mánadagur 27. februar 2017síða 19

19 Mánadagur 6. januar 2014 · Nr. 2 Sosialurin Mánadagur 27. februar2017 · Nr. 25 Hugskot og viðmerkingar – send sms til 225000 Kristian vann á bygdarmonnunum STEYPAFINALA Í MANSFLOGBÓLTI Venjarin hjá Fleyr, Kristian Mikkelsen, er úr Sørvági og vann heiðurin sum steypavinnari ímóti sínum bygdarmonnum Kristian Mikkelsen er kend­ ur venjari í føroyskum flog­ bólti, sum er ættaður úr Sørvági. Í dag er hann tó venjari hjá Fleyr úr Havn. Hetta er fyrstu ferð, at flogbóltsvenjarin úr Sørvági hevur upplivað at vinna eina finalu ímóti SÍ. – Eg trúði alla tíðina upp á sigurin. Blandingin av yngri og eldri leikarum er góð á okkara liði. Tað eru eisini nógvir mans at taka av - millum annað fær Rói Hentze so at siga ikki spælt, men aðrir koma inn uttan trupulleikar. Tað er gleðiligt, sigur Kristian Mikkelsen. Í landskappingini er Fleyr oddalið við 32 stigum, meðan heili níggju stig eru niður til ÍF, sum er á næstfremsta plássi. Tað slepst ikki uttan­ um, at Fleyr stevnir ímóti einari greipu í ár. – Vit fara eisini eftir meist­araheitinum. Eg havi bjartar FM-vónir, vóru sein­ astu orðini frá Kristiani Mikkelsen. Jóhan Petur: Taptu ímóti blokkinum og Jóhan Arna Ein av teimum heilt royndu hjá SÍ, Jóhan Petur á Stongum, rósar serliga einum ávísum mótstøðuleikara eftir finalutapið hjá sørvingum Eftir annað steypafinalu­ tapið hjá SÍ á rað var Jóhan Petur á Stongum, ið eisini er landsliðsvenjari hjá kvinn­um, vónbrotin um úrslitið, men tó viðurkendi hann eisini avrikið hjá mótstøðuliðnum. – Í dag megna vit ikki at standa ímóti blokkinum hjá Fleyr. Teirra lið blokkar ómetaliga væl, og so hava teir eisini Jóhan Arna Wang, ið eg haldi skal sleppa sær uttanlands sum skjótast. Tað tyktist sum, at okkara menn ræddust hann, tí vit tordu ikki veruliga at sláa, sigur Jóhan Petur á Stongum, ið rósar Jóhan Arna Wang enn meira við at siga: – Talentið hjá honum er stórt, og skal hann menna seg, má hann fara út um landoddarnar at spæla. Eg trúgvi, at hann hevði sloppið á eitthvørt lið niðri í Danmark, sigur Jóhan Petur á Stongum um langa mannin á liðnum hjá Fleyr. Í føroyskum mansflog­ bólti plaga ÍF og SÍ at vera einaráðandi, men nú vann Fleyr so sítt fyrsta steypakappingargull hjá monnum. Venjarin hjá SÍ heldur, at hetta ber boð um, at onnur feløg eisini eru á veg frameftir. – Vit tapa ikki, tí at vit eru farnir aftureftir í styrki. Fleyr er eisini byrjað at vinna í ungdómsdeildunum og ger tað gott sum felag. Tað er jaligt fyri føroyskan flogbólt, sigur Jóhan Petur á Stongum at enda. Vinnandi venjarin hjá Fleyr, Kristian Mikkelsen, er sørvingur