mánadagur 13. februar 2017síða 20

Mánadagur 13. februar 2017 · Nr. 19 20 Sosialurin Hugskot og viðmerkingar – send sms til 225000 Fyri góðari viku síðani gjørdist Sverri Nielsen úr Miðvági europameistari í inniróðri í opna tungvektsbólkinum til EM-kappingina í París. Sterki miðvingurin leggur nú alla orku í at vinna heiðursmerkir á vatni eisini. Tí fokuserar hann nú burtur av uppá róðurin Mánadagur 13. februar 2017 · Nr. 19 VANGAMYND Terji Nielsen Tað er fríggjadagur, og tað er ikki bara sum at siga tað at fáa fatur á nýklakta europameistaranum í inniróðri, Sverra Nielsen, sum vann EM-gullið í París. Men um­vegis Skype fæst fatur á sterka mið­ vinginum, sum er staddur á einum skíðfrítíðarstaði í italsku alpunum. Mest nærliggjandi er at hugsa, at Sverri er farin til Italia á skíðferð at taka sær av løttum eftir eina strævna EM-kapping, men so væl spælir klaverið ikki. – Nei, vit eru á eini sonevndari skíð-venjingarlegu við danska lands­liðshópinum, sigur miðving­ ur­in umvegis Skype. Sverri Nielsen er partur av danska róðrarlandsliðnum, har hann rør í bátagreinini, sum nevn­ ist single-sculler. – Í Danmark eru vøtnini fryst til, so vit fáa ikki farið út við bátunum og vant. Tí høvdu vit bara havt møguleika fyri at vant á maskinu og annars vant fysiska venjing, um vit vóru í Danmark, greiðir hann frá. Ungi miðvingurin sigur, at tað eru øgiliga nógvar líkheitir millum róður og langrenn-skíð, og tað er tí, at man er farin á eina sonevnda skíð-venjingarlegu. – Í báðum ítróttunum brúkar tú nógv mest yvirkroppin og armarnar, so vit venja bara lang­ renn her niðri, og vit venja millum fýra og seks tímar um dagin. Hetta er eisini eitt kærkomið frávik frá vanligu venjingini í Danmark, men hetta er ikki nakar ”hygge-túrur”, sigur Sverri Nielsen avgjørdur. Gjørdist heimsmeistari sum 17 ára gamal Tað var í 2010, at tann tá bert 16 ára gamli Sverri Nielsen úr Miðvági fór til Danmarkar at taka lut í DM fyri juniorar í inniróðri. Og væl gekst, tí Sverri gjørdist danskur meistari. – Mítt núverandi felag, Danske Studenters Roklub, royndu longu tá at fáa meg at flyta niður at rógva, men tá takkaði eg nei, tí eg var so ungur og visti ikki heilt, hvat tað gekk út uppá. Men so árið eftir fór eg til heimsmeistarakappingina í Boston í USA, og tá vann eg HM fyri juniorar. Tá vendi danska felagið aftur til mín, og eg valdi at royna tað, greiðir Sverri Nielsen frá. Hann fór tískil til Danmarkar á nakrar venjingarlegur, tí hann hevði ongantíð áður roynt at róð á vatni. Tað vil siga feskvatni, tí hann hevði róð við bæði Fríggjaranum og Miðvingi frammanundan. – Eg valdi so at flyta til Dan­ mark­ar, og samantvinnaði tað við studentaskúlan, so at eg tók 2. Og 3. G í Danmark, sigur Sverri Nielsen. Róðurin hevur fylt meiri og meiri Eftir lokna studentarútbúgving fór Sverri Nielsen at lesa til sterk­ streymsverkfrøðing á DTU, men tað gjørdist so skjótt greitt fyri honum, at tað var trupult at fáa bæði seriøsan róður og lesturin at hanga ordiliga saman. – Tað ber til at gera bæði, men tað irriteraði meg, at bæði tingini høvdu negativa ávirkan á hvønn annan. Eg havi altíð vektað ítrótt­ ina hægri, so eg vil siga, at tað hevur 70 – 30 til fyrimuns fyri róð­ urin, sigur hann. Hann hevur so líðandi lagt størri og størri dent á róðurin og minni dent á lesturin, og nú á nýggjárinum gavst hann við lestri­ num, samstundis sum hann kom inn undir stuðulsskipanina hjá Team Danmark. – Eg kann ikki blíva við at rógva, uttan at eg fái ordilig úrslit. Tí steðgaði eg við lestrinum og fór fullkomiliga at fokusera uppá ítróttina. Røkkur tað ikki til at fáa ordiliga góð úrslit á vatninum innan tvey til trý ár, so steðgi eg, sig­ur miðvingurin avgjørdur. Spurdur, hvat ”ordilig úrslit” merk­ir, sigur Sverri Nielsen: – Tað vil siga, at eg skal hava heiðursmerkir til EM ella HM. Tað er endaliga málið. Tað noyðist ikki at vera her og nú, men tað skal vera innan fyri tvey til trý ár, sigur hann. Sverri Nielsen var um reppið at sleppa við til OL í fjør, og ti er nærliggjandi at spyrja, um OL í 2020 eisini er eitt mál. – Nei, tað er tað sum so ikki. Eg eri ikki so øgiliga fangaður av OL. Komi eg til OL og endi bara í eini hálvfinalu, so er tað bara ein stór kapping sum allar aðrar. Skal eg til OL, so skal eg koma í finaluna, sigur hann. Hvat merkir Team Danmark fyri Sverra? Sum áðurnevnt kom Sverri Nielsen undir Team Danmark skipanina á nýggjárinum, og tað hevur stóran týdning sambært miðvinginum. – Tað ger, at eg fái eitt sindur av pengum frá landsliðnum, og so havi eg atgongd til allar hugs­andi ítróttarserfrøðingar í Idrætt­ens Hus í Brøndby. Vit hava atgongd til kostráðgevar, ítróttar­sálar­frøð­ ingar, læknar, fysioterapeutar og alt møguligt annað. Eisini fáa vit ein fysiologiskan venjara, sum kemur til venjingarøkið hjá okkum í Bagsværd at venja við okkum av og á, greiðir Sverri Nielsen frá. Júst tað, at Sverri nú 100 prosent fokuserar uppá róðurin, gevur hon­um eisini nógv størri frælsi og størri møguleikar fyri at venja eyka. – Eg havi ongar hvílidagar, men venjingarskráin broytist nógv fyri hvørja viku. Men nú havi eg nógv frítíð, har eg geri, sum eg havi hug til. Eg havi sjálvandi eina venjingarskrá at fylgja, men nú SVERRI SANDBERG NIELSEN HEIÐURSMERKIR EM OG HM ER MÁ Í Danmark eru vøtnini fryst til, so vit fáa ikki farið út við bátunum og vant