hósdagur 30. mars 2017síða 21

FRÍGGJADAGUR 31. MARS 2017 SOSIALURIN 39 21 21 Hví verður smoltið, sum er klárt at seta í ringarnar, ikki boði út á almennum uppboði? Ella hví verður laksurin, sum er klárur at taka, ikki bjóðaður út á eini al­ menn­ari uppboðssølu? – Hvør sigur, at tað ikki er onkur, sum dugir betri at ala laks enn tey á Bakkafrost, Hiddenfjord og Marine Harvest? – Tað er mótstríðandi at eitt alivirki kann eiga helvtina av allari aling í Føroyum, men tá ið tað kemur til fiskivinnuna, kann ongin eiga meiri enn 12 prosent, heldur stjórin á uppsjóvarvirkinum á Tvøroyri. – Tað er eisini mótstríðandi, at samstundis sum at semja er um, at vit hava ov nógv fiskiskip, verður arbeitt við eini skipan, har úrslitið verður, at vit fáa enn fleiri skip í flotan, leggur hann afturat. Hinvegin heldur hann, at er veru­liga endamálið at spjaða fiski­ vinnuna á fleiri hendur, er tað ein erlig sak. – Men fyri samfelagið er tað ikki tað besta, leggur hann afturat. Stór óvissa Bogi Jacobsen vísir eisini á, at tað er ongin sum veit, hvussu stórar okkara kvotur av uppsjóvarfiski verða í framtíðini. Hann vísir á, at næsta ár skal nýggj avtala gerast um makrelin. Og hann heldur eisini, at tað er mótstríðandi, at samstundis sum at eitt endamál hjá landsstýrinum við fiskivinnunýskipanini, er, at vit skulu fylgja lívfrøðiligum tilmælum, hava vit ásett okkum sjálvum kvotur av sild og svart­ kjafti, sum eru fleiri ferðir størri enn tey lívfrøðiligur tilmælini. – Tí er tað ongin ið veit, hvussu stórar okkara kvotur av upp­sjóvarfiski vera framyvir, sigur Bogi Jacobsen, men hann staðfestir, at tað er heilt ósannlíkt, at tær framhaldandi fara at verða líka stórar, sum tær eru nú. Í hesum sambandi vísti Magni Arge, fólkatingslimur á, at í sambandi við ætlanina hjá Bret­ landi at fara úr ES, hev­ur hann nýliga verið við eini sendinevnd hjá Fólkatinginum í Brússell. Hann staðfestir, at tá ið Bret­ land fer úr ES, fara tey eisini at gera krav upp á sín part av fiski­ kvot­unum. – Ongin hevur hugflog at hugsa sær til, hvat úrslitið av tí verð­ur, men embætisfólk í ES søgdu, at tey vænta rætt og slætt, at tað verður kríggj um kvoturnar, segði føroyski fólkatingsmaðurin frá fundinum í Brússell. Eisini úrslitið av tí, kann fáa stóra ávirkan á okkara kvotur av uppsjóvarfiski, varð staðfest á flokstinginum hjá Tjóðveldi. – Fyrr ella seinni skal ein semja gerast ímillum londini um tær ymsu uppsjóvarkvoturnar og tað er ongin sum veit, hvat føroyski parturin verður. Men tað er reiðiliga vist, at framyvir fara okkara kvotur av uppsjóvarfiski ikki at vera líka stórar, sum tær eru nú, segði Bogi Jacobsen. Tískil er tað heldur ongin sum veit, hvussu tað fer at ávirka reiðararnar, sum eru, at ætlanin er at seta mark fyri, hvussu nógv fiskirættindi, hvør av teimum fær rætt til. Vit skulu ikki drepa hvønn annan í kapping Vit í Føroyum skulu gevast at kappast ímóti hvørjum øðrum, tí vit standa øll eftir sum taparar, sigur Bogi Jacobsen, stjóri í Varðanum Pelagic á Tvøroyri ÁKI BERTHOLDSEN – Vit í Førouyum skulu avgjørt ikki kappast ímóti hvørjum øðrum. Tað var greiði boðskapurin hjá Boga Jacobsen, stjóranum á Varðanum Pelagic á Tvøroyri, tá ið hann var gestarøðari á floks­ tinginum hjá Tjóðveldi. Hann staðfestir, at tað ein­ asta, sum hevur týdning fyri okk­um sum samfelag, er at vit fáa so nógv sum gjørligt burtur úr hvørjum kilo, vit draga úr sjó­num. Og tað fáa vit ikki við at kappast ímóti hvørjum øðrum, tí tað einasta, vit fáa burtur úr tí, er, at vit standa øll eftir sum taparar og tann einasti, sum vinnur, er útlendski keyparin. Hjá mongum er kapping annars loysunarorðið fyri øllum framburði, men tað manar Bogi Jacobsen í jørðina, í hvussu so er í hesum føri. – Hugsa vit okkum at ein útlendskur keypari kemur til Føroya at keypa fisk, kann hann ferðast frá virki til virki, sum øll undirbjóða hvørt annað, nevndi hann sum eitt dømi Og tá ið keyparin so er farin av landinum við fiskinum, ganga allir føroysku framleiðararnir við gron. Teir flestu ganga við gron tí at teir ikki fingu ordran, og tann, ið fekk ordran, gongur við gron tí at hann varð noyddur at selja ov bíliga fyri at sleppa av við fiskin. Samstarva heldur enn at kappast Bogi Jacobsen staðfesti, at tey á Varðanum Pelagic taka ikki hini uppsjóvarvirkini í Føroyum sum kappingarneytar. – Tað er ikki tað besta fyri samfelagið, at vit pilka eyg­ uni úr hvørjum øðrum í eini kapping, tí tað er á altjóða mark­ naðinum, vit skulu kappast, ikki innanhýsis í Føroyum, stað­ festir hann. Ístaðin fyri at kappast ímóti hvørjum øðrum, skulu vit samstarva fyri at trýsta prísin upp. Og ein máti at gera tað upp á, er at vit eru púra opin fyri hvørjum øðrum um prísirnar. Hann heldur eisini, at hetta hevði fingið virkini at ómaka sær at fingið sum mest burtur úr fiskinum og tað hevði eisini ávirkað avreiðingarprísin. – Eg eri púra vísur í, at tað er onki virkið ið vil standa eftir sum tað, ið rindar skipunum tann vánaligasta avreiðingarprísin, helt Bogi Jacobsen fyri. »Onki virkið ið vil standa eftir sum tað, ið rindar skip­unum tann vána­ ligasta av­ reið­ingar­ prísin« NØKUR FÁ FØROYUM Høgni Hoydal, landsstýrismaður í fiskivinnumálum, vinstrumegin, í eldhugaðum kjaki við Boga Jacobsen, stjóra á Varðanum Pelagic á Tvøroyri, um ætlaðu fiskivinnunýskipanina