mánadagur 27. mars 2017síða 22

Mánadagur 27. mars 2017 · Nr. 37 22 Sosialurin Hugskot og viðmerkingar – send sms til 225000 Hey Hallur, hvat er søgan handan keddu myndina frá tíðindafundinum? Eg fekk ongan spurning, eftir at hava siti í ein hálvan tíma og bíðað í frosti, men um tú hyggur eftir øðrum myndum, so var lagið ikki so galið, sum tað sær út. Ókey, men ert tú keddur nú, tá tað bleiv til málleysan javnleik? Heilt erligt, so haldi eg at ein javnleikur er undirvurderaður, tá vit hugsa um úrslitini hjá teimum á heimavølli. Umframt at vit fáa ein mann útvístan, men sjálvandi vildu vit vinna. Tú hevði ein møguleika seint í dystinum. Hvat hendi? Eg sá bóltin seint og náddi ikki at bestemma um eg skuldi skjóta ella stúta bóltin. Tí bleiv tað til eitt millumting, sum tað var einasta tað ikki mátta blíva. Tú skal nú aftur til AC Horsens, mem tú hevur also ikki vunnið í 11 dystir, hvat sker? Ja, eg má viðganga, at tað hevur verið trupul tíð í Horsens í seinastuni, men hartil skal sigast, at Horsens vann á AaB, men tá var eg ikki við. Tað ætli eg mær at broyta móti OB, og teimum havi eg skorað ímóti seinastu tvær ferðirnar. Hvat sigur tú, um tú verður biðin at koma á tíðindafund næstu ferð? Eg lovi at smílast, sjálvt um eg ikki fái nakran spurning, men eg eri altíð við upp á tað. Vikan ið fór Føroyska U17-landsliðið dreingjum skapar kanska størstu føroysku fótbóltssensatiónina nakrantíð, tá ið liðið vinnur 2-1 á Slovakia í seinasta dystinum í Elite Round kappingini á Kypros. Úrslitið hevur við sær, at føroysku dreingirnir spæla seg til EM-endaspælið í Kroatia í mai. Føroyska kvinnulandsliðið í fótbólti fer tvey pláss fram á styrkislistanum hjá FIFA. Føroyar eru nú nummar 72 á listanum, sum telur 115 lond. Gianluigi Buffon spælir sín dyst nummar 1.000 á hægsta støði, tá ið hann verjir málið hjá Italia í HM-undankappingardystinum móti Albania. Dysturin er samstundis hansara landsdystur nummar 168 fyri Italia. Lutakast hevur verið til fyrsta umfar í EM-undankappingini til EM 2018 hjá kvinnulandsliðum í hondbólti. Føroyar komu í bólk saman við Finnlandi og Grikkalandi, meðan Ísrael, Kosovo og Georgia endaðu í hinum bólkinum. Eitt lið kemur víðari úr hvørjum bólki, sum verður spældur í juni. 11 ára gamli Rói Hjaltason úr borðtennisfelagnum Tór úr Havn vinnur allar fýra aldursbólkarnar, tá ið FM fyri ung í borðtennis verður leikt í Trongisvági. Hann vinnur gull í piltum, smádreingjum, dreingjum og mansunglingum. Pál Joensen boðar frá, at hann verður ikki við føroyska svimjilandsliðnum, sum skal taka lut á Oyggjaleikunum í Gotlandi í summar. Orsøkin er, at kona Pál skal eiga um júst somu tíð, og tí hevur Føroya fremsti svimjari meldað avboð. Eyðvør Klakstein ger aftur vart við seg, tá ið spanska felag hennara Mislata vinnur 6-1 í næstbestu sponsku kappingini. Eyðvør skorar eitt av málunum hjá Mislata í stórsigrinum. ...við ítróttinum 5 SKJÓTIR Tað segði Kaj Leo í Bartalsstovu, føroyskur landsliðsleikari, um motivatiónina hjá føroysku leikarunum undan landsdystinum móti Andorra farna leygardag Tað søgdu Gilli Rólantsson og Jóan Símun Edmundsson, landsliðsleikarar, í Sportboxini á Rás 2 fríggjadagin, tá ið teir blivu spurdir, hvør landsliðsleikari kundi finna uppá at snýta til venjing – Vit kundu spælt á eini eplaveltu, men vit høvdu verið motiveraðir alíkavæl. – Atli Gregersen finnur onkran máta at snýta uppá. Atli hevur altíð onkra fidus, um hann er við at tapa til venjing. Fimm skjótir spurningar til føroysk ítróttarfólk... Navn: Hallur Hansson Aldur: 24 ár Starv: Fótbóltsspælari Royn tína vitan um ítróttin her og nú! Svarini standa niðast til vinstru, men royn teg nú fyrst 1 Føroyar og Andorra spældu 0-0 leygardagin. Hvør av føroysku leikarunum á vøllinum hevur spælt flestar dystir fyri Føroyar? 2 Føroyar og Andorra hava einaferð áður spælt málleysan javnleik í einum venjingardysti í Cadiz í Spania. Hvat ár var tað? 3 Hvussu eitur høvuðsstaðurin í Andorra? 4 Tríggir av leikarunum í føroysku byrjunar­ uppstillingini eru liðskiparar í sinum heimliga felagi – hvørjir eru teir tríggir? 5 Hvussu eitur nýggi málmansvenjarin hjá føroyska landsliðnum? 6 Ongland vann í gjár 2-0 á Litava í HM-undan­ kappingini. Hvør er enskur landsliðsvenjari? 7 Ein 34 ára gamal leikari spældi sín fyrsta landsdyst fyri Ongland í nærum fýra ár í gjár, og tað var hesin leikarin, sum legði Ongland á odda 1-0. Hvør er leikarin? 8 Hvat felag umboðar áðurnevndi leikari? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Jónas Tór Næs 2. 1999 3. Andorra La Vella 4. Atli Gregersen, Víkingur, Johan Troest Davidsen, HB og Viljormur Davidsen, Vejle BK 5. Emeka Andersen 6. Gareth Southgate 7. Jermain Defoe 8. Sunderland Hetta er søgan um fyrstu árini hjá tí, sum vit í dag kenna sum Nike, Sum flestu av stóru fyritøkunum í heiminum, so byrjar tað við ein­ um hugskoti og nøkrum fólkum, sum eru sinnaði at berjast fyri tí. Bókin byrjar í 60 unum, tá ein ungur Phil “Buck” Knight fær eitt hugskot um at selja Tiger skógv­ar úr Janpan í nærum­ hvørv­inum í Oregon USA. Við tíðini verður Blue Ribbon, sum fyritøkan eitur, trýst av japansku leverandørunum. So nógv at Buck og hansara menn í skundi gera ein egnan skógv, sum umvegis ein dreym fær navnið NIKE – eftir sigursgudinduni í griksku mytologini(??). Bókin er nakað langdrigin og kronologiskt bygt upp. Tú sleppur ikki við til Michael Jordan ella Tiger Woods, tí søgan endar, tá Nike í 1980 verður skrásett á børs­ ini Wall Street. Tað eru nógvir dystir, sum Buck og Blue Ribbon mugu vinna, fyri at halda lív í fyritøkuni og hugtakinum Nike. Hóast tað er langdrigið, so verður tú drigin við í bókini. Sum stórforbrúgari av ítróttarklæðum, so er søgan sjar­ merandi og gevandi. Onkrir feilir eru í bókini ella um­setingini. Millum annað kem­ ur bland í Michael Jordan og renn­aran Michael Johnson. Tað er óhepp­ið. Heldur ikki sleppur tú við til tann spennandi partin, tá Nike av álvara fær ferð á. Hetta er ikki søgan um Nike, men heldur mannin handan Nike. Les um tú: Ert týpan, ið veit hvussu feløg er stovnaði, hvar íðkarar koma frá og søgurnar handan ítróttaravrikini. Bókin er ikki full av “Name dropping” og røvara­søgum. Ikki lesa um: Tú væntar at sleppa afturum stór­heitstíðina hjá Nike og lesa um stóru stjørn­ urnar. Hvussu er hon at lesa: Væl skrivað, men við einstøkum vill­ um. Onkuntíð langdrigin, men samstundis gev­andi og drag­andi. Hvat sigur tú? Eg veit faktist ikki, tí eg dugi illa at seta orð á hvør tímur at lesa hana. Ímyndi mær at tað kem­ur meiri ann upp á týp­una enn aldurin. Vildi sagt, at tú skal verða ein royndur lesari við rími­liga stórum áhuga fyri ítrótti, íverk­setan ella søgu. FAKTA: Phil Knight er í dag 79 ára gamal og fleirfaldur milliarderur. Hann er ikki longur partur av dagliga rakstrinum í Nike, sum hevur yvirhálað Adidas í krígginum millum tvey bæði klædnamerkini ★★★★★★ UMMÆLI Tróndur Arge ummælir Phil Knight: Maðurin handan NIKE