mánadagur 6. mars 2017síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 6. mars 2017 · Nr. 28 24. mai eru 90 ár liðin, síðani fyrsti Sosialurin kom út. Í hesari greinarøð leita vit aftur til gomul bløð og finna fram ymiskt áhugavert tilfar 1995: Kim Larsen sjarmeraði pressuna Danski tónleikarin Kim Lar­sen og bólkur hansara Kjukken vitja í Føroyum, og danska tjóðarskaldið gev­ur sær stundir at hitta fjøl­miðla­ fólk. Kim Larsen, sum ikki altíð tímir pressuna so væl, er í góðum lag, tá ið hann hittir føroysku fjølmiðlarnar. Kim Larsen sigur, at kvinn­an gevur honum íblást­ ur at skriva sangir, og hann held­ur seg framvegis ikki hava skrivað sítt stóra hitt enn. – Stóri munurin á at halda konsert í Føroyum og í Danmark er, at í Danmark situr onkur í sessunum, tá tú trínur á pallin. Í Føroyum eru stólarnir tómir. Men tey koma. Tey standa uttanfyri og drekka øl úr plastgløsum áðrenn konsertina. Í Føroy­ um er ikki loyvt at drekka und­ir konsertini, sigur Kim Larsen. Rotturnar hava góðar dagar í Havn SOSIALURIN 1989 Maður hvakk við, tá ið rotta sat inni á gólvinum hjá honum S osialurin skrivar í mai mánaði í 1989 um rottur, sum gera um seg mitt í høvuðsstaðnum. »Áirnar í Havn skulu reinsast, og kloakkrørini førast til sjós í staðin fyri at ganga út í áirnar. Hetta er eitt stórt arbeiði og er byrjað, men tað tekur sína tíð. Rættará er ein áin. Niðari partur av ánni er lokaður. Oman fyri Frældið eru nýggjar kloakk­ leiðingar lagdar, men niðanfyri er fúlt. Fólkini, sum búgva við Rættará, nærindis bryggjarínum, síggja javnan rottur í ánni. Tær eru kanska ikki so stórar, men ótespiligar sum rottur flest. Einaferð í vetur varð klagað til býráðið um rottur í Rættará, og tá var eitur lagt fyri rotturnar. Tað er gjørt aftur. Sunnukvøldið kvakk ein maður, sum býr við ánni, við. Inni á gólvinum hjá honum sat ein rotta. Tað var ikki nógv um rottuna, sum helst hevði etið eitur, og maðurin fekk lætt lívið av henni. Maðurin setti síðan rottufellu upp. Rotta hevði verið hjá fell­uni, men varð sloppin. Síðani keypti hann sær búrfellu, og miku­morg­ un­in sat rotta í henni. Eitt er tað óhugnaliga við rott­ unum. Fólkini við Rættará óttast eisini heilsuvandan. Rotta er í ánni, tí umstøður eru til tað. Og um støð­ur merkja í hesum førinum, at nógv organiskt tilfar kemur við kloakkunum út í ánna, har børn ofta spæla. Skal reinsast Við Landavegin er Rættará sum ein opin kloakk. Alt rennur beint út í ánna, har børn ofta spæla. Onkuntíð hevur verið klagað, tá ov stórar nøgdir í senn eru farnar út í ánna av bryggjarínum. Kloakkirnar í Havnar kommunu eru ofta á skránni í teknisku nevnd og heilsunevndini. Tær, sum ser­liga troka á at gera, er Rættará og Hoy­ dalsá. Í næstu viku fara tekniska nevnd og heilsunevndin at hava felags fund um málið. Katrin Dahl, forkvinna í heilsunevndini, sigur, at tey øll eru greið yvir, hvussu stór sugga Rættará er eins og Hoy­ dalsá. Arbeiðini eru ikki byrjað, tí fíggjarætlan er við at verða løgd. Og at gera nýggjar kloakkir er eitt sera kostnaðarmikið arbeiði. Hvussu nógv verður gjørt, veldst um pengarnar, settir verða av. Men áirnar báðar mugu og skulu reinsast, sigur Katrin Dahl.” Tað var ikki ufo Rættará er ein sugga, har rotturnar trívast væl Mynd: Kalmar Í polititíðindum skrivar Sosial­ urin í september 1995 um, at telefonin á Politistøðini í Havn kimaði, tí fólk sóu eitthvørt óvanligt í luftini, og tey vistu ikki, hvat tað var: »Norðlýsi var tað ikki. Og heldur ikki nakar ufo. Hetta var bara ljósspæl frá tivolinum, sum í hesum døgum er yvir við Strond,« skrivar Sosialurin. Seinast í farnu øld byrjaði Magn­ us Gunnarsson sum freelansari á Sosialinum og skrivaði um bil­ar. Síðani 2003 hevur hann ver­ið í føstum starvi á Sosial­in­ um. Hann skrivaði um bilar og umsat navnasíðurnar við føð­ ingar­døgum, starvsdøgum og minningarorðum. Í nøkur ár hevur hann arbeitt sum lýsingaráðgevi á marknaðardeildini. – Miðlahúsið er eitt gott og kreativt arbeiðspláss við góðum starvsfeløgum. Í mínum arbeiði komi eg eisini í samband við nógv fólk uttan fyri húsið, og tað dámar mær sera væl, sigur Magnus Gunnarsson. Starvsfólk: Magnus Gunnarsson Forsíðan henda dagin í 1989 Kim Larsen fekk sær ein guv, meðan hann prátaði við Sosialin