týsdagur 21. februar 2017síða 9

9 Mikudagur 22. februar 2017 · Nr. 23 Sosialurin Hugskot og viðmerkingar – send sms til 225000 EYSTUROYARTUNNILIN Henrik Old skeyt fyrsta skotið Harvið var skotið fyri størstu íløgu nakrantíð í Føroya søgu Sólvit Nolsøe Hátíðarhald var á Strondum í sambandi við at fyrsta skotið fyri Eysturoyartunlinum varð latið av. Tað var Henrik Old, landsstýrismaður í sam­ferðslumálum, sum læt fyrsta skotið av. Hátíðarhaldið byrjaði við, at Teitur Samuelsen, for­mað­ ur í tunnilsfelagnum, bjóðaði vælkomin. Eftir hann tók Aksel V. Johannesen, løg­ mað­ur, orðið. Løgmaður takk­aði politisku skipanini, fyrrverandi og núverandi, fyri gott politiskt arbeiði, nú byrjað var upp á størstu íløgu í Føroya søgu. Løg­maður legði dent á stóra sam­felagsliga týdningin av hesi íløgu, sum seinni eisini fer at knýta Sandoyartunnilin uppí. Artur Johansen, borgar­ stjóri í Sjóvar kommunu, hevði eitt lokalari atlit enn løgmaður. Artur Jo­han­ sen vísti í síni røðu á, at við hesi íløgu lógu stórir vakstrar­møguleikar fyri kommununa, men eisini av­ bjóðingar. Hann fegnaðist stórliga, at byrjan nú var fingin á og sá fyri sær eina spennandi framtíð. Eftir at røðurnar vórðu lidnar, varð farið niðan frá tunnilsmunnanum og aft­ urum munnan, har skotið gekk av. Komin aftur­um, fekk Hendrik Old, lands­ stýrismaður í sam­ferðslu­ málum, knøttin at trýsta á og skeyt fyrsta skotið. Harvið var skotið fyri størstu íløgu nakrantíð í Føroya søgu. Myndir: Álvur Haraldsen