hósdagur 16. februar 2017síða 23

FRÍGGJADAGUR 17. FEBRUAR 2017 SOSIALURIN 21 23 Á FISKIVINNUTINGINUM um fiskivinnuna. Seinastu árini hevur orðaskifti verið hvst og bítandi og fleiri flokkar hava verið frammi við hugskotum um, hvussu fiskivinnan skal skipast. Hesaferð eru samráðingarnar í gongd og tær nærkast einum evstamarki. Millum tey sum spurdu, kendist, at tey enn ikki hava nakra vitan um, hvørjum sam­ráðingarnar fara at enda við. Jenis av Rana úr Miðflokkinum hoyrdi í orðaskiftinum ikki saman við Fólkaflokkinum og Nýggjum Sjálvstýri, men so heldur ikki saman við samgonguni. Uppá spurningin um, hvat Miðflokkurin vildi, segði hann, at flokkurin fegin vil samráðast um fiskivinnuna, men at hann afturfyri krevur at gerast partur av samgonguni, so flokkurin annars kann taka lut í øllum tí politiska arbeiðnum. Beinleiðis spurdur um hetta hevði nakað við broytingarnar í hjúnabandslógini at gera svaraði formaðurin í Miðflokkinum: – Ja, sjálvandi og tað undrar okkum nógv, at 17 atkvøður kundu broyta grundleggjandi viðurskifti í okkara samfelag. Tá var ikki tosað um eina breiða semju, men tá ið tað er fiskivinnan, tá skal ein breið semja til. Millum teirra sumhnøvdu við­ merkingar úr salinum var Mortan Johannesen, skipari og eigari av Enniberg: – Tit tosa allatíðina um ogn Føroya fólks. Eg kann bara vísa á, at tá ið vit í áttati-árunum fiskaðu saman við skipum úr gamla Sovjet, tá undraðust norðmenn á, at vit megnaðu at fiska munandi meira enn russarnir. Teir fiskaðu tá av fólksins ogn og høvdu ikki fyri neyðini at skunda sær ella dríva. Eg sigi bara, at gera tit tað sama her hjá okkum, so verður ein galin endi. Landsstýrismaðurin Høgni Hoydal svaraði aftur, at soleiðis fer tað ikki at vera. – Tilfeingið er fólksins ogn, men tann sum fiskar fiskin eigur fiskin. Tað vil siga tað sama sum, at skipini hava ein brúksrætt, men ongin privatur eigur nakrantíð at sleppa at eiga fiskin, sum svimur í sjónum, segi Høgni Hoydal. Samanumtikið Fundurin í Klaksvík savnaði sum vanligt ein hóp av fólki, bæði lokalum og aðrastaðni frá. Umboð fyri áhugabólkar í vinnuni vóru á staðnum, men eins og vanligu áhoyrarnir vóru tey skuffaði yvir, at onki nýtt kom fram í samráðingunum. Flestu høvdu væntað, at sam­ ráðingarmennirnir fóru at gloppa hurðini eitt sindur og siga, hvussu langt teir eru komnir, men so var ikki. Við øðrum orðum hevur vinnan og áhuga somu vitan um hvat hendir, sum tey høvdu undan fundinum í Klaksvík. Í dag er fríggjadagur og longu týsdagin um 10 dagar skal um­ sitingin í Løgtinginum hava eitt uppskot, um tað skal hava viðgerð í hesi tingsetuni. Høgni Hoydal hevur sagt, at uppskotið verðurlatið tinginum áðrenn seinastu frreist, men vert er at hava í huga, atatkvøða 17 tingfólk fyri, so ber til at leggja eitt uppskot fram eftir at freistin er farin. Landsstýrismaðurin hevur verið so mikið fastur í orðum, at seinasta freist skal virðast, so í verueikanum hevur hann tíð at arbeiða víðari og taka eina avgerð til týsdagin um 10 dagar klokkan 14. Motan Johannesen, reiðari , helt lítið um hugtakið "fólksins ogn" og vísti til sínar royndir saman við sovjettiskum skipum í áttati-árunum Jóan Pauli í Geil luttók aftur í ár í orðaskifinum. Hann vildi vita, hví Vestmanna fiskavirki hevur fingið eina kvotu. Og so legði hann afturat, at exel-ologarnir í Havn als ikki hava nakra vitan um fiskivinnuna. »Høgni Hoydal hevur hóast alt roynt tað« segði Jóan Pauli í Geil Myndir: Dávur Winther Høgni Hoydal, Tjóðveldi: Eg viil ikki siga, hvussu nógv skal yvir upp­ boðssølu. Kann ikki leggja prosent fram her, meðan vit eru í samráðingum Poul Michelsen, Framsókn: Alt á uppboðssølu – flytur seg gjøgnum árini og tá ið nøkur ár eru farin, so hevur alt verið gjøgnum mylluna Jenis av Rana, Miðflokkurin: Onki skal á uppboðssølu – uttan møguliga nýggjar kvotur