mánadagur 6. mars 2017síða 8

Mánadagur 6. mars 2017 · Nr. 28 8 Sosialurin Hugskot og viðmerkingar – send sms til 225000 MENNINGARÆTLANIN BJARGINGIN HJÁ KLAKSVÍKAR SJÚKRAHÚSI Hallur av Rana Tá verður helst eitt mál, ið fer at skugga yvir øll onnur, tá aðalorðaskifti týsdagin ver­ð­ur í løgtinginum um menn­ingarætlanina fyri sjúkra­húsverkið, ið Sirið Sten­berg, landsstýriskvinna í heilsu­málum, hevur lagt fyri tingið. Spurningurin um før­ oyska sjúkrahúsverkið skal hava ein felags stjóra fyri øll sjúkrahúsini, er vorðin ímynd­in av stríðnum hjá teim­um smærri sjúkra­hús­ unum at varðveita teirra tænastur, og er samstundis vorðin gordiski knúturin hjá teimum landsstýrisfólkum, ið ynskja eitt meira sam­skip­ að sjúkrahúsverk. Kanska kendasta roynd­ in at loysa knútin varð framd í 2011, tá táverandi lands­stýrismaðurin í heilsu­ málum, javnaðar­maðurin John Johannesen, ynskti at avtaka lokalu leiðslurnar og skipa sjúkrahúsverkið undir eina felags leiðslu. Nýval varð tó útskrivað í ótíð, og tá John Johannesen ikki varð afturvaldur til løg­ tingið, hvarv ætlanin við honum. Sirið ger eina roynd Seks ár skuldu nevniliga ganga, áðrenn eitt nýtt ítøki­ligt uppskot kom um hvussu at skipa sjúkra­hús­ leiðsl­urnar. Hesaferð er tað Sirið Stenberg, ið sam­an við teimum trim­um sjúkra­hús­ stjór­un­um, Johnny í Grót­ inum, stjóri á Lands­sjúkra­ húsinum, Ronnie Midjord, stjóri á Suður­oyar Sjúkra­ húsi, og Heri Ellingsgaard, stjóri á Klaksvíkar Sjúkra­ húsi, hevur gjørt eitt upp­ skot til eina felags leiðslu fyri øll sjúkrahúsini. Avtalan millum lands­ stýris­kvinnuna og sjúkra­ hús­stjórarnar mælir til, at ein ovasti stjóri verður settur fyri sjúkrahúsverkinum, sum saman við teimum trim­um núverandi sjúkra­ hús­stjórunum skal mynda fram­tíðar leiðsluna í sjúkra­ hús­verkinum. Eitt bragd Hóast tað eru fleiri munir á uppskotinum, ið nú ligg­ur á borðinum, og tí, ið John Johannesen legði fram fyri seks árum síð­an, so er fyrrverandi lands­stýris­ mað­urin skjótur at rósa lands­stýriskvinnuni fyri eitt higartil gott politiskt handa­ verk. – At hava fingið eina semju um ein ovasta stjóra fyri alt sjúkrahúsverkið, má sigast at vera eitt bragd, sigur John Johannesen. Meðan uppskot frá John Johannesen innibar einar lógarbroyting, ið legði tey trý sjúkrahúsini saman í ein stovn við felags játtan og einum stjóra, ið síðan setti lokalar leiðarar, so hevur nýggja uppskotið ikki eins víttfevnandi av­ leið­ingar. Men fyrrverandi lands­stýrismaðurin metir, at samansjóðingin av leiðsl­ unum er eitt stig á røttu leið móti eini betri samskiping av sjúkrahúsunum. – Tað eru enn nakrir ósvar­aðir spurningar, men við hesum uppskotinum, so tykist tað at førka seg rætta vegin, so at man fær eina góða loysn fyri alt sjúkra­húsverkið, sigur John Johannesen. Í seinastu løtu Tað er serliga leikluturin hjá stjórunum á teimum báðu smáu sjúkrahúsunum, Suðuroyar og Klaksvíkar Sjúkrahús, ið John Johanne­ sen metir er orsøkin til, at ein semja nú hómast um ein ovasta stjóra. – Tað, at tey hava meld­að seg inn í kampin, er ógvu­liga positivt. Tað gjørdi Suður­ oyar Sjúkrahús rættiliga tíð­ liga, og síðan er Klaksvíkar Sjúkrahús eisini komið við, sigur John Johannesen. Fyrrverandi lands­stýris­ maðurin metir, at tað er í seinastu løtu, at Klaksvíkar Sjúkrahús hevur valt at samstarva um eina nýggja loysn. Um leiðslan hevði tikið eina aðra støðu, metir John Johannesen nevniliga, at tað kundi fingið álvarsligar avleiðingar fyri framtíðina hjá Klaksvíkar Sjúkrahúsi. – Av tí, at tað eins og Landssjúkrahúsið liggur í miðstaðarøkinum, so trúgvi eg, at um Klaksvíkar Sjúkra­ hús ikki hevði meldað seg inn í kampin og samstarvað, so hevði tað verið byrjanin til eina niðurlagingarprosess fyri sjúkrahúsið. Nú kann tað fáa ein veruligan leiklut í føroyska heilsuverkinum, heldur enn bara muta ímóti øllum broytingum, og so líð­ andi fána burtur, sigur John Johannesen. Tað er tó ikki heilt uttan mótstøðu, at uppskotið verð­ur lagt fram. Serliga løg­tingsumboðini hjá Fólka­flokkinum á løgtingi hava funnist harðliga at nýggju menningarætlanini hjá landsstýriskvinnuni, meðan tað tykist, at Jógvan Skorheim, borgarstjóri í Klaksvíkar kommunu og løgtingsmaður fyri Sjálv­ stýri, hevur valt eitt mild­ ari orðaval um menn­ingar­ ætlanina, hóast hann ikki er heilt tryggur við nýggja leiðslubygnaðin. – Tað hevur meira at gera við atkvøðufiskarí enn rationalitet, tá mótmælt verð­ur móti øllum broyt­ ingum á Klaksvíkar Sjúkra­ hús. Borgarstjórin hevur tó helst ásannað, at tað er betri at fáa nakað gott burturúr og geva Klaksvíkar Sjúkrahúsi ein veruligan status í nýggja heilsuverkinum, heldur enn bara muta ímóti og risikera, at tað øvugta hendir, sigur John Johannesen. hallur@sosialurin.fo – Av tí, at tað eins og Landssjúkrahúsið liggur í miðstaðarøkinum, so trúgvi eg, at um Klaksvíkar Sjúkrahús ikki hevði meldað seg inn í kampin og samstarvað, so hevði tað verið byrjanin til eina niðurlagingarprosess fyri sjúkrahúsið. Tað metir fyrrverandi landsstýrismaðurin í heilsumálum John Johannesen, nú tað er líkt til, at sjúkrahúsini fáa ein ovasta leiðara – At hava fingið eina semju um ein ovasta stjóra fyri alt sjúkrahúsverkið, má sigast at vera eitt bragd, sigur John Johannesen