hósdagur 2. mars 2017síða 20

FRÍGGJADAGUR 3. MARS 2017 SOSIALURIN 27 20 POLITIKKUR HALLUR AV RANA T íðin er um at ganga undan hjá Høgna Hoy­ dal, lands­stýr­is­manni í fiski­vinnu­mál­um, í roynd­ini at fáa semju í lag við flokk­ar­nar á tingi um eina nýggja lóg fyri vinnuligan fiskiskap. Øll veiðiloyvir fara úr gildi 1. janu­ar 2018, og gevur tað lands­ stýr­is­manninum í fiski­vinnu­ málum og restina av politisku skip­anini einans 304 dagar at gera eina semju. Roynt hevur verið at fing­ ið eina breiða semju við Sam­ bandsflokkin, men tá lands­stýr­ is­mað­ur fyrr í vikuni boðaði frá, at samráðingarnar við and­støðu­ flokk­in ikki bóru á mál, gjørdist veg­urin til eina semju munandi smalri. Landsstýrismaðurin tykist nú at noyðast at seta sítt álit á minst møguliga meirilutan á 17 ting­menn at samtykkja eina av týdn­ing­ar­ mestu nýskipanunum í nýggjari tíð. Hvat nú um? Tað er nærum óhugsandi, at tað ikki fer eydnast landsstýrismanninum at fáa okkurt slag av semju við sam­ gong­una ella aðrar flokkar um eina nýggja skipan, tó at hann møguliga má slaka í nøkrum krøvum. Men um nú so er, at eingin semja fæst, so kann tað fáa ógvusligar avleiðingar fyri vinnuna. Tað gjørdist greitt í orðaskifti í løg­tinginum í síðstu viku, tá Jac­ ob Vestergaard, tingmaður fyri Fólka­flokkin, setti Høgna Hoydal ein munn­ligan fyrispurning um hvussu §7 c skal skiljast. Sambært §7 c í lógini um vinnu­ ligan fiskiskap kann lands­stýr­ is­mað­urin velja at endurnýggja veiði­loyvini. § 7 c. Hóast ásetingarnar í § 7 b kann veiðiloyvi verða end­ur­nýggj­ að, um loyvishavari framhaldandi lýk­ur treytirnar sambært hesi lóg og treytum, ið settar eru í veiði­ loyv­ið og fiskiloyvið. Lands­stýr­is­ mað­urin kann áseta nærri regl­ur um mannagongd og fyri­sit­ing í sam­bandi við endurnýggjan av veiði­loyvi. Í fyrispurninginum vildi ting­ mað­urin hava lands­stýr­is­mann­in at upplýsa, um tað var satt, at hann ikki ætlar at leingja um fiskiloyvini hjá loyvishavarum, um tað ikki eydn­ast at fáa eina semju í lag. Einki loyvi Í svarinum vísti Høgni Hoydal á, at í upprunauppskotinum til fiski­ vinnu­skipanina varð staðfest, at loyv­ini skuldu endurnýggjast av sær sjálvum, men at løgtingið í evstu løtu hevði broytt orðingina til, at loyvini kundu endurnýggjast, og at landsstýrismaðurin síðan skal áseta reglar um tað. Júst tað, at løgtingið harvið gav lands­stýrismanninum møguleika til sjálvur at taka støðu til, um loyv­ ini skulu leingjast, tulkar lands­ stýr­is­maðurin sum, at hann hevur rætt­in ikki at gera tað. – Støðan er altso tann, at verður eing­in lóg samtykt, so verður einki veiði­loyvi útskrivað av mær, var greiða svarið frá Høgna Hoydal, ið legði aftrat. – Tí eg haldi tað vildi vera púra skeivt, at bara við at draga tíðina út, so heldur man at skipanin koyrir víð­ari. Vit skulu hava eina nýggja lóg­gávu. Vit skulu samtykkja eina nýggja lóg, ið ásetur hesar regl­ur­ nar. Verður tað ikki verður gjørt, so verða, sum bæði eg og løgmaður hava sagt, ikki nøkur veiðiloyvir eft­ir 1. januar 2018. Ósamdur við tulkingini Harvið hótti landsstýrismaðurin flokk­arnar í løgtingi við, at um semja ikki fæst um eina nýggja fiski­vinnuskipan, so verður úrslitið tað, at fiskiflotin verður lagdur 1. janu­ar 2018. Jacob Vestergaard fanst at tulk­ ingini hjá Høgna Hoydal, og vildi vera við, at §7 c er til fyri at verja fiski­vinnuna móti eini støðu, har pol­it­iska skipanin ikki megn­aði at semj­ast um eina nýggja fiski­vinnu­ skipan. – Tað er tí at §7 c í lógini um vinnu­ligan fiskiskap stendur har. Ann­ars hevði slett eingin grund til yvirhøvur at hava §7 c í lógini. Hon er nevniliga gjørd til, at hevur man ikki tikið seg saman at gera eina nýggja lóggávu, so heldur vinn­an fram við fimm ára rullandi loyv­u­m, segði tingmaðurin, ið helt lít­ið um nýggju tulkingina, ið hann ikki kendi frá sínari tíð sum lands­stýr­ is­maður. – Soleiðis hevur tulkingin verið, men nú hevur landsstýrismaðurin, og øllum at døma løgmaður eisini, eina nýggja tulking, sum passar teim­um. Tað verður brúkt til, at alt steðg­ar upp á nýggjárinum, segði Jac­ob Vestergaard. Neyvan kemur málið nakrantíð so langt, at tað verður neyðugt hjá um­sit­ingini at taka støðu til hvør tulk­ing av lógini er røtt, men talan er um greið boð frá lands­stýr­is­ mann­inum. Við síni tulking av lógini, og av­gerðini ikki at leingja um veiði­ loyvini, ger hann nevniliga greitt, at hann heldur vil leggja høv­uðs­ vinn­una lamna, enn at verða tikin til gísla av nøkrum flokki ella ting­ limi, ið ynskja at drála málið ella koma við órímiligum krøvum. HALLUR@SOSIALURIN.FO Landsstýrismaðurin í fiskivinnumálum arbeiðir av øllum alvi at finna eina semju um eina nýskipan av fiskivinnuni. Um tað ikki eydnast næstu mánaðirnar, so kann tað enda við, at fiskiflotin verður lagdur 1. januar 2018. TÍ HEVUR NÝSKIPANIN SKUND Støðan er altso tann, at verður eingin lóg samtykt, so verður einki veiðiloyvi útskrivað av mær Vit skulu hava eina nýggja lóggávu. Vit skulu samtykkja eina nýggja lóg, ið ásetur hesar reglurnar. Verður tað ikki gjørt, so verða, sum bæði eg og løgmaður hava sagt, ikki nøkur veiðiloyvi eftir 1. januar 2018. Høgni Hoydal