mánadagur 27. mars 2017síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 27. mars 2017 · Nr. 37 Vilmund Jacobsen Sakaris Zachariasen, sum býr í Kjøllefjord í Noregi, hevur sín egna bát, og hann hevur eina kvotu av kongakrabba á 2.820 kilo, pluss 10 prosent av hon-krabba, umframt 10 prosent av skaddum krabba. Kendi føroyingurin í Noregi sigur, at skaddur krabbi er krabbi, sum hevur mist eitt bein ella sum er skaddur á annan hátt. - Tað, sum er so snilt við krabbakvotuni, er, at hon er persónlig. Tað merkir, at persónurin eigur kvotuna, og hann fær bert eina kvotu, sigur Sakaris Zachariasen. Hann vísir á, at fyri at fáa krabbakvotu, skalt tú í minsta lagi hava fiskað fyri 100.000 krónur av øðrum fiskasløgum, sum toski og hýsu, og tú skalt eisini hava búð í Noregi í eitt ár. - Vit taka bert krabbar inn, sum eru tvey kilo og størri. Krabbi undir tvey kilo hevur ongan prís. Sakaris Zachariasen held­ ur, at norsku fiski­vinnu­ mynduleikarnir eru komnir væl burtur úr tí skipan, sum ræður á økinum. - Um tú drívur á, er einki til hindurs fyri at fiska krabbakvotuna upp eftir tveimum vikum, og prísurin er 170 krónur fyri kilo - og hálvur prísur fyri hini 20 prosentini av hon-krabba og skaddum krabba. Til stuttleikar nevnir føroyingurin í Kjøllefjord, at umborð á Hurtigruten - sum svarar til okkara strand­ ferðslu - kostar eitt kilo av livandi krabba 1200 krónur kilo. - Umborð á ferjunum gong­ur krabbin í fiskabúrum á sama hátt, sum hummarin í SMS. Sakaris Zachariasen sigur, at hann hevur 700 kilo eftir av kongakrabba at fiska, men nú fer hann eftir toskinum, og toskakvotan hjá honum er 41 tons. Svartkjaftaskipini hava roynt sunnanfyri í altjóða sjógvi. Men, eftir at hava leitað í eina góða viku í altjóða sjógvi, har einki var at síggja, fór Tróndur í Gøtu inn um markið til ES sjógv. Har var fiskiskapurin góður, og um vikuskiftið kom Tróndur í Gøtu á Fuglafjørð við umleið 2800 tonsum av svartkjafti, sum verður landaður til Havsbrún. Stórur og feitur várfiskur Fimm føroysk ísfiskalínuskip fiska í íslendskum sjógvi, og møguliga koma trý ella fýra av hesum heim at landa síðst í hesi vikuni og fyrst í næstu viku. Fýra frystilínuskip fiska eisini í íslendskum sjógvi, men ógreitt er, nær tey koma heim at landa. Á Fiskamarknaði Føroya vistu tey fríggjadagin at siga, at línuskipini í íslendskum sjógvi fáa mest at toski, hýsu, longu og brosmu. Fýra línuskip fiska undir Føroyum, men væntandi fóru nøkur aftrat út farna vikuskiftið. Undir Føroyum er línuveiðan mest toskur, hýsa og longa. Streymurin verður rættiliga harður, sum henda vikan gongur. Tí verður roknað við, at øll línuskipini, sum fiska undir Føroyum, koma inn at landa hesa vikuna. Men, tó at streymurin verður ógvuliga harður, eru útlit til, at veðrið verður gott teir næstu dagarnar. - Tí vænta vit eisini, at nakað verður av útróðrarfiski og serliga snellufiski hesa vikuna, vita tey á Fiskamarknaði Føroya at siga. In.fo kann leggja aftrat, at snellubátarnir, sum seinastu tíðina hava roynt eftir várfiski á Norðhavinum, hava gjørt góðar dagar, tá teir hava rakt dagin. Tá talið av bátum, sum rógva út við snellu av Eiði, hevur verið størst, hava einir 25-30 bátar verið á útróðri. Á Eiði verður sagt, at fiskurin, sum snellubátarnir hava fingið, hevur verið bæði stórur og feitur. Vanliga plaga bátarnir, sum royna eftir várfiski norðanfyri, at hanga í til umleið hálvan apríl. vilmund@sosialur - Eg haldi, at norsku fiskivinnumyndugleikarnir eru komnir væl burtur úr teirri skipan, sum teir hava, sigur Sakaris Zachariasen, sum býr í Kjøllefjord í Noregi Livandi krabbi fyri 1200 krónur fyri kilo - Eg havi 700 kilo eftir av mínari kongakrabbakvotu, men nú fari eg eftir toskinum, og toskakvotan hjá mær er 41 tons, sigur Sakaris Zachariasen Søkt verður eftir sjúkrarøktarfrøðingum, heilsu røktarum og heilsuhjálparum at arbeiða í tíðar skeiðinum 1. juni til 31. august 2017. Arbeiðstíðirnar eru skiftandi dag-, kvøld-, náttar- og vikuskiftisvaktir. Vaktirnar eru á øllum stovnum í økinum og á útiøkinum. Førleikakrøv • Prógv og evt. autorisatión • At tú er jalig og hevur lætt við at umstilla teg • At tú brennir fyri arbeiðinum við eldri og menniskjum við skerdum førleikum • At tú hevur koyrikort Setanarviðurskifti Størvini verða sett sambært sáttmála við KAF/ Fíggjarmálaráðið og avvarðandi feløg. Um tú ynskir at vita nærri um størvini, er tú vælkomin at seta teg í samband við økis- leiðaran Randarsól Kristiansdóttir, telefon 793601 ella teldupost ot@ot.fo Umsókn Skrivlig umsókn við avritum av prógvi v.m. skal verða okkum í hendi í seinasta lagi 07.04-2017. Umsóknin skal sendast til: Økistænastuna í Sandoyar Sýslu Miðgøta 8 Fo-210 Sandur ella á teldupost ot@ot.fo att: Randarsól Kristiansdóttir ØKISTÆNASTAN Í SANDOYAR SÝSLU SØKIR EFTIR SUMMARFRÍTÍÐAR- AVLOYSARUM Havnar Sjónleikarfelag Lýst verður til aðalfund felagsins, leygardagin 29. apríl kl 17.00 í Sjónleikarhúsinum Skrá sambært lógum felagsins Nevndin