týsdagur 21. februar 2017síða 40

KRABBAMEINSFELAGIÐ 16 22. februar 2017 krabbameinsfelagið Grannakaffi er væl umtókt Krabbameinsfelagið hevur tikið stig til Grannakaffi, sum er eina ferð um árið. Vertir kring landið bjóða grannum heim til ein drekkamunn, eitt prát og kanska onkra uppliving. Gestirnir rinda fyri drekkamunnin. Hvussu nógv teir rinda, gera teir sjálvir av. Tiltakið er sostatt eisini ein innsavning til felagið Grannakaffi er sprottið úr, at mong ofta spyrja Krabbameinsfelagið, hvussu tey á onkran hátt kunnu hjálpa. Mong eru, sum vilja vera við í stríðnum ímóti krabbameini, men ikki altíð vita tey, hvussu tey á bestan hátt kunnu hjálpa. Grannakaffi er ein máti at hjálpa fíggjarliga, samstundis sum til­ takið bindur fólk saman til hugna og prát. Føroyingar duga ómetaliga væl at skipa fyri hugna­løtum og skapa hugna, og eisini Grannakaffi hevur prógvað, at so er. Hvør einstakur vertur setir sín dám á tiltakið, bara tað ikki gongur ímóti virðunum hjá Krabba­meins­ felagnum. Grannakaffi verður aftur vikuskiftið 11.-12. mars. Til 1. mars kunnu áhugað tekna seg sum vertir. Krabbameinsfelagið vónar at fáa nógvar vertir kring landið. Til ber at venda sær til felagið ella nema sær kunning á facebook. com/grannakaffi. Grunnar veita stuðul Krabbameinsfelagið hevur tveir grunnar, sum til ber at søkja um fíggjarligan stuðul úr, Hjálpargrunnin hjá Krabbameinsfelagnum og Team Rynkeby Føroyar grunnin Krabbameinssjúklingar kunnu fáa fíggjarligan stuðul úr Hjálpargrunninum hjá felagnum. Stuðul verður veitt­ur fólki, ið eru fastbúgvandi í Føroyum. Ein 3-manna nevnd stjórnar grunninum. For­ maður­in í Krabbameinsfelagnum er fastur limur, og ein av nevndarlimunum er lækni. Team Rynkeby Føroyar Barnakrabbi er ein álvarslig sjúka, men viðgerðar­ møguleikarnir eru batnaðir seinnu árini, so umleið 80 prosent av teimum børnum, ið fáa staðfest krabba­ mein, yvirliva. Øll børn í Føroyum, sum fáa staðfest krabbamein, skulu av landinum til viðgerð. Hetta kann gerast ein stórur fíggjarligur smeitur fyri alla familjuna. Til ber hjá familjum hjá krabbameinsraktum børnum at søkja um fíggjarligan stuðul úr Team Rynkeby Føroyar Grunninum hjá Krabbameinsfelagnum. Grunnurin stuðlar eisini gransking í krabba­ meinssjúkum hjá børnum í Føroyum. Tann stóra avbjóðingin at basa barnakrabba er, at sjúkan er ikki sum krabbi hjá vaksnum. Í roynd og veru vita granskarar ikki, hví børn fáa krabbamein. Tørvur er á miðvísum granskingararbeiði í barnakrabba fyri at menna betri viðgerðarhættir, so børnini ikki einans yvirliva, men kunnu liva eitt vanligt lív. Vit gera fimleik mánadag Fimleikafelagið Ljósið í Havn hevur saman við Krabba­ meinsfelagnum eitt fimleikalið, ið nevnist Firvaldar Fimleikurin er fyri øll, ið hava ella hava havt krabba­ mein. Vit venja konditión, styrki og innaru ró. Út­ gangsstøði verður tikið í, hvat hvør einstakur megnar. Avvarðandi eru vælkomin við at íðka og stuðla. Málið er, at hetta skal vera eitt høvi at uppliva okkurt gott saman. Vant verður mánadag frá kl. 18.00 til 19.00 í høllini í Sankta Frans skúla. Nógvar góðar grundir eru at røra seg: • Kropslig venjing økir mótstøðuførið • Venjing minkar um møðina • Gott ímóti vamli • Betri konditión • Styrkir vøddarnar • Betri sálarlig vælvera • Betri lívsgóðska