hósdagur 2. mars 2017síða 19

FRÍGGJADAGUR 3. MARS 2017 SOSIALURIN 27 19 Pasta - til 1 svangan føroying ella 2 italienarar Møguliga hevur tú hug at royna at gera heimagjørdar lasagnu­ plátur til tínar cannelloni? Í seinastu viku skrivaði eg um, hvussu eg gjørdi heimagjørda pasta. Hendan uppskriftin verður endurprentað her. At gera pasta heima er nógv skjótari enn eg hevði ímyndað mær – og nógv lættari. Kunsturin er at rulla pasta­deiggið nóg tunt – hevur tú eina pasta­mask­ inu, so er hetta eingin trupul­leiki. Rullar tú við hond, so skalt tú bara syrgja fyri, at deiggið ikki er ov fast. Er deiggið leyst og mjúkt (koyr eina eyka skeið av vatni í), so er lætt at rulla tað pappírstunt. 4 eggjablommur 1 tsk av olivenolju 100 gram av hveitimjøli Hugsa um at keypa gott mjøl, tað ger mun! Mær dámar væl hveitimjølið frá Änglemark. 1-3 msk av vatni Rør eggjablommur, olju og mjøl saman – um deiggið er ov fast, kanst tú koyra eitt sindur av vatni í (hetta er serliga týdningarmikið, um tú rullar deiggið við køkurullu). Alt eftir hvussu nógv væta er í mjølinum (og rúminum), mást tú koyra meira ella minni av vatni í. Elt deiggið í uml. 5 minuttir, tá eigur tað at vera mjúkt og elastiskt. Við pastamaskinu ella við køkurullu rullar tú deiggið út – deiggið skal vera pappírstunt, og ljós skal síggjast ígjøgnum tað. Koyr nógv mjøl á borðið, um tú rullar við hond – so kleprar tað ikki. Sker í fýrakantar – á leið 8 x 12 cm. Nú er klárt at brúka lassagnupláturnar at rulla tínar egnu cannelloni. VIÐ TOSKI & SPINATI Sí HON-blaðið eftir fleiri hugskotum um øðrvísi toskafat – HON-blaðið varð borið í øll hús í Føroyum mikudagin