mánadagur 6. mars 2017síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 6. mars 2017 · Nr. 28 FMA Danjal av Rana Føroysku tónlistavirðis­løn­ irnar, FMA, eru sjálvandi ein fagnaður av føroyskum tón­leiki. Her skulu vit heiðra tey, sum á onkran hátt skara fram úr í alsamt vaksandi rúgvuni av dygdargóðum før­oyskum tónleikarum, sang­arum og framleiðarum. Onkur hevur lyndi til at fílast inn á enska heitið á til­takinum, Faroese Music Awards, men tað kann vísa seg als ikki at vera so býtt. Tí sam­stundis sum vit heiðra okkara egnu, er hetta ein fram­úrskar­andi sýnis­ gluggi fyri umheim­in­um at síggja, hvat føroyskur tón­ leik­ur hevur at bjóða. Bæði fram­førslur og virðis­løna­ handanirnar geva útlendsk­ um gestum eina fatan av, hvat rørir seg innan føroyskan tón­leik. Skulu smakka føroyskan tónleik Fleiri útlendskir gestir eru bodnir og hava boðað frá luttøku á FMA í ár og arbeiðs­ bólkurin hevur tí eisini roynt at skipa fyri øðrum tiltøkum fyri hesi. Flestu teirra koma til Føroya hósdagin, og longu hóskvøldið verður fyrsta konsertin fyri teimum, tá millum annað 200 skal spæla í Sirkus. Fríggjadagin verður ein stór upptakt til FMA í Reinsarínum, har umframt útlendsku gestirnar, pláss verður fyri 120 áskoðarum. Á hesi konsertini spæla Danny & the Veetos, Marius Ziska, Benjamin Petersen, FRUM og Benjamin Rajani, umframt onkur loyniligur serligur gestur. Leygardagin skulu út­ lendsku gestirnir til Klaks­ vík­ar og eisini har eru ym­ iskar tónleikaupplivingar á skránni, áðrenn FMA byrjar í Norðurlandahúsinum leygar­ kvøldið. – Tað hevur alla tíð­ina verið eitt ynski frá tónleika­ umhvørvinum, at FMA eisini skuldi vera ein sýnisgluggi út í heim fyri føroyskan tónleik. Vit vilja bjóða bransjufókum og tíðindafólkum hendan vegin og geva teimum eitt upp­livilsi. Soleiðis fáa vit bæði ein heimligan og ein útlendskan profil, sigur Knút Háberg Eysturstein, sum sit­ ur í arbeiðsbólkinum fyri FMA. Málið er at koma út Hann sigur, at tað eru eini 15 útlendskir gestir, sum koma til FMA í ár, bookarar, tíðindafólk, sølufólk og pr- fólk av ymsum slag. Tey eru úr Íslandi, Danmark, Noregi, Týsklandi og Bretlandi. – Tað er sjálvandi eitt ynski hjá teimum flestu tón­leikarunum at sleppa út um Føroyar at spæla, hóast Føroyar er vøggan fyri tónleikin, staðið, har hann sprettir. Tað kann tó vera torført at vita, hvar man skal byrja og hvussu man skal bera seg at, hvønn man skal tosa við. Tá kann tað lætta um og vera ein fyrimunur, um vit fáa fólk hendan vegin, sum kann geva okkum umtalu ella seta okkum í samband við røttu fólkini, sigur Knút Háberg Eysturstein. Endamálið við tiltøkunum er at geva útlendsku gest­un­ um ein smakk av, hvat Før­ oyar er, hvat føroysk mentan og tónleikur er. – Onkur teirra kenna til føroyskan tónleik og hava longu spælt ella skrivað um føroyskan tónleik. Konni Kass hevur millum annað longu verið nógv spæld í Radio Eins í Berlin og Anja Caspary frá Radio Eins er millum teirra, sum koma til Føroya. Tað er frálíkt, at hon hevur møguleikan at koma higar at vitja, at síggja landið og hoyra, hvat annað vit hava at bjóða, sigur Knút Háberg Eysturstein. Annars koma millum annað umboð fyri íslendska kringvarpið RÚV, fyri Intro, sum er størsta tónleikablaðið í Týsklandi og fyri Believe Digital, sum tekur sær av allari digitalu søluni hjá Tutl. Norðurlond eru kul – Hetta er fyrstu ferð, at FMA ger nakað miðvíst fyri útlendskar gestir, at ting eru á skrá, sum venda seg til teirra. Eg haldi tað vera sera gott, at FMA nú vendir sær bæði til heimliga marknaðin og útlendsk vitjandi, sigur hann. Knút Háberg Eysturstein sigur, at áhugin fyri føroysk­ um tónleiki er stórur. – Ofta eru tað einstøk nøvn, sum birta áhugan hjá feløgum ella persónum, sum so leita eftir meiri. Man merkir væl, at so skjótt fólk hoyra, at tað er úr Føroyum, so fáa tey størri áhuga fyri føroyska tónleikapallinum. Vit njóta eisini væl av, at vit eru norðurlendingar og tí eru partur av norðurlendska rákinum, sum hevur verið seinastu árini. Norðurlond og tað norðurlendska er kul, bæði innan tónleik, sjónvarp og matgerð, sigur Knút Há­ berg Eysturstein. danjal@sosialurin.fo - Vit njóta eisini væl av, at vit eru norðurlendingar og tí eru partur av norðurlendska rákinum, sum hevur verið seinastu árini. Norðurlond og tað norðurlendska er kul, sigur Knút Háberg Eysturstein Stórur útlendskur áhugi fyri FMA Knút Háberg Eysturstein