hósdagur 23. mars 2017síða 15

FRÍGGJADAGUR 24. MARS 2017 SOSIALURIN 36 15 búgvingarnar. Eingin er úti og vitjar skúlarnar, eingin ger nakað kanningararbeiði. Kortini halda tey, at teirra skipan er betri, sigur hann. Útihýsa øðrum læknum – Tað er eingin ivi um, at norskir, enskir ella enntá indiskir læknar eru minst líka góðir sum danskir læknar. Tað sama er galdandi fyri ymisku læknaútbúgvingarnar í øðrum londum. Men skipanin útihýsir læknum við øðrum útbúgving enn tí donsku, uttan at haldgóð orsøk er til tess, heldur Sámal Jakobsen. Kravið um, at læknar, sum skulu virka í Føroyum, mugu duga danskt, er ikki nógv at gera við kortini, samstundis sum at skeiðið um danska heilsuverkið eisini er gott og neyðugt at fara ígjøgnum. Tað er kravið um, at tvær tilvildarligar skrivstovukvinnur skulu meta um útbúgvingina og at læknarnir síðani mugu prógva síni evni enn einaferð í royndum, sum hann heldur vera burturvið. - Føroyska heilsuverkið er partur av danska heilsuverkinum og vit hava so nógv samskifti við donsk sjúkrahús, at tað er alneyðugt at duga danskt. Men at tað er so stirvið at fáa útlendskar útbúgvingar góðkendar, ger eisini at fleiri føroyingar, sum taka útbúgvingina uttan fyri Evropa, ongantíð koma aftur til Føroya at arbeiða, heldur hann. Hann greiðir frá, at hetta eisini ávirkar víðari útbúgvingina hjá teimum, sum koma uttan ífrá. – Danska heilsuverkið góð­ kennir ei heldur tær royndir, tú hevur fingið aðrastaðni, síðani tú vart liðugur at útbúgva teg. So tá tú fært starv í Føroyum ella Danmark, so byrjar tín turnus frá null aftur, einki verður góðskrivað. Sjálvur heldur Sámal Jakob­ sen, at føroyingar áttu at gjørt sum sviar og nýtt tilmæli frá góð­ kenningarstovnum sum grundar­ lag, heldur enn at noyða alt gjøgnum danska heilsumálaráðið. – Sviar nýta hesar góðkenn­ ingarstovnarnar. Norðmenn hava eisini nógv slakari reglur enn danir. Eg skilji ikki, hví vit í Føroyum, ser­ liga tá hugsað verður um ser­lækna­ trotið, sum vit hava, skulu avmarka okkum so nógv, sum vit gera við at fylgja donsku reglunum á økinum, sigur Sámal Jakobsen. DANJAL@SOSIALURIN.FO NGUM AT R Í FØROYUM