mánadagur 13. februar 2017síða 18

18 Sosialurin STRÍÐSDYSTURIN AVLÝSTUR – MB Í BRENNIDEPLINUM Tróndur Arge Mest umtalaða fótbóltsfelagið í Føroyum seinastu dagarnar er MB. Felagið hevur yvir hundrað ár á baki, men tað er nakað síðani, at miðvingar hava gjørt um seg í hvíta og bláa búnanum. Liðið vann seg upp í 1.deild fyri trimum árum síðani, men fór sendandi niður aftur árið eftir. Sjáldan hevur umtalan av MB verið størri, enn hon hevur verið farnu viku. Orsøkin er forsetavalið í fótbóltssambandinum. MB valdi tríggjar minuttir fyri evsta mark at stilla Høgna í Stórustovu upp, fyri kvøldið eftir, at taka stuðulin aftur. Nógvar illgitingar hava verið og nevndin hjá MB hevur eisini meld­ að út, at talan er um trýst, sum hevur fingið felagið at taka stuð­ul­ in aftur. Afturgangandi fyri alla gongd­ ina er, at tað er ilt at fáa partarnar at siga nakað um nakað. Høgni í Stórustovu vildi ikki alment út við teldupostinum og ákærunum, Christian F. Andreasen hevur valt ikki at svara til, meðan útmeldingin hjá MB er til at misskilja. Málið um Ísak Mikladal Í telduposti, sum Høgni í Stórustovu sendi til allar nevndarlimirnar í øllum limafeløgunum í fótbólts­ sambandinum, legði hann dent á, at hann ynskir at gjøgnumganga alt málið um fyrrverandi aðal­ skrivaran, Ísak Mikladal, ið ólógliga seldi atgongumerki til egnan vinn­ ing. Høgni í Stórustovu leggur her millum annað núverandi forsetan, Christian F. Andreasen, sum tá var sakførari hjá fótbóltssambandi­ num, undir at hava spælt dupult­ spæl. Hann sigur millum annað, at Christian F. Andreasen skal hava afturhildið upplýsningum um málið, og til síðst og seinast hava arbeitt móti táverandi forsetanum, fyri síðani sjálvur at blíva valdur til forseta. Eftirfylgjandi bleiv stríðsval í fótbóltssambandinum og málið fekk nógva umrøðu. MB tekur stuðulin aftur Eftir at hava sum einasta felag í landinum valt at stuðla Høgna í Stórustovu í uppstillingini, so tók felagið stuðulin aftur hóskvøldið – minni enn eitt samdøgur eftir, at felagið hevði bjargað uppstillingini hjá Høgna í Stórustovu. Sambært nevndarumboðum í MB, so var tað ikki ónøgd við FSF ella sitandi forsetan, sum fekk MB at verða stillari hjá Høgna í Stórustovu, men tey hildu tað verða rætt, at ein demokratiskur felagsskapur hevði eina kapping um forsetasessin. – Vit hildu tað var gott, at meir enn ein bjóðar seg fram, men tað var uttanhýsis trýst, sum gjørdi, at vit valdu at taka stuðulin aftur, sigur nevndin hjá MB, sum ikki ynskir at úttala seg persónligt, men bara sum ein samlað nevnd. Nevndin í MB vil ikki koma nærri inn á hvar trýstið kemur frá. – Tað einsta vit ynsktu var, at tað bleiv ein valdystur um for­ setasessin. Vit eru bara eitt lítið felag, sum tók av møguleikanum at stilla Høgna í Stórustovu upp. Tað er ikki nøkur beinleiðis ónøgd við sitandi forseta, ella eitt tilval av Høgna í Stórustova. Bara eitt ynski um at hava fleiri møguleikar, sigur nevndin hjá MB. Gamalt mál ikki vert at grava fram ÍtróttarSosialurin hevur verið í samband við fleiri nevndarlimir í MB, sum tó ikki ynskja at úttala seg persónligt. Stórur dentur verð­ ur lagdur á, at felagið bara ynskir at úttala seg sum ein samlað nevnd. Eitt nú hevur forkvinnan í felagnum, Elisabeth Haraldsen, ikki verið til at fáa fatur á. Sum heild er talan, eins og í fleiri av føroysku fótbóltsfeløgunum, um javna útskifting í nevndini hjá MB. Í 2010 var stríðsval og rok, tá Høgni í Stórustovu sum sitandi forseti fall fyri Christiani F. And­re­ asen. Fleiri fyrrverandi formenn hava váttað fyri ÍtróttarSosialinum, at tá bleiv semja gjørd millum feløgini, at rudda út í millum annað øllum nevndunum hjá fótbólts­ sambandinum og leggja málið aftur­um. Tá so Høgni í Stórustovu stillar upp við tí endamálið, at millum annað grava gamla málið um fyrr­ verandi aðalskrivaran, Ísak Mikla­ dal fram aftur, so talar millum annað gamla nevndin í MB at. Rundan um felagið verður sagt, at tað eru fólk, sum hava varðað av felagnum, ið hava víst sitandi nenvdini á samanhangin við at byggja framtíðina á eitt gamalt mál. Sum skilst, so er hetta orsøkin aftanfyri afturtøkuna hjá nevndini í MB, men tað samsvarar ikki heilt við úttalisini hjá nevndini, ið ikki vilja staðfesta hvar trýstið kom frá. Forsetin afturvaldur Nýggja støðan ger, at Christian F. Andreasen verður afturvaldur á aðalfundinum leygardagin uttan mótvalevni. Sakførarin hevur sitið sum forseti í fótbóltssambandinum síðani stríðsvalið í 2010. Afturgangandi fyri nevndar­ limirnar, sum Ítróttarsosialurin hevur tosað við kring feløgini er, at tað er áhugi fyri at fáa eitt for­ setaval, so talan verður um eitt kjak, har fleiri sjónarmið koma fram. Hinvegin er ongin beinleiðis ónøgd at hóma millum feløgini fyri sitandi forseta og starvsnevnd. Ongin er uppstillaður móti teimum trimum starvsnevndarlimunum, sum standa fyri afturvali. Bara eitt felag hevur stuðlað Høgna í Stórustovu í uppstillingini. Sjáldan hava úrslitini verið betri á og uttanfyri vøllin enn í løtuni. Tað nýstist ikki at verða orsaka av leiðsluni í fótbóltssambandinum, men tað tykist sum ongin ynskir stórvegis broytingar í kósini, sum fótbóltssambandið hevur í løtuni. Tað er torført at siga annað, tá einki stríðsval verður um fýra sessir í fótbóltssambandinum, sum hevur eitt yvirskot á 630 túsund krónur fyri farna ár. Aðalfundurin verður í FSF húsinum leygardagin. trondur@sosialurin.fo Christian F. Andreasen verður afturvaldur sum forseti í FSF leygardagin 18. februar FSF FORSETAVAL: Forsetavalið í fótbóltssambandinum anno 2017 fer í søguna, sum eitt av teimum heilt margháttligu. Valdysturin millum sitandi og fyrrverandi forsetan bleiv avlýst, tí MB tók stuðulin aftur – ein stuðul, sum kom í evstu løtu Hugskot og viðmerkingar – send sms til 225000 Mánadagur 13. februar 2017 · Nr. 19 FSF