mánadagur 20. februar 2017síða 20

20 Sosialurin KYNDILIN HONGUR Í FLEIRI STREINGJUM Tróndur Arge Kyndil vinnur steypafinaluna hjá kvinnum 26-21. Í úrslitinum liggja fleiri faktorar í sigrinum, men eisini í spælarametingunum sæst greitt, at Neistain hongur í bara einum trái, meðan Kyndil hongur í einum heilum spæli. Maja Dragoljubovic er vald sum dagins spælari í finaluni, men hon er væl stuðlað av Annu Brimnes, Turið Arge Samuelsen, Bjartu Johansen, Báru og Súnu Krossteig Hansen, sum allir í løtum lyfta liðið. Hjá Neistanum er Marjun Falkvard Danberg í serflokki, og heldur teimum bláu í dystinum. Her var einasti stuðulin Birita Ingólfsdóttir. Tí helt kyndilin longri enn neistin. Grøn og góð finalan Undan finaluni er spátt, at hetta kann blíva ein málfátøk finalan við tveimum sterkum verjum. Tað sæst longu í fyrstu álopunum, at so verður ikki. Bæði Neistin og Kyndil koma til fleiri málmøguleikar. Afturgangandi fyri finaluna er, at Kyndil er omaná allan vegin. Tær fáa fýra av fyrstu fimm málunum, og fyriuttan fáu sekundini støðan er 9-9, so hevur Kyndil munin allan vegin. Spælararnir hjá Kyndli skiftast um at skjóta týdningarmiklu mál­ini, meðan tað gongur verri hjá Neistanum at fordeila málini millum spælararnar. Í hálvleikinum er Kyndil á odda 14-12. Seinasta málið fyri hálvleikin skorar Anna Brimnes við góðum skoti úr torførum vinkli. Eitt mál, sum gevur Kyndli sjálvsálit. Ongantíð ordiliga spennandi Í seinna hálvleiki er Kyndil aftur omaná, men upp til fleiri ferðir hevur Neistin møguleikan at javna. Men hvørja ferð Neistin hevur møguleikan, so taka tær ikki av. Undantakið er Marjun F. Danbeg, sum saman við Biritu Ingólfsdóttir skorar nøkur avgerandi mál, men tey eru hvørja mál, ið halda lív í vónini hjá Neistanum, heldur enn at bjóða Kyndli av. Tað er eisini ein meinbogi at spælskiparin, Bára Hansen, ikki fær spælt nakað serligt, tí hon beklaði í fyrru hálv­ finaluni. Tær grønu hava fleiri streingir at spæla uppá. Anna Brimnes er stórskjútti, men verður væl stuðlað í málskjótingini av Turið Arge Samuelsen, Báru og Súnu Krosteig Hansen. Bjarta Johansen er ein klettur á strikuni, meðan eitt nú Gurið G. Eystberg skorar í trongari støðu, tá nógv stendur á. Ikki ungar og óroydar longur Anna Brimnes, Turið Arge Sam­ uelsen, Guðrið G. Eystberg, Bára Hansen og Ásleyg Súnadóttir eru allar partur av einum tíðarskeiði hjá Kyndli við evnaríkum spæl­ arum. Tað hevur bara ikki givið at býta fyrstu árini í bestu deildini, tí millum annað Neistin hevur verið einaráðandi. Tað blívur til eina greipu í 2014. Síðani tók Neistin yvir aftur. Nú hava allar royndir og eru í góðum hondbóltsaldri. Tað sæst aftur á avrikinum leygardagin í høllini á Hálsi. Tær spældu sum eitt lið og deildu uppgávurnar væl í millum sín. Tað vísti seg í longdini at blíva grundin undir sigrinum. Kyndil hevur ment eitt hondbóltslið, men avgerandi lykilin bleiv dagsins spælari, Maja Dragoljubovic í málinum. Hon tók í fleiri førum avgerandi bóltarnar. Í søguna sum ein góð finalan Steypafinalan 2017 fer í søguna sum ein ferðmikil dystur, har bæði Kyndil og Neistin fingu loyst verjurnar upp í mun til aðrar dystir. Longu frá byrjan var nógv ferð á dystinum, men tað bleiv ikki til so nógvar villur, sum vit annars hava sæð tá ferðin fer upp. Steypafinalan fer eisini í søguna sum ein grøn finalan, tí Kyndil var á odda allan vegin og vann uppiborið, tá samanumkom. TRONDUR@SOSIALURIN.FO Súna Krossteig Hansen bjóðar verjuni hjá Neistanum av. Hóast hon er fødd hesumegin aldarskiftið, so smæddist hon ikki burtur. Frá fyrsta til seinsta máli var Kyndil á odda. Undantakið var við støðuni 9-9. Kyndil spældi á fleiri streingjum og tað bleiv avgerandi fyri steypafinaluna. Fimm spælarar hjá Kyndli spældu væl, meðan bara ein spælari hjá Neistanum skaraði burturúr Hugskot og viðmerkingar – send sms til 225000 Mánadagur 20. februar 2017 · Nr. 22 KVINNUHONDBÓLTUR 2 FRÍÐA PETERSEN Hevur mangan verið munurin í stóru dystunum, men hesa ferð gekk minni væl. Tað var ikki fyrr enn seinastu minuttirnar, at hon av álvara vísti stórspæl, men tá var ov seint 2 LILJA MOHR Fekk bara tað eina málið og kom ikki til sín rætt í álopsspælinum. Stóð heldur ikki so stinn í verjustøðu, sum onkuntíð fyrr 4 BIRITA INGOLFSDÓTTIR Eitt av fáu ljóspunktunum hjá Neistanum. Skoraði fimm mál og fleiri av teimum í avgerandi løtum. Tók ábyrgd í einum dysti, ha fleiri ikki gjørdu tað sama 2 EIR M. BERG Mundi verða óhepnasti spælarin í álopsstøðu hjá Neistanum. Fleiri ferðir rakti hon træverki, heldur enn í málið. Haltaði eisini í verjustøðu 2 BÁRA HANSEN Var meir enn ivasom undan dystinum. Kom eina løtu, men hóast avleveringar vóru góðar, so megnaði hon ikki at spæla. Varð saknað í álopsspælinum 5 MARJUN F. DANBERG Klárt besti spælarin á liðnum hjá Neistanum. Skoraði fleiri avgerandi mál, sum hildu Neistan inni í dystinum, men var ov einsamøll um tað. 2 ÁSA DAM Á NEYSTABØ Fekk minni burturúr enn vanligt og megnaði ongantíð at seta sín dám á spælið og finaluna. Ein av fleiri, ið spældi undir miðal 2 MARGIT W. FRÍÐMUNDSDÓTTIR Kom inn eina løtu í seinna hálvleiki, men megnaði ikki at bjarga Neistanum inn í dystin aftur 3 BRYNJA HØY Stríddist væl og avrikið er góðkent, men Neistin hevði brúk fyri meir. Hon og Bjarta Johansen vóru í nógvum tvídystum á strikuni, men helst hevði Bjarta munin 2 FRÍÐA Á DUNGA Kom inn í løtum fyri Lilju Mohr, men hevði tað torført móti Turið A. Samuelsen. Er ung og evnarík, men tóktist nakað ávirkað av ringu gongdini hjá Neistanum á vøllinum 2 JACKLIN DURHUUS Bleiv brúkt sum jokari, men megnaði ongantíð at seta sín dám spælið. Hevur víst lyft spælið til slíkar dystir, men ikki hesaferð Venjarin: 2 DANILO GAGLIARDI Venjarin hjá Neistanum fekk ongantíð spælið at rigga á sínum liði, sum eisini vardi verri enn vanligt. Ongar snildir og einki mótspæl til góðu byrjanina hjá Kyndli SPÆLARAMETING