hósdagur 30. mars 2017síða 7

FRÍGGJADAGUR 31. MARS 2017 SOSIALURIN 39 7 Sjúrður Skaale, fólkatingslimur fyri Javn­aðarflokkin, um vikuskiftið á sosialum miðlum og í lesarabrøvum legði Jan Lamhauge undir at hava manipulerað í seinnu sendingini um skattamálið og harvið skatt trúvirði hjá Kringvarpinum. Fólkatingslimurin ákærdi jour­nalistin fyri at hava klipt send­ingina saman soleiðis, at ein viðmerking, ið Súni Scwartz Jacob­ sen hevði havt til eina bóka­fram­ løgu á Hotel Hafnia, bleiv upp­ fat­að sum svar til eina útsøgn í send­ingini. Ágangurin um vikuskiftið førdi eisini við sær, at Kringsvarpsstýrið varð samlað í ótíð at viðgera mál­ið, og síðan hava bæði kring­varps­— stjórin, Dia Midjord, og Jan Lam­ hauge svarað ákærunum frá fólka­ tingsliminum. Eftir at hava verið í einum al­ mennum orðadrátti við fólka­ tings­limin er tað tó eitt, ið Jan Lam­hauge í dag undrast yvir. – Eg eri vísur í, at hann kendi myndirnar aftur beinanvegin. Sjúrður Skaale visti væl av, at vit vóru í Hafnia og filmaðu fram­ løguna. Eg hevði enntá tosað við hann sama dag um málið. Men tað, sum eg ikki skilji, er at um hann kendi seg snýttan, tá hann sá sendingina, hví ringdi hann so ikki til mín og spurdi meg um hetta. Hví var neyðugt at skriva fleiri lesarabrøv um tað, øsa alt upp og leggja trýst á leiðsluna, spyr Jan Lamhauge. Hava eina skyldu Ein afturvendandi kritikkur, ið hevur verið hoyrt um Jan Lam­ hauge, og serliga sendingar, ið við­gera Eik banka, hevur verið, at hann einans er ein ørindadrongur hjá eina partinum. Tað er tó ein kri­tikkur, ið Jan Lamhauge hevur ringt við at skilja. – Fólk kunnu siga tað, tey halda, men tað er ikki rætt. Øll kunnu fara inn á KVF og hyggja eftir teimum fyrstu innsløgunum í Skatta­ málinum. Tey eru als ikki kritisk mótvegis Eik ella nøkrum øðrum, men fingu allir partar høvi at siga sína hugsan, greiðir Jan Lamhauge frá. Hann leggur tó dent á, at hann sum journalistur hevur eina skyldu at fyrihalda seg kritiskt til evnir, og tað gjørdi hann eisini, tá ymiskir fatanir vóru um málið. – Um tveir menn skeldast um veggirnir eru hvítir ella svartir í einum rúmi, so er tað ikki nokk bara at greiða frá, hvat teir halda. Tá er tað uppgávan hjá journalistunum at finna út av, hvønn lit veggirnar hava, sigur Jan Lamhauge og legg­ ur afturat. – Um Súni Scwartz Jacobsen og Jørn Astrup Hansen eru ósamdir um frádráttin, so er tað uppgávan hjá journalistinum at hyggja, hvat stendur í roknskapinum. Hann skal ikki bara halda mikrofonini, men kanna, hvat veruleikin er. Bara í hesum málinum havi eg tosað við ein hóp av fólki, lisið óteljandi nógv skjøl og gjørt mítt egna kanningararbeiði. Eg renni ikki ørindi fyri onnur, slær Jan Lam­hauge fast. Fullan stuðul Tá tað til tíðir kann leika so hart á ein einstakan journalist, og trýst verður leikt á hann og onnur frá øllum hugsandi síðum, er tað týdn­ ingarmikið, at journalisturin kann líta á, at tey yvir honum stuðla hon­um. Hjá journalistinum Jan Lam­ hauge er her talan um Liljuna Weihe, leiðara fyri tíðindadeildina, og Dia Midjord, stjóra í Kring­varp­ inum, og hjá honum er einki ivamál um, at hann hevur teirra stuðul. – Vit hava fingið øgiligar nógvar ákoyringar yvir okkum og hava verið í rættinum saman. Vit hava verið dømd og fríkend saman. Vit hava gjørt einar trettan sendingar saman. So tað havi eg, annars hevði eg ikki hildið á við tí arbeiðinum, ið eg geri, sigur Jan Lamhauge. Hóast hetta, so vakti tað tó ans um vikuskiftið, tá Øssur Winth­ ereig og Brynhild Thomsen, mill­um royndastu journalistar í Kringvarpinum, funnust at arbeiðsháttinum í samband við Skatta­málið. Spurdur um, hvussu tað kendist, tá tveir av hansara egnu funnust at honum, er Jan Lamhauge fá­orð­ aður. – Eg havi onga viðmerking ann­ að enn, at tey eru tveir dugnaligir journalistar, sigur Jan Lamhauge. Tóku táttin uppaftur Tað var annars einki, ið talaði fyri, at Jan Lamhauge fór at gerast kendur fyri at gera dokumentarsendingar, tá hann byrjaði sum journalistur á tíðindadeildini hjá Kringvarpinum í september 2011. Tá var tað nevniliga einans dokumentardeildin, ið framleiddi longri sendingar, men býtið var ikki heilt nøktandi, metti Jan Lamhauge og onnur á tíðindadeildini. – Dokumentardeildin fram­ leiddi ikki aktuellar sendingar, men sendingar sum Fólksins rødd, siðsøguligar sendingar og vanga­ myndir av ymiskum per­sónum, meðan tíðindadeildin ongar longri sendingar framleiddi. Tað var eitt ynski at gera fleiri aktuellar sendingar, tí einki serligt var gjørt av slíkum sendingum, síðan Høgna Hoydal gjørdi bankasendingarnar, sigur Jan Lamhauge. Fyrsta royndin at gera eina longri dokumentarsending við ein­um aktuellum evni var Brand­ fell­urnar, men tað var ikki fyrr enn eftir sendingina um Skála­ fjarðartunnilin, at tíðindadeildin av álvara setti sær fyri at gera fleiri sendingar, ið viðgjørdu størri evnir. – Sjálv sendingin varð gjørd Framhald á næstu síðu Jan Lamhauge Útbúgving: Bachelorur og kandidatur í stjórnmálafrøði frá Fróðskaparsetur Før­oya og bachelorur í religións­ vísund frá lærda háskúlanum í Keypmannahavn Aldur: 40 ár
 Starv: Journalistur í Kringvarpinum síðan 2011 Vit ynskja at gera hyggjaran klókari. Tað er avmarkað, hvussu nógv hyggjarin verður upplýstur við 3-4 minuttum innsløgum« – Tá kann eg lata vera við at fara á Facebook ein dag. Ikki tí, at eg ikki vil síggja kritikkin, men tí eg heldur ynski at halda frí, og vera saman við damuni og dóttrini Mynd: Álvur Haraldsen