hósdagur 23. mars 2017síða 10

FRÍGGJADAGUR 24. MARS 2017 SOSIALURIN 36 10 EIK-MÁLIÐ Tað eru nakrar líkheitir millum gamla Eik banka, sum fór á heysin, og nýggja Betri P/F. Ein stórur munur er tó, at bygnaðurin í Betri P/F hevur kortsluttað valdsjavnvágina. Skipanin kortsluttað Í nýggja bygnaðinum í Betri er støðan tann, at Súni Schwartz Jacobsen er forstjóri í móðurfelagnum og í trimum av fýra fyritøkum undir samtakinum. Í tí fjórða er hann nevndarformaður. Hetta merkir, at nevndirnar í Betri Banki, Betri Trygging og Betri Pensjón í veruleikanum skulu í gjøgnum sín stjóra í móðurfelagnum – Súna Schwartz Jacobsen – um tær eru ónøgdar við stjóran. Tað merkir helst í veruleikanum tað, at einasti maður, sum kann koyra Súna Schwartz Jaocbsen úr starvið er Arni Brattaberg, sum er nevndarformaður í ovastu nevndini í samtakinum. Men í dagligum virksemi er tað jú Súni Schwartz, sum situr sum ovasti maður í øllum samtakinum, umframt at hann situr sum forstjóri í øllum fyritøkunum. Partafelagslógin ásetur, at vald skal vera tvíbýtt. Fyrst skal vera ein nevnd, og harnæst ein stjórn. Men í fyritøkunum undir samtakinum í Betri eru nevndirnar settar út av funktión í og við, at teirra stjóri er sami maður. UMBOÐSRÁÐSLIMUR Í TF: Vit fáa einki at vita Stóru tíðindini í vikuni um, at TF Holding, nú Betri P/F, broytti bygn­aðin so, at Súni Schwartz Jacobsen verð­ur stjóri í fýra av fimm fe­løg­un­um undir sam­tak­inum, hevur fing­ið ein umboðs­ ráðslim í sama fe­lag­ið til senda miðlunum eitt skriv.   "Tess meir vald ein leiðari hev­ur yvir tíð, tess tíðum verður vald­ið misnýtt. Vald eigur tess­ vegna at verða spjatt á fleiri og av­mark­að í tíð".  Soleiðis sigur Norski professarin Linda Lai, sum starv­ast á “ Institutt for ledelse og organi­sasjon”, skrivar Andrass Skaal­um í skrivinum.  Víðari sigur hann, at gamli bygn­að­ur­in í TF-Holding sam­pakk­ar ikki við hesa hugsjón hjá Lindu, tað ger nýggi bygnaðurin í Betri-Hold­ing heldur ikki.  Tað er spell at ein skipan ikki er funnin, ið sampakkar hugsanina hjá pro­fess­ar­anum. – At ein og sami persónur gong­u­r aftur í øllum feløgum, sum ávikavist forstjóri, stjóri og nevnd­arformaður, sampakkar ikki við hugs­anina um at spjaða vald­ið á fleiri herðar, skrivar hann.  Víðari vísir hann á teir kunn­ing­artrupulleikar, sum um­boðs­ráð­ið renna seg í. Vit í Umboðsráðnum renna okk­um eisini í stóran mun inn í tagn­ar­skyldu-múrin, við tí úr­slit­ ið, at vit tíðum kenna okkum at fáa ov lítið av kunning. Orsøkin er, at leiðsla skjýtur seg undir tagn­ar­skyld­una.  – Handa tagnarskyldan, sum hon er tulkað, er ein stórur mein­bogi, samstundis sum hon part­vís er neyðug, fyri trygg­leik­an í virkseminum hjá ymsu fe­løg­un­um. Til tíðir tykist tó at leka mill­um teori og praksis, tó ikki í um­boðsráðnum. Ynski­ligt er, at pol­it­iski myndug við lóg tryggjar um­boðunum hjá trygg­ing­ar­tak­ar­um betur møgu­leika at fáa kunn­ing, sigur Andr­ass Skaal­um. EINGIN ÁTTI GAMLA EIKO EIK GRUNNURIN EIK DANMARK INNI EIK BANKI