLTUR Klárt til flogbóltsfinalurnar: Um vikuskiftið vóru hálvfinalurnar í steypakappingini í flogbólti. Fýra ymsik lið hava vunnið seg í steypafinalurnar, sum verða um tvær vikur Tróndur Arge Tað var skipað fyri stórum steypa­ degi, tá hálvfinalurnar í steypa­ kappingingini hjá bæði kvinnum og monnum vóru leygardagin. Nógv varð gjørt burtur í høllini á Hálsi. Millum annað bleiv spælt á taraflexgólvið og dystirnir blivu stroymdir. Tað merkist, tá nógv verður gjørt burturúr og sæst aftur á spæl­arunum og spælinum. Tað lyftir spælið á eitt hægri stig við tí úrsliti, at spælararnir læra at spæla undir stórum trýsti og í hægri ferð enn vanligt. Tað sæst so aftur á teknisku villunum, sum onkuntíð eru fleiri fyrstu løtuna, har spæl­ar­ arnir venja seg við nógvu ferðina og umstøðurnar. Tí er hetta eisini eitt mennandi tiltak fyri flogbóltin, sum flogbólts­ sambandið skipar fyri í samband við hálvfinalurnar. Dagurin endaði við, at TB og KÍF vunnu seg í kvinnufinaluna, með­an SÍ og Fleyr vunnu seg í mans­final­ una. Kvinnur Fyrsti dysturin á degnum var mill­um Fleyr og TB. Tvørágentur vunnu 3-1. TB vann tvey tey fyrstu settini greit 25-20 og heili 25-14. Í triðja setti komu havnagenturnar aftur í aftur og vunnu 25-18. Fjórða settið vann TB 25-21 og harvið eitt pláss í steypafinaluna. Í hinari hálvfinaluni vann KÍF, sum eisini var favorittur, ein tryggan 3-0 sigur á unga, men evna­ ríka SÍ liðnum. Undan dystinum helt venjarin hjá SÍ, Jóhan Petur á Stongum, fyri at hansara lið er ov ungt til at vænta sær eitt steypafinalupláss. Hann metti, at KÍF er ov væl sam­an­spælt og hevur ov nógvar royndir til. So bleiv eisini. Settini endaðu 25-18, 25-11 og 25-22. Menn Hjá monnunum vunnu SÍ og Fleyr seg í steypafinaluna. Í eini spennandi hálvfinalu vann SÍ 3-0 á ÍF. Tað ljóðar sum ein tryggur sigur, men soleiðis var ikki. Fysta settið var sera javn. Eftir at SÍ hevði verið á odda meginpartin av settinum, kom ÍF framum móti endanum. Tað var tó ikki nokk, og SÍ vann spennandi settið 26-24. Í øðrum setti var størri munur og SÍ vann trygd 25-19. Triðja settið hevði alt, sum eitt sett í flogbólti kann hava. Spenning, skiftandi odda­ lið, feilir, trætur og mangt ann­að. Endin varð, at SÍ vann 31-29 og harvið dystin 3-0. Seinastu og fjórðu hálvfinaluna vann Fleyr. Hóast Ternan stríddist manniliga, so hevði Fleyr alla tíðina tamarhald á støðuni. Fyrsta settið gjørdist ein sigur til Fleyr upp á 25-21. Annað setti var líkt tí fyrsta, men Ternan striddi seg upp á 20-21, men so gekk ikki longur. Fleyr vann 25-20. Í triðja settið kom Fleyr skótt klárt framum 6-1. Ternan hálaði seg skjótt fram aftur á teir, og koma upp á 5-8. Men nærri komu teir ikki. Munurin var alla tíðina fýra til fimm stig, og settið endaði við at Fleyr vann 25-18, og harvið dystin 3-0. trondur@sosialurin.fo MENNANDI HÁLVFINALUR Fakta: Kvinnur: Fleyr – TB 3-1 25-20, 25-14, 18-25, 25-21 SÍ – KÍF 0-3 25-18, 25-11, 25-22 Menn: ÍF – SÍ 0-3 24-26, 19-25, 29-31 Fleyr – Ternan 3-0 25-21, 25-20, 25-18