mánadagur 20. februar 2017síða 6

Mánadagur 20. februar 2017 · Nr. 22 6 Sosialurin Hugskot og viðmerkingar – send sms til 225000 Eyðun Klakstein Vikuskiftið eftir vikuskiftið pakkar Holgar Jacobsen bilin við gittarum og útgerð og fer á ferð sum tónleikari. 53 ár gamli sørvingurin situr stundum á café ella barr á náttartíð og spælir fyri fólki. Onkuntíð er hann tónleikari í bólkum til størri tiltøk. Og javnan stuðlar hann upp und­ir hjá yngri tónleikarum, sum hava framførslur. – Tað kennist ongantíð sum ein plága at fara avstað til ein framførslu, sum eg havi tikið á meg. Eg gleði meg at fara út spæla, og mær dámar væl at koma í sam­ band við fólk, tá ið eg eri úti. Um onkur løta kann kennast strævin, so er tað gevandi og upplyftandi, tá ið fólk koma at práta um sangir hjá mær, sum teimum dámar, sigur Holgar Jacobsen. Hann kann stundum upp­ livað at spæla fyri hundrað fólkum, og onkuntíð eru tað bert nøkur fá fólk, sum sita og lurta. – Tað gevur góða venjing at spæla so nógv, sum eg geri, og eg kann brúka longu fram­førslurnar at venja gittar­spæl og mína rødd, hóast eg ikki eri tann stóri sang­arin. Eru nógv fólk, kann eg spæla sangir, sum fólk kenna, og tað er lív í, og eru tað fá fólk, sum sita og lurta, kann eg velja aðrar sangir, og onkuntíð royna onkran nýggjan sang. – Summarnæturnar, tá ið eg koyri heimaftur, kunnu verða fantastiska vakrar. Tað kemur meira enn so fyri, at eg steðgi á onkrastaðni og njóti útsýnið. Og tá ið eg so komi heim, kann eg fáa mær ein góðan kaffimunn og tørna inn. Tað eru eisini góðar løtur, sigur hann. Deyðin í hølunum Holgar Jacobsen hevur ver­ið ígjøgnum nógvar lívs­broyt­ andi hendingar sein­astu árini. Hann hevur mist fleiri av sínum nærmastu, og hann hevur verið lívs­hóttandi sjúk­ur. – Tað er eitt gott við okk­ um menniskjum. Vit kunnu ikki síggja fram í tíðina og vita, hvat bíðar okkum, sigur Holgar Jacobsen. Í 2010 kendi hann nakrar ferðir sting í bringuni, með­ an hann var í holt við at inn­spæla tónleik til nýggja út­gávu. – Vit spældu við Tinga­ nest á Tvøroyri, tá ið eg føldi okkurt í bringuni, men tað fór burtur aftur. Eg spældi konsertina, og eg hugsaði bara um, at eg mátti fáa fløg­ una hjá mær lidna, greiðir hann frá. Tveir mánaðir seinni small hann um við hjarta­ til­burði, meðan hann hjálpti til at stoypa studio hjá Finni Hansen, sum hann eisini hevði arbeitt saman við um fløguna, sum tá varð lið­ugt innspæld. Støðan var heilt kritisk, og Holgar var í lívs­ vanda. – Deyðin andaði meg í nakk­an. Eg varð sendur til Danmarkar til viðgerðar, og har stóð illa til. Hjartað gavst næstan at sláa, og læknin ætlaði at skurðviðgera meg mitt á nátt, men eg kom eitt sindur fyri meg, so skurð­ viðgerðin bleiv um morg­un­ in. Meðan Holgar lá sjúkra­ húsinum í Danmark, doyði pápi hansara heima í Føroy­ um. Holgar kom fyri seg aftur og fór heim til Føroya. Í 2013 fór hann aftur í studio at spæla fløgu inn, og so kom enn eitt feigdarár – 2014. Í februar mánaði doyði mamma hansara brádliga, og í ok­tober doyði konan Nomi, sum var sjúk av sklerosu. – Hetta var alt sera hart og koyrdi meg heilt um koll, men vit menniskju hava einki val. Ætla vit at vera her á jørð, mugu vit koma víðari. Spurningurin er bara, hvussu vit koma víðari, sigur Holgar. Stórur saknur Seinastu tvey árini hava ver­ ið sera strævin og krevjandi hjá Holgari, og alt er vent upp og niður í hansara til­veru. – Fyritreytirnar fyri lívin­um eru heilt aðrar nú, enn tær vóru áðrenn. Onkuntíð havi eg hugsað, droymi eg ella er hetta Hvør er tín yndistónleikari? – Mín avgjørda fyrimynd sum tónleikari er Mark Knofler. Hann er framúr gittarspælari og sangskrivari, og hansara framførslur náa hægri hæddum. Hvør er besti lutur, sum tú eigur? – Tað er ein Taylor 310 ce gittar, sum eg fekk frá Nomi einaferð. Eg minnist enn, hvussu sera glaður eg var, tá ið eg fekk hann. Tann gittarin er nakað heilt serligt fyri meg. UNDIR FÝRA EYGUM Hugskot og viðmerkingar – send sms til 225000 SAKNURIN ER SERA STÓRUR – Eg eri glaður fyri at verða á lívi og virkin, tí tað er eingin sjálvfylgja, tá ið tú hevur verið har, sum eg havi verið, sigur tónleikarin Holgar Jacobsen. Í 2010 yvirlivdi hann álvarsligan hjartatilburð fyri síðani at uppliva, at pápin, mamman og konan doyðu