mánadagur 20. februar 2017síða 14

Mánadagur 20. januar 2017 · Nr. 22 14 Sosialurin Hugskot og viðmerkingar – send sms til 225000 André Olsen Leygardagin var árligi aðal­ fundurin hjá Fót­bólts­sam­ bandið Føroya á skránni. Und­an fundinum var ikki tann stóri spenningurin um nakað val, tí eingin mót­val­ evni vóru uppskotin – hvørki til starvsnevndarlimir ella fors­eta, sum allir vóru aftur­ valdir fyri komandi fýra árini. Ein eyka millión út til feløgini Fundurin byrjaði við at Christian Andreasen, FSF forseti, tók samanum árið, ið fór. Áðrenn hann byrjaði at tosa um tað ítróttarliga, mint­ist hann fyrst teir báð­ ar, Ólav Olsen úr Víkingi og Kjartan Mohr úr B36, ið báðir andaðust í farna árið. Christian Andreasen nevndi at teir báðir høvdu ser­stak­ liga stóran týdning fyri síni feløg. Síðani boðaði Christian Andreasen heldur óvæntað frá, at Fótbóltssambandið í ár fer at gjalda eina eyka milli­ón út til tey føroysku feløgini. Hon skal brúkast fyri at lætta um fíggjarligu byrðarnar hjá feløgunum, og skal vera ein hjálp til feløgini at mennast. Hvussu býtið av tí milliónini fer at vera, er enn ógreitt. Tað verð­ur avgjørt í næstum, tá Fótbóltssambandið og fe­ løgini skulu finna eina loysn um eitt býtið millum feløgini. Tvey áhugaverd høvuðsevni Av høvuðsevnum á fundin­ um, vóru tað serliga tvey evni, ið høvdu stóran áhuga. Tey vóru eitt uppskot frá NSÍ um eina broyting viðvíkjandi nýtslu av leikarum, um­ framt ein framløga hjá Fót­ bólts­sambandinum um eina nýggja strategi sum er løgd frá 2017 til 2021, har ein ætlan er gjørd, hvussu før­ oyskur fótbóltur kann flyt­ ast uppaftur meir. NSÍ hevði uppskot um broytingar Ítøkiliga uppskotið hjá NSÍ um broytingina sum teir ætlaðu at fremja, var við­ víkjandi leikarum yvir 21 ár, sum í fleiri førum kunnu hava eitt ov langt tíðarskeið uttan dystir. NSÍ skjeyt upp at um tvey lið møttust í 1. deild, har bæði feløgini vóru um­boðaði í Effo-deildini, stóð tað feløgunum frítt at nýta allar sínar leikarar. Sum støð­an er í dag, er tað bert frítt at flyta ímillum deildir, tá leik­arar eru undir 21 ár. Við í uppskotinum var eisini at allir dystir í 1.deild, sum vóru millum feløg, ið frammanundan høvdu um­ boðan í Effo-deildini, skuldu spælast aftaná Effo-deildar dystirnar millum feløgini, soleiðis at eykaleikarar frá dystinum áðrenn kundu fáa fullan dyst tá. Orsøkin til uppskotið hjá NSÍ var, at tað ov ofta í dag eru leikarar, sum eru oman fyri 21 ár, sum sita uttanfyri í eitt ov langt tíðarskeið. NSÍ bar fram at tað í fleiri førum eru leikarar hjá felagnum, sum eru omanfyri 21 ár, ið ikki sleppa við til dyst hjá næst­besta liðnum, tí at teir skulu vera tøkir hjá besta liðnum dagin eftir. Og tá so besta liðið hevur spælt, kunnu hesir somu leikararnir í fleiri førum hava spælt lítið og einki fyri besta liðið. Av­ leiðingin av hesum er, at við­komandi leikarar onga dystar­venjing fáa í longri tíðar­skeið, og at hugurin hjá hesum leikarunum til end­ ans minkar, og at feløg í ov stóran mun koma at missa sokallaðar marginalspælarar. Tá atkvøtt varð um upp­ skotið, varð uppskotið felt. Tað var einans NSÍ sjálvt, ið stemmaði fyri tí, með­an øll hini stemmaðu ímóti. Orsøkin til at feløg­ ini stemmaðu ímóti, var tann at FSF í løtuni arbeið­ir við einum nýggjum kapp­ ing­ar­leisti, sum millum ann­að viðgerð júst tann pro­blematikkin, ið NSÍ førdi fram. Ein partur av tí kapp­ingar­leistinum verður helst klárur at leggja fram í heyst, og tí er væntandi at nakrar broytingar vera til kappingarárið í næsta ár ístaðin. NSÍ legði eisini eitt annað punkt fram, ið varð samtykt. Tað var at dómaraseðilin longu til hetta kappingarárið fer at loyva at hava 18 leik­ar­ um við á seðlinum. Framm­ anundan hevur verið loyvt at havt 16 leikarar við, altso fimm eykaleikarar, men nú fer at vera loyvt at hava sjey leikarar við á bonkinum. Har­umframt er talið av hjálpar­fólki á bonkinum eisini økt, soleiðis at tað nú kunnu sita sjey hjálparfólk á útskiftingarbonkinum, har tað áður hava kunna sitið fimm. Nýggj strategi framløgd Seinna punktið, ið var áhuga­vert á fundinum, var framløga hjá Fótbólts­ sam­bandinum um eina nýggja strategi frá 2017 til 2021 fyri føroyskan fót­ bólt. Í strategi’ini vóru mál­ setningar um hvussu leikar­ arnir í Føroyum kundu menn­ast, hvussu feløgini kundu mennast, hvussu infra­struktururin kundi menn­ast, hvussu man kundi fáa fleiri kvinnur í fótbólt, og um hvussu landsliðini kundu menn­ast komandi árini. Ítøkiligar ætlanir eru mill­um annað um, at øll før­ oysk feløg í 2020 skulu hava eina strategiska ætlan, og at feløgini skulu styrkjast fyrisitingarliga. At samlaðu inntøkurnar í bestu deildini í 2020 skulu hækkast við á leið 30%, har inntøkur mill­ um annað kunnu fáast frá vedding og stroyming. At ljósini kring leikvallirnar runt alt landið skulu betrast longu í 2018, og at støða eisini verður tikin í 2018 um ein stuðulsleist fyri at byggja eina fótbóltshøll í Føroyum. Umframt tað vóru eisini fleiri onnur viðurskifti nevnd, ið skuldu arbeiðast við í strategi’ini, ið kallaðist ’Fót­bóltur fyri lívið’, har stórur dentur eisini er lagd­ ur á at fáa fleiri fótbólts­ spæl­arar í Føroyum – bæði innan elituna og eisini innan breiddina. Ynskja at styrkjast fyrisitingarliga Samanumtikið var talan um ein friðarligan og siði­ lig­an fund, har flestu ak­ tør­ar­nir í feløgunum sum heild vóru nøgdir við Fótbólts­sambandið. Tó vóru hjartasuff um, at krøv­ini frá FIFA og UEFA út til feløgini alla tíðina hækka, har tað at sita í nevnd krevur nógv meira í dag, enn tað áður hevur gjørt. Tí eftirlýstu fleiri at styrkj­ast fyrisitingarliga, sum Fótbóltssambandið í nýggju strategi’ini eisini hevði ítøkiligar ætlanir um at broyta. Á aðalfundinum hjá Fótbóltssambandinum leygardagin, boðaði Christian Andreasen, FSF forseti frá, at feløgini í ár fáa eina eyka millión frá Fótbóltssambandinum. Eisini fall uppskot hjá NSÍ um broyting viðvíkjandi nýtslu av leikarum yvir 21 ár, meðan nýggj strategi hjá Fótbóltssambandinum varð framløgd AÐALFUNDUR HJÁ FSF EIN EYKA MILLIÓN ÚT TIL FELØGINI Á aðalfundinum boðaði Christian Andreasen frá, at ein eyka millión í ár fer at vera goldin út til føroysku feløgini Tað var bara NSÍ sum atkvøddi fyri at eini broyting, sum felagið sjálvt skjeyt upp FSF hevur í nýggju strategi'ini ætlanir um at fáa fleiri kvinnur í fótbólt. Her sæst nevndin í MB, sum í stóran mun er mannað av kvinnum