mánadagur 13. februar 2017síða 19

19 Mánadagur 6. januar 2014 · Nr. 2 Sosialurin Mánadagur 13. februar 2017 · Nr. 19 Hugskot og viðmerkingar – send sms til 225000 FSF HITAÐI UPP – MEN SLAPP IKKI INN Tróndur Arge Høvðuspersónurin sjálvur er vónbrotin. Høgni í Stórustovu, sum var forseti frá 2008 til 2010, sigur at hann kendi tað sum at hita upp, men ikki at sleppa inn, tá MB tók stuðulin um uppstilling aftur. – Hetta kennist eitt sindur sum at fáa at vita, at tú skal hita upp, tí tú skal inn at gera mun, men síðani fær at vita at tú skal seta teg niðuraftur, sigur Høgni í Stórustovu og greiðir frá hvat hann vildi við uppstillingini. – Ein partur snýr seg um nakað óreglusemi, sum fór fram í fótbóltssambandinum, tá eg sat sum forseti, har leikluturi hjá núverandi forseta skuldi set­ ast undir luppin, sigur Høgni í Stórustovu víðari. Hann ynskir størri gjøgn­um­skygi og meiri kjak um tað, ið er farið fram. Eisini at fótbóltssambandið skal gera meiri við at kunna um ein komandi aðalfund, har tað er forsetaval. – Um eg ikki kom á vøllin, so hevði einki annað hent, enn tað sum hendir nú. At tingini eru avgjørd undan valinum. Tað er nevndarval fjórða hvørt ár. Tað er so strævið at vera nevndarlimur úti í feløgunum, at um fýra ár finnur tú ongan av formonnunum aftur í feløgunum. Teir grulva út, tí tað er so strævið. Tí skuldi fótbóltssambandið fyrireika fel­ øgini upp á eitt val, heldur Høgni í Stórustovu fyri. Hann vísir eisini á, at feløgini um hetta mundi hava aðalfund og brúka nógva orku upp á at finna stuðlar og at gera felagið til reiðar til komandi kappingarár. Ov seinur? Høgni í Stórustovu bjóðaði seg ikki fram, fyrr enn í evstu løtu. – Eg gav feløgunum 35 tímar, at skjóta meg ella onkran annan upp. Tað var kanska eitt ov stutt skotsbrá. Hetta var mín møguleiki, og møguleikin hjá feløgunum, at ávirka framtíðar arbeiðið hjá fótbóltsambandinum, sigur Høgni í Stórustovu. Hann vísir á, at aðalfundurin er evsta vald í føroyskum fótbólti. Hann heldur ikki at hansara persónur er so áhugaverdur í hesum málinum, men ynskir meiri kjak um avgerðir og kós. Fyrrverandi forsetin er ikki ein vónbrotin maður, men heldur ein lættur maður. – Tað er krevjandi, at bjóða einum maktfullum forseta av, so tað kendist eisini sum ein lætti, at eg ikki skuldi í gongd. Hetta hava verið spennandi og rokmiklir tímar, sigur Høgni í Stórustovu, sum ikki væntar at gera um seg í fótbóltsumhvørvinum aftur. trondur@sosialurin.fo Høgni í Stórustovu bleiv í evstu løtu uppstillaður av MB, sum tó tók stuðulin aftur eitt samdøgur seinni Forsetavalið er av – áðrenn tað byrjaði