hósdagur 16. mars 2017síða 15

FRÍGGJADAGUR 17. MARS 2017 SOSIALURIN 33 15 15 Fíggjarligt støðu­ festi hevði fingið sín part av køkuni – Fíggjarligt Støðufesti hevði fingið sín part av køkuni, um Eik fekk skattafrádráttin, sigur Torben Nielsen, nevndarformaður, sum tó ikki kann svara, hví tað so ikki varð gjørt ella kunnað um, eftir at Taks gav bankanum goodwill á 90 milliónir á sumri 2015. Hetta lyftið varð tó ikki givið fyrr enn á fundi síðst í november í 2016. Also hálvt annað ár eftir, at skattafrádrátturin varð játtaður í fyrstu atløgu BARBARA HOLM T orben Nielsen, nevnd­ ar­formaður í Eik, sigur seg einki kenna til, at Fíggjarligt Støðufesti sat til reiðar við einum sakarmálið, um seinna viðgerðin av skattamálinum úti í Taks hevði givið bankanum 90 milliónir krónur. – Tað er eisini fjas, tí Fíggjar­ligt Støðufesti hevði sjálvandi fingið sín part av skattafrádráttinum, um tað gjørdist aktuelt, og so vildi ikki verið nøkur orsøk til eitt sakarmál, sigur Torben Nielsen, nevndarformaður. Hendan útsøgnin hjá nevndar­formanninum kann tó undra, tí spurningurin er, hví hetta so ikki varð gjørt ella kunnað um beinan vegin – tá ið málið fyrstu ferð varð avgreitt hjá Taks á sumri 2015. Sosialurin hevur fingið upplýst frá álítandi keldum, at hetta lyftið frá nevndar­ formanninum ikki varð nevnt fyrr enn síðst í november 2016 – also hálvt annað ár eftir, at Taks játtaði frádráttin og samstundis nakrar mánaðir eftir, at fyribils niðurstøðan frá Taks av seinnu viðgerðini av skattamálinum varð send leiðsluni. Tað merkir, at lyftið frá nevnd­arformanninum kom eftir at hann visti, at Taks ikki hevði í hyggju at geva Eik banka frádráttin kortini. Einki lyfti um part av køkuni varð givið áðrenn Fíggjarligt Støðu­festi seldi sín seinastu partabrøv – og Fíggjarligt Støðu­festi visti einki um skatta­ frádráttin tá. Málið var annars endaligt longu á sumri 2015. Tí eingin kundi vita, at Taks fór at taka málið uppaftur, fyrr enn tað varð gjørd á várið 2016. Sjálvuppgávurnar vórðu rætt­aðar við afturvirkandi kraft og málið var de fakto avgreitt og skattafrádrátturin endaliga játt­aður 30. juni 2015. Longri var tann søga ikki tá. Kortini var Fíggjarligt Støðu­festi ikki vitandi um niður­støðuna – og enn minni um ætlarnirnar hjá nevndar­ formanninum um, at fyritøkan sum parteigari átti 30 prosent (partabrøvini hjá Fíggjarligum Støðufesti tá) av 90 milliónum til góðar í Eik. Torben Nielsen svarar ikki upp á, hví hetta ikki var sagt ella gjørt longu í 2015. Fylgjurnar av málinum Eftir at Fíggjarligt Støðufesti fekk vitan um, at Eik Banki hevði fingið játtaðan ein skatta­ frádrátt á 90 milliónir krónur, valdi Fíggjar­ligt Støðufesti at varskógva Fíggjar­málaráðið um skeivu avgerðina. Tá varð sagt, at Fíggjarligt Støðufesti metti tað hava týdning, at málið varð tikið upp aftur til nýggja viðgerð, tí niðurstøðan eftir teirra tykki var skeiv. Tað var hon so eisini, vísti tað seg fyrr í ár, tá ið Taks kom til eina nýggja avgerð, sum also ikki gav Eik Banka nakran frádrátt kortini. Harvið er lyftið, sum Torben Niel­sen gav Fíggjarligum Støðu­ festi í november 2016 ikki aktuelt kortini. BARBARA@SOSIALURIN.FO BARBARA HOLM Torben Nielsen, nevndar­for­ maður í Eik, vil ikki hava sitandi á sær, at tað var hansara upp­gáva at kunna Fíggjarligt Støðu­festi um niðurstøðuna frá skatta­ myndugleikunum, sum gjørdi Eik Banka 90 milliónir krónur meira verdan. – Fíggjarligt Støðufesti hevði ein nevndarlim í nevndini í Eik Banka, og tað hevur altíð verið so, at Jørn Astrup Hansen hev­ur kunnað Fíggjarligt Støðu­festi um viðurskiftini í Eik. Jørn Astrup var ikki á fund­inum, har Súni Schwartz greiddi frá niðurstøðuni hjá Taks, men hann fekk fund­ar­ frá­greið­ingina, sigur nevnd­ar­for­ maðurin. Men sambært fleiri álítandi keldum hjá Sosialinum varð tað beinleiðis tikið upp til umrøðu tíðliga í samstarvinum millum TF Holding og Fíggjarligt Støðufesti, at júst nevndarformaðurin hevði til uppgávu at kunna parteigarar um tað, sum hevði týdning. Samstundis skilur Sosialurin, at Torben Nielsen varð valdur av bæði Fíggjarligum Støðufesti og TF Holding at verða nevnd­ arformaður, og tí var Torben Nielsen eisini umboð hjá Fíggjar­ ligum Støðufesti fram til hesin seldi síni seinastu partabrøv. Í viðmerking til Sosialin ger Torben Nielsen greitt sum tað fyrsta, at tað ikki var hann, sum stóð á odda fyri søluni av teim­ um 30 prosentunum av parta­ brøvunum í Eik Banka, men táverandi nevndar­for­maður í TF Holding. Har næst vísir hann á, at fyri hann er eingin ivi um, at hann onga ábyrgd hevði í at kunna Fíggjarligt Støðufesti um skattafrádráttin. Tað er tó ikki rætt sambært Jørn Astrup Hansen. Hann sigur í stuttari við­ merking við Sosialin, at eingin ivi var um, at forstáilsi millum parteigararnar og nevndina var, at samskifti við parteigararnar skuldi nevndarformaðurin taka sær av. TF Holding átti at eftirkanna málið Óansæð um Jørn Astrup átti at hava lisið fundarfrágreiðingina áðrenn og harvið borið tíðindini um skattafrádráttin víðari til Fíggjarligt Støðufesti, so er kortini støðan tann, at Fíggjar­ ligt Støðufesti einki visti. Og at Jørn Astrup Hansen held­ur einki visti fyrr enn eftir søl­una av partabrøvunum. Tað vátt­ ar Jørn Astrup Hansen og tað sama stendur at lesa í fundar­ frágreiðingini frá de­sember 2015. Og tá er nærliggjandi at halda, at nevndarformaðurin átti at hava tryggjað sær, at báðir parteigarar sótu við somu vitan. – Eg visti ikki nær endaligi handilin skuldi gerast og var heldur ikki nakar partur av tí. Um nakar átti at tryggja sær, at Fíggjarligt Støðufesti visti um skattafrádráttin, so var tað TF Holding og Jørn Astrup Hansen, sigur Torben Nielsen, nevndarformaður. Hann ger greitt, at hann metir seg hava røkt sína skyldu sum nevndarformaður á forsvarligan hátt, og sendir samstundis ábyrgd­ina av kunningini víðari til keyparan av seinastu 30 prosent­ unum. – Tað kann ongantíð vera eg, sum skal tryggja mær, at Fíggjarligt Støðufesti hevur fingið neyðugu kunninga til at taka støðu til eina virðisáseting í samband við sølu. Tað má heldur vera TF Holding, sigur hann. BARBARA@SOSIALURIN.FO – Tað var ikki mín ábyrgd at kunna Fíggjarligt Støðufesti um niðurstøðuna frá Taks. Tað ábyrgdina átti Jørn Astrup Hansen ella TF Holding, sigur Torben Nielsen, nevndarformaður í Eik Nevndarfor­mað­urin sendir ábyrgdina víðari Torben Nielsen, nevndarformaður: Hvør átti at kunna Fíggjarligt Støðufesti? Torben Nielsen, nevndarformaður í Eik