mánadagur 6. mars 2017síða 4

Mánadagur 6. mars 2017 · Nr. 28 4 Sosialurin Hugskot og viðmerkingar – send sms til 225000 Eyðun Klakstein Fyrrverandi politikarin og skúlamaðurin Signar á Brúnni fór fyri fimm árum síð­ani um pensjónsaldur, men hann hevur næstan ikki stund­ir at vera pensjónistur. Síðani hann fór frá fyri aldur sum skúlastjóri í Skúlanum á Ziskatrøð í 2012, hevur hann røkt fleiri avloysarastørv í fólka­skúl­ an­um, og hann hevur verið virkin á fleiri øðrum økjum eisini. – Tú skalt duga at taka teg aftur og hugsa, at nú hava onnur tikið við. Tú skalt verða glaður og finna tær okk­urt annað at gera, sigur Sign­ar á Brúnni. – Eg má siga, at eg havi havt so nógv at tikist við, at eg havi ikki rættiliga havt stundir at verið millum aðrar pensjónistar í tilhaldum. Eg tími væl at vera saman við eldri fólk, men mær dámar eisini væl, at tað hendir nak­ að, og eg havi nógv at takast við, sigur hann. Virðing fyri teimum eldru Hóast hann hevur verið skúla­maður alt sítt vaksna lív, er hann helst enn betri kendur kring landið sum politikari. Í 1970 var Signar á Brúnni fyrstu ferð valdur í løgtingið, og heilt fram til 2002 var hann virkin í poli­ tikki. – Tá ið eg fyrstu ferð varð spurdur, um eg vildi stilla upp í politikki, segði eg nei, tí eg helt ikki, at eg hevði nóg stórt samfelagsinnlit. Tey spurdu aftur, og eg segði ókey, tí eg var púra vísur í, at eg fór ikki at verða valdur. Men tað, sum ikki skuldi henda, hendi, og so byrjaði ein drúgv yrkisleið í politikki mest sum av tilvild, sigur Signar á Brúnni. Hann sat í heili 28 ár í løg­tinginum sum umboð fyri Tjóðveldisflokkin, hann var fleiri skifti lands­stýris­ maður, og hann røkti eisini aðrar politiskar álitissessir. – Mítt ættarlið hevði sera stóra virðing fyri teimum eldru politikarunum, og vit lurtaðu eftir teimum og lærdu av teimum. Teir vóru sera fittir og fryntligir menn og hjálptu okkum væl. Við árunum bleiv eg meira og meira bitin av politikki, og tað gjørdi, at eg helt fram við politiska arbeiðnum í nógv ár. – Eg royndi at vera semju­ søkjandi, og eg var ein av teim­ um, sum ynskti at Tjóð­veldis­ flokkurin skuldi koma uppí og hava ávirkan og ikki bara sita uttanfyri og finnast at. Signar á Brúnni heldur, at tíðin í politikki var sera gev­ andi. – Eg lærdi sera nógv, og eg fekk innlit í nógv sam­ felagsviðurskifti. Eg hevði gott samstarv við politikarar í øllum flokkum, og tá ið eg hugsi aftur á tíðina, fegnist eg um ymiskt, sum eg var við til at fáa ígjøgnum. – Vit gjørdu nýggja lóg­ gávu fyri lestrarstuðul, sum skund­aði undir, at fólk fóru at lesa. Mentanargrunnin bleiv til tað, sum hann er í dag og kundi geva listafólki møgu­leikan at liva av stuðli í tíðar­skeiðum, eg var við at gera álitið um yvirtøku av fólka­kirkjuni, og so var mið­ náms­skúlin á Kambsdali eitt av stóru málunum, sum eg var við til at gjøgnum­føra, sigur hann. Aftur í skúla Í 2002 endaði politiska yrkis­ leiðin hjá Signari á Brúnni eins knappliga, sum hon var byrjað. Hann var ikki upp­ stillaður á løg­tings­val­inum í 2002 og takkaði fyri seg. – Hóast tað var nokk so knappliga, at eg fór úr poli­ tikki, var eg fyrireikaður uppá, at tað skuldi enda. Eing­in verður sitandi fyri alla tíð, og eftir 28 ár í løg­ ting­inum, hevði eg tænt fyri meg, sigur hann. Hóast Signar á Brúnni var politikari í meira enn trý áratíggju, varðveitti hann alla tíðina sambandið við fólka­skúlan, har hann starv­ aðist, tá ið hann ikki var í poli­tikki fulla tíð. Nakað eftir, at hann var givin sum politikari, varð hann spurdur, um hann vildi loysa av sum skúla­ stjóri í skúlanum á Ziska­trøð eitt skifti, til nýggj­ur stjóri skuldi setast. – Eg var sera væl mót­tik­in í Klaksvík og treivst væl, men tá ið tey søktu eftir nýggjum stjóra, ætlaði eg ikki at søkja. Eg helt, at klaksvíkingar mundu ynskja sær eitt yngri fólk sum skúlastjóra. – Skúlastýrið á Ziskatrøð setti seg í samband við meg og bað meg søkja starvið. Tað gjørdi eg so, og eg fekk starvið. Og tað angraði eg ikki. Eg fekk nøkur sera góð ár sum skúlastjóri, og vit fingu broytt ymisk viður­ skifti í skúlanum til tað betra. Eg hevði eitt sera gott sam­starv við læra­r­arnar, skúla­stýrið og kommununa, og tað var hetta sum gjørdi, at vit fingu flutt skúlan rætta vegin. Eg fram um alt annað Eftir at Signar á Brúnni gavst sum skúlastjóri í Klaksvík, hevur hann røkt onkur av­ loysarastarv í skúlanum, og tað hevur dámt honum væl. Hann hevur eisini tykist við ymiskt annað. Hann hevur arbeitt við at gera søguligar dokumentarfilmar um hand­ilslívið og vinnulívið í Fugla­firði, og hann skrivar trú­fastur um dystir hjá ÍF á heima­síðuni hjá felagnum. Signar á Brúnni fylgir fram­vegis væl við í politikki og samfelagnum annars, og nú kann hann átaka sær tann meiri uttanveltaða eyg­ leið­araleiklutin. – Stórar broytingar eru hendar í politiska um­hvørv­ inum seinnu árini. Upp­aling­ in av børnum er nógv broytt, síðani eg var barn og ungur, og tað sæst eisini aftur í polit­iska umhvørvinum. Tað virkar fyri mær, sum at tað er púra burtur at vera hóv­ ligur og at fara stillisliga fram. Nú eru fólk ikki meira enn komin inn um hurðina í løgtinginum, áðrenn tey biða um orðið og fara í miðlarnar at markera seg, sigur hann. – Politikkarar eru ikki long­ur ein veruligur partur av einum løgtingi og einum flokki, har mann tosar innan­hýsis, ger semjur og stendur saman. Hevur tú eina meining, leypur tú út at markera teg. Ov nógvir politikarar hugsa alt ov nógv um at føra seg fram fyri at fáa atkvøður til sín sjálvs. Hetta gera tað serstakliga trupult at leiða ein flokk og eina samgongu, sigur Signar á Brúnni. – Løgmaður hevur ein Urias post, tí tað er næstan vón­leyst at vera leiðari í ein­ um um­hvørvi, har politik­arar hugsa um seg og sítt fram um alt ann­ að. Eg’ið er blivið óvanliga stórt, og eg stúri fyri, at tað fer bara at versna. Hvør politikari var fyrimynd hjá tær? – Mín politiska fyrimynd var Finnbogi Ísakson, sum seinni bleiv mín góði vinur. Hann var gløggur, greiður og sjáldasama góður debatørur, og til samráðingar lá ræði fyri, og hann lærdi meg nógv. Hann var bert tvey ár eldri enn eg, og tað viðvirkaði helst til, at vit funnu sera væl út av tí. Hvønn føroyskan sang metir tú serliga høgt? – Vit eiga ørgrynnu av vøkrum og sigandi sálman. Ein, sum er serliga góður og sigandi, er “Boðar tú til allar tjóðir” hjá Jóannes bónda. Serliga seinasta ørindi er gott og minnir okkum á at varðveita landið, viljan og hugin. UNDIR FÝRA EYGUM POLITIKARAR ERU BLIVNIR OV SJÁLVSØKNIR – Tað virkar fyri mær, sum at tað er púra burtur at vera hóvligur og at fara stillisliga fram. Nú eru fólk ikki meira enn komin inn um hurðina í løgtinginum, áðrenn tey biða um orðið og fara í miðlarnar at markera seg, sigur Signar á Brúnni, sum stúrir fyri gongdini. Vit hava prátað við fyrrverandi politikaran og skúlastjóran um virknu tilveruna sum pensjónistur og um, hvussu hann nú eygleiðir samfelagið