hósdagur 23. mars 2017síða 20

FRÍGGJADAGUR 24. MARS 2017 SOSIALURIN 36 20 Serfrøðingurin: Tað er sagt so ofta, at tað rínur ikki á longur. – vilt tú verða væl fyri og hava ein sunnan kropp, so er heilsugóður matur og rørsla einasta uppskriftin. Tað ber eisini til at liva heilsugott og verða skynsamur, hóast nógv er at gera í gerandisdegnum, og tíðin ikki altíð strekkir til. Broytingarnar, sum vit kunnu gera í gerandisdegnum nýtast ikkki at vera kollveltandi, men kunnu gerast í stigum, heldur Sølvá J. Joensen, BA í føðslu og heilsu. ANNIKA KUNOY IM A t liva heilsugott er ein raðfesting ein má gera sær, og tað krev­ur eitt sindur av ráð­legg­ing av vikuni, um talan er um eina barnafamilju har øll hava nokk at gera. Tað ber tó væl til at taka heilsugóðar og skynsamar av­gerð­ ir, hóast nógv er at gera, heldur Sølva J. Joensen, BA í føðslu og heilsu. – Steðga vit og hyggja at, hvussu mat­vanar og innkeypsvanar eru, og broyta hetta bara eitt lítið sindur, so nógv spart. Nógv vita ikki, hvussu nógvan pening tey brúka uppá mat, sigur Sølva J. Joensen. Tað er tín uppgáva Hon heldur, at tað hevur stóran týdn­ing fyri heilsuna, at vit eta heilsu­gott. Etur tú heilsugóðan mat, fært tú allar tær vitaminir og mineralir, ið kroppurin tørvar, og kroppurin fær tað neyðugu ork­ una at virka. Tað er somuleiðis tín egna uppgáva at eta mat, sum er góður og uppbyggjandi fyri kropp­in, so hann fær tað besta at arbeiða við. Velja vit hinvegin at nokta kroppinum neyðugu vita­ min­ir­nar og mineralirnar honum tørv­ar, so gongur tað, sum frá líður út yvir heilsuna. Fjølbroyttur og heilsugóður kostur kann fyri­ byrgja fólkasjúkur, so sum dia­bet­ es, hjarta- og aðrasjúkur og ov høgt blóð­trýst. – Sjúkurnar eru vandamiklar, og tær kosta eisini samfelagnum nógv, sigur hon. Hvat er heilsugott? – Heilsugóður matur er fjølbroyttur mat­ur, har vit eta eitt sindur av hvørj­um og ikki ov nógv, sigur Sølvá J. Joensen. Hon greiðir frá, at matur verður deild­ur uppí føðsluevnir, og vit kenna tey sum protein, kolvæta og feitt, og vit skulu fáa eitt sindur av hvørj­um. Hon mælir til, at vit eta tríggj­ar høvuðsmáltíðir hvønn dag, um­framt millummáltíðir fyri at fáa tey neyðugu føðsluevnini kropp­ur­ in tørvar. Etur tú ígjøgnum allan dag­in er eisini minni vandi fyri, at tú ovetur teg um kvøldið. – Alt kroppurin tørvar til at virka, finna vit í mati, og tí er um­ ráð­andi at familjan etur fjølbroytt, so­leið­is at øll fáa tað tey hava tørv á, sigur hon. Ikki hoppa uppá alt Sølvá heldur, at av tí at vit eru so upp­tikin í gerandisdegnum, so kann tað tykjast møtimikið at liva heilsugott, men at vit mugu minn­ ast til, at ongin uttan vit sjálvi kunnu ansa eftir okkara egnu heilsu. Eisini fáa vit alskins ráð og hug­skot á sosialu miðlunum, hvussu ein sunnur lívsstílur sær út. Ráðini eru ofta ógrundað, og tí er týdningarmikið ikki at trúgva øll­um, sum tú lesur. – Man má hyggja, hvaðani ráð­ini koma, og LÍVSSTÍLUR TAÐ FINST ONGIN Man má hyggja, hvaðani ráðini koma, og um tey eru evidensbaseraði. Ongin matbólkur er bert farligur ella bert sunnur at eta »Tøm-køliskáp« eggjakaka Tú skalt brúka 1-2 leykir Restir av grønmeti (piparfrukt, tomat, broccoli osfr.) 1 spsk olju 6 egg 6 spsk lættimjólk 200 gr pálegg (skinka, hamburgarrygg, kyllingapylsa osfr.) 200 g eplir 100 g rivnan osti Kryddarí Arbeiðsháttur Sker leykin og restirnar av grøn­ meti smátt. Svitsa leyk og grøn­ meti í eini grýtu saman við oljuni. Rør eggini og mjólkina saman. Koyr ost, eplir og grønmeti í eggini og mjólkina. Rør alt saman og krydda at enda við salti og pipari ella onkrum øðrum kryddi, tær dámar. Stoyt deiggið í eitt eldfast fat. Hita ovnin til 200º og baka mitt í ovninum í uml 30 min. Uppskrift frá Sølvá J. Joensen