hósdagur 16. mars 2017síða 11

FRÍGGJADAGUR 17. MARS 2017 SOSIALURIN 33 11 BARBARA HOLM F yrst hoyrdu vit um ein skattafrádrátt á 90 milli­ ónir krónur, sum Eik Banki hevði roynt at tilogna sær, hóast granskoðarar, nevndarlimir og at enda Fíggjarligt Støðufesti vóru í móti og fleiri teirra høvdu ávarað í móti hesum. Síðani avdúkaðu vit í Sosial­ inum, at nevndarlimir og grann­ skoðarar vórðu hóttir av ávísum persónum í TF Holding til at gera, sum leiðslan vildi. So vóru miðlarnir kærdir fyri fjølmiðlakærunevndina og frí­ funnir. Síðani var Jørn Astrup Hansen stevndur fyri ærumeiðing við kravið um fongsulsrevsing í tvey ár – eitt mál, sum enn ikki er av­ greitt. So vóru grannskoðararnir í Spekt skiftir út – eftir at teir ikki vildu skriva undir rokniskapin utt­ an átekning, tí teir vóru ósamdir í skattafrádráttinum. Og nú síggja vit, at partarnir í málinum eftir øllum at døma hildu upplýsingar aftur frá Fíggjarligt Støðufesti, tá ið teir ikki upplýstu um skattliga goodwilli á 90 milliónir krónur. Ein upplýsing, sum kundi ávirkað virðisásetingina á partabrøvunum í Eik. Tí eftir fyrstu niðurstøðuna frá Taks á sumri 2015, varð tað handlað sum, at málið varð avgreitt. Tað var de facto avgreitt, hóast Taks tók tað upp aftur til nýggja viðgerð eftir áheitan frá Fíggjarligum Støðufesti og Fíggjarmálaráðnum – nakað, sum eingin kundi vita áðrenn tað hendi. Og enn tann dag í dag sigur Súni Schwartz Jacobsen, at leiðsl­ an í Eik er ósamd í, at virðið á goodwillinum nú er 0 krónur. Men hví søgdu teir so ikki eigaranum, sum seldi síni partabræv til TF Holding, frá hesari stóru milli­ ónaupphædd? Hesin atburður, sum hevur verið sæð í Føroya størsta fíggjar­ samtakið seinastu árini, er ill­ gruna­samur og eftir øllum at døma eru ikki allar súður syftar enn. Tí Bárður Larsen, bráfeingis­ stjóri á Taks, skal nú kanna málið av nýggjum, og kemur hann fram til, at málið skal sendast til ákæruvaldið, ja so verður tað gjørt, sigur Kristina Háfoss, lands­ stýriskvinna. Spurningurin er tó, hví Um­ boðs­ráðið hjá Tryggingar­felag­ num Føroyum, sum jú eigur Eik Banka, ikki hevur sýnt hesum málinum áhuga – í øllum førum ikki alment. Sosialurin hevur tosað við Tóru við Keldu, sum er forkvinna í Umboðsráðnum, og hon metir tað ikki vera hennara uppgáva at úttala seg um hetta skattamálið. Kortini eru hon og hinir 35 umboðsráðslimirnir valdir av tryggingartakaranum, at umboða fólki í stóra fíggingarsamtakinum. Niðurstøðan frá Taks varð broytt frá 90 milliónum til 0 krón­ur. Tað vita vit. Men hví tók Taks skeivu avgerð av fyrstan tíð? Hví kunnaði leiðslan í Eik ikki um fyrivarnini, sum nevndarlimir og grannskoðarar høvdu? Og hví upplýsti leiðslan og nevndarformaðurin í Eik ikki báðum eigarunum líka, tá ið Taks fyrst kom til niðurstøðuna, at 90 milliónir vóru í skattligum goodwilli? Hví var tað bara TF Holding, sum visti hetta, og ikki Fíggjarligt Støðufesti, tá ið partabrøv vórðu handlað eftir niðurstøðuna frá Taks? BARBARA@SOSIALURIN.FO Avdúkingin í Sosialinum í dag er bert ein partur av einum størri málið, sum ferð eftir ferð vísir leiðsluna í Eik Banka og TF Holding frá einari sera ivasamari síðu IVASAMUR ATBURÐUR Í SKATTA- MÁLINUM TEMA Skattamálið hjá Eik