hósdagur 23. mars 2017síða 5

FRÍGGJADAGUR 24. MARS 2017 SOSIALURIN 36 5 – Framvegis síggjast og hoyrast ikki eins nógvar kvinnur og menn í sendingum og í miðlum annars, har samfelagsviðurskifti av ymsum slag verða viðgjørd, sigur Eyðgunn Samuelsen, landsstýriskvinna í javnstøðumálum. Tað hevur verið nakað av kjakið um kvinnur í miðlunum seinastu tíðina, og evnið var millum annað havt á lofti altjóða kvinnudagin 8. mars og í sendingini Afturáaftur í Kringvarpi Føroya 10. mars. Í vikuni varð ráðstevna í Norðurlandahúsinum, har partur av evninum var kvinnur og miðlar. – Tá ið talan er um luttøku í miðl­ unum, er støðan broytt seinastu árini, hetta sambært teimum, sum arbeiða við tíðindum og miðlum. Nú er ikki eins trupult at fáa kvinnur at taka lut í sendingum og í almennum kjaki yvirhøvur, sum tað kundi vera fyri nøkrum árum síðani. Og tað er sjálvsagt at fegnast um! Men framvegis síggjast og hoyrast ikki eins nógvar kvinnur og menn í sendingum og í miðlum annars, har samfelagsviðurskifti av ymsum slag verða viðgjørd, segði landsstýriskvinnan. Hon flutti fram røðu og segði millum annað, at tað hevði stór­an týdning fyri uppvaksandi ættar­ liðið, at tað fær eina fjølbroytta fatan av samfelagnum. – Og hesa fatan fáa tey millum annað gjøgnum miðlarnar, sum hava so stóra ávirkan og tí so stóra ábyrgd. At miðlarnir hava so stóra ávirkan gevur samstundis teimum, sum arbeiða í miðlunum eina stóra ábyrgd, sigur Eyðgunn Samuelsen. Eyðgunn Samuelsen, landsstýriskvinna í javnstøðumálum SLÓGV FRÁ SMOLT­UNUM SKAL VERÐA ORKA Í løtuni verður arbeitt við at gera eitt biogassanlegg í Føroyum. Ætlanin er, at slógvið frá smoltstøðunum og mykjan frá neytunum skal samlast saman og vera rávøran, sum vit kunnu framleiða orku burtur úr, bæði til fjarhita og streym, sigur Regin Jacobsen. – Avfall frá biogassanlegginum verður so aftur tøð til landbúnaðin, men nú ein betri vøra enn vanliga neytamykjan. Nú er tað ein bland­ ingur av mykjuni og av slógvinum frá smoltstøðunum, sigur Regin Jacobsen. – Tað, at Bakkafrost og hinir alararnir í Føroyum nú fara undir at gera stór smolt, ger at vit fáa kanska 15.000 tons av slógvi frá smoltstøðunum. Saman við 20.000 tonsum av mykju frá bóndunum, umframt avfallið frá slaktinum um heystið og fiskavirkjum annars, verður so grundarlagið undir eini føroyskari biogassframleiðslu, sigur Regin Jacobsen. – Hetta krevur tó, at vit gera eina stóra íløgu í eitt slógv-anlegg á smoltstøðini á Strond og hinum smoltstøðunum, so at vit kunnu samla slógvið saman, heldur enn at tað fer á sjógv. Sìðani kann slógvið flytast hagar, sum biogassanleggið fer at liggja, sigur Regin Jacobsen. Tað eru Umhvørvisstovan, Heilsufrøðiliga Starvsstovan, alararnir og MBM, sum arbeiða við hesi verkætlanini. – Vónandi kemur gongd á hesa verkætlanina í ár, um alt gongur, sum tað skal, sigur Regin Jacobsen. Don Ø og Glistrup skulu inn at sita Fyrrverandi formaðurin í Parken Sport & Entertainment, Flemmin Østergaard, og fyrrverandi stjórin í sama felag, Jørgen Glistrup, eru nú dømdir ein fongsuldóm á hálvtannað ár í part, umframt at stórar peningarupphæddir hjá teimum báðum eru afturhildnar. Tað skrivaði JP Finans í vikuni. Parken Sport & Entertain­ ment eigur millum annað fót­ bóltsfelagið FC København og frítíðarstaðið Lalandia. Flemming Østergaard, van­ liga nevndur Don Ø, og Glistrup er dømdir fyri ólógliga at ávirka prísin á virðisbrøvunum í felag­ num. Tað var í 2007 og 2008, at Parken Sport & Entertainment keypti 95,000 av sínum egnu virðis­brøvum, umvegis tveir bankar. Fíggjareftirlitið kannar keyp­ini og avgerð í 2010, at melda felagið til Bagmands­ politiet. Orsøkin er grov kurs­ manipulatión, har teir verða ákærdir fyri at halda virðið á felagnum uppi við at keypa virðis­brøv. Teir nokta seg sekar, men siga, at virðisbrøvini blivu keypt til leiðandi starvsfólk í felag­num. Teir blivu fyrstu ferð dømd­ ir í 2014, men kærdu dóm­in til Landsrættin. Eystari Lands­ rættur hevur nú staðfest dómin. Báðir skulu inn at sita í hálvtannað ár, umframt at níggju milliónir krónur hjá Flemming Østergaard verða afturhildnar og 800.000 krónur hjá Jørgen Glis Regin jacobsen Ov fáar kvinnur í miðlunum