týsdagur 7. mars 2017síða 16

Mikudagur 8. mars 2017 · Nr. 29 16 Sosialurin Hugskot og viðmerkingar – send sms til 225000 ÍTRÓTTUR GREIÐIR FAVORITTAR Lutakastið til 1/8 finalurnar í kappingini um Løgmanssteypið gav fleiri greiðar favorittar. Serliga havnarfeløgini fingu á papírinum lættar uppgávur, meðan KÍ eisini kom í tann bólkin Tróndur Arge Tað er ein góður møguleiki fyri, at tað bara eru lið úr Effo-deildini, sum møtast í fjórðingsfinaluni. Lutakastið gjørdi, at øll liðini úr lægru deildunum møta liðum úr bestu deildini. Bara í tveimum førum møtast tvey lið úr Effo- deildini. Tey eru EB/Streymur – Skála og 07 Vestur – NSÍ. Vandi fyri stórsigrum Tað eru trý feløg við í steypa­ kappingini, sum ikki spæla í antin bestu ella næstbestu deildini. Tey eru B71, sum spælir í 2.deild, og MB og Undrið FF, sum bæði spæla í 3.deild. Tey fingu øll trý eitt avbera torført lutakast. B71 skal annað ári á rað til Havnar í steypakappingini. Í fjør tapti sandoyingar heili 9-1 fyri HB, har millum annað núverandi venj­ arin, Símin Hansen, skoraði fyri vertirnar. Hann og B71 skulu í ár til Havnar at takast við B36. Hitt felagið í Gundadali skal spæla móti javnaldrinum MB. Mið­ v­ingar hava verið í miðdeplinum í føroyskum fótbólti, eftir at felagið valdi at skjóta mótvalevni upp til forsetavalið hjá Fótbólts­sam­bandi­ num. Liðið hevur tó trupult við at liva upp til bestu løturnar í løtu, tí liðið er í dag at finna í 3.deild. MB fær heldur onga náði frá HB. – Steypakappingin er skjótasti vegur til Evropa, so eg kann ikki ímynda mær annað, enn at vit stilla við sterkastu uppstilling. Um man fer inn við tí fyri eyga, at hesin dysturin er ókeypis, so tekur man feil, sigur Sigfríður Clementsen. Eisini KÍ er risafavorittur, tá teir koma til Havnar at spæla móti Undrinum. KÍ er nokk tað liðið, sum hevur staðið seg best í venjingardystunum og liðið er verandi steypavinnari. Her lúrir vandin fyri stórsigrum til favorittarnar. Hesir hava ein kjans Í trimum førum er talan um upp­ gerðir, har liðini í lægru deildunum kunnu metast at hava ein møgu­ leika at bjóða av. Størsta møgu­ leikan hava argjamenn, sum taka móti nýggja felagsliðnum úr suðuroynni. Argjamenn hava fingið kær­ komnan styrk í spælarum sum Mikkjali T. Hentze og Teiti Jóan­ nesarson, sum eru komnir úr Giza Hoyvík, meðan ungi og evna­ríki Bjarki Nielsen er aftur­komin frá útlondum. Liðið hevur eisini góðar royndir úr bestu deildini við spælarum sum Heðini Stenberg, Dimitrije Jan­ kovic, Sørini Samuelsen, Jobin Dranga­stein, Bárði Olsen og Kars­ tini Højgaard. Mótstøðuliðið er ikki spælt saman enn, og higarti hevur tað verið torført at siga hvørja styrki nýggja liðið í suðuroynni hevur. Argjamenn hava eisini heimavøllin. Tí er ein rímiligur møguleiki fyri, at AB kann vinna seg víðari. ÍF hevur í nøkur ár verið í ongamannalandi í landskappingini. Í ár hvílir ábyrgdin á nýggjum herðum og tað er óvist hvussu sterkt liðið er. Mótstøðuliðið í steypakappingini er Giza Hoyvík, Løgmanssteypið: KÍ og Jóannes Bjartalíð t.v. skulu til Havnar at spæla móti Undrinum. Einar Tróndargjógv og teir i NSÍ skulu vestur at spæla ímóti 07 Vestur.