mánadagur 3. apríl 2017síða 22

Mánadagur 3. apríl 2017 · Nr. 40 22 Sosialurin Hugskot og viðmerkingar – send sms til 225000 Tú skorar sjey mál í dystinum í gjár. Hevur tú nakrantíð roynt nakað líknandi? – Nei, tað havi eg ikki. Eg havi ongantíð áður gjørt meiri enn eitt hattrick. Men tað var nú heldur ikki nakað serligt í gjár, tí tað var lutfalsliga lætt at skora, men sjálvandi gevur tað altíð sjálvsálit at skjóta mál. Nú hevur tú eitt miðal uppá gott og væl tvey mál fyri hvønn dyst. Fer tað miðaltalið at halda alt kappingarárið? – Nei, tað vænti eg ikki, men um vit skapa nógvar møguleikar, so kann eg møguliga hava eitt gott miðaltal. Í einum slíkum dysti sum í gjár, blíva spælarar so meiri sjálvsøknir í sínum spæli ella hugsar man framvegis um liðið? – Eg haldi ikki, at vit blivu sjálvsøknir yvirhøvur í gjár. Tað vóru nógvir ymiskir leikarar, sum skoraðu, og sjálvt um eg vanliga skjóti brotsspørk, so slapp til dømis málverjin hjá okkumm, Teitur, at skjóta í gjár. Hvussu ert tú annars fallin til í Føroyum? – Eg eri fallin væl til. Eg eri við at koma inn í ein vanligan gerandisdag, men eg kundi sjálvandi væl hugsað mær eitt ella annað slag av arbeiði, tí dagarnir eru langir. Hvussu metir tú styrkina hjá liði tínum, HB, í mun til danskan fótbólt? – Eg vil siga, at tað fyrst og fremst er stórur munur á føroyskum og donskum fótbólti. Her er spælið meiri kropsligt og kontant, meðan tað í Danmark er meiri tekniskt og taktiskt. Tey bestu liðini her svara til umleið niðaru hálvu í næstbestu deildini í Danmark ella toppin í triðbestu deildini. Men enn kenni eg sjálvandi føroysku liðini ikki so væl, tí eg havi ikki spælt móti teimum enn. Vikan ið fór Kyndil missir eitt stórt fet í royndini at røkka FM-finalunum í FTZ-kappingini, tá ið teir tapa 27-16 fyri oddaliðnum H71. Bara seks tímar undan avgerandi undankappingardysti móti Bolivia fær stjørnuliðskiparin hjá Argentina, Lionel Messi, boð um, at hann hevur fingið leikbann í fýra dystir fyri atburð sín í dysti móti Kili fáar dagar frammanundan. Marna Egholm og Jan Elmar Sørensen gerast føroyameistarar, tá ið Roysnið skipar fyri FM í 10 kilometra landavegsrenning. Eftir tvey stórtap í fyrstu umførunum tekur felagsliðið B71/AB seg úr bestu kvinnukappingini í fótbólti. Nýggja 5-mannafarið hjá Havnar Róðrarfelag, Ingibjørg, verður flotað. Neistin boðar frá, at felagið hevur gjørt sáttmála við danska venjaran Jeppe Borch um at taka sær av besta mansliðnum hjá felagnum komandi kappingarár. Jeppe Borch hevur seinastu tvey árini vant KÍF. Bogi Berg úr Havn vinnur bronsuheiðursmerki til DM í amboðsfimleiki. Tað er í kappingini á góvlinum, at Bogi Berg við einum karakteri á 12,600 stig vinnur bronsu. Stutt var upp til silvurheiðursmerki, tí munurin var bara 0,100 stig, sum svarar til eitt lítið fet í eini lending. Bogi Berg venur í Aalborg og luttók í kappingini fyri felagið GymAalborg. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Daniel ”Elly” Pedersen Aldur: 28 ár Starv: Fótbóltsspælari Royn tína vitan um ítróttin her og nú! Svarini standa niðast til vinstru, men royn teg nú fyrst 1 Í einum hondbóltsdysti seinasta sunnudag verður eitt sonevnt ”spøkilsismál” góðkent. Hvat lið fær ”spøkilsismálið” góðkent? 2 Hvør var leikarin, sum sambært dómaraseðlinum skoraði ”spøkilsismálið”? 3 Formaðurin í Aganevndini hjá HSF sigur í viðtalu við 3-2, at hann ikki veit um nakað líknandi mál áður. Hvør er formaðurin í Aganevndini? 4 Manchester United hevur júst selt ein av sínum leikarum til amerikanska felagið Chicago Fire – hvør er leikarin? 5 Komandi dagarnar skal føroyska kvinnulandsliðið í fótbólti spæla undankapping í Føroyum. Hvør er venjari hjá kvinnulandsliðnum? 6 Hvør leikari hevur spælt flestar dystir á føroyska kvinnulandsliðnum í fótbólti?num, sum spælir 1-1. Hvat felag spælir Gilli fyri? 7 Norska fótbóltskappingin fer av bakkastokki, og føroyski landsliðsleikarin Gilli Rólantsson leggur upp til málið hjá felagi sínum, sum spælir 1-1. Hvat felag spælir Gilli fyri? 8 Gilli Rólantsson bleiv seldur til norska felagið frá AaB í Danmark. Men úr hvørjum felag í Føroyum skifti Gilli Rólantsson til AaB frá? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Neistin 2. Rói Berg Hansen 3. Jens Andrias Vinther 4. Bastian Schweinsteiger 5. Pætur Smith Clementsen 6. Rannvá Andreasen 7. Brann 8. B36 Hetta er ein dokumentarur um tjúgu ár av politiskum stríðið um franska landsliðið. Frá EM 1996 til HM 2016. Franska landsliðið hevur hetta tíðarskeiðið bæði nátt tindunum við HM og EM sigri, men eisini botninum, tá liðið í HM 2002 og 2010 floppar nakað so dyggiliga á vøllinum, men eisini handan leiktjøldini. Mitt í 90 unum er franska landsliðið nógv merkt av, at spælarar hava røtur úr hjálondum hjá Fraklandi. Kendastur er Zinedine Zidane. Foreldrini koma úr Algeria. Heima í Fraklandi er Le Pen familjan í holt við at vinna fram á politiska pallinum. Í 1998 vinnur Frakland HM og tvey ár seinni EM. Hesi árini verður nógv tosað um týdningin franska landsliðið hevur fyri tjóðina. Seinni kemur eitt keðiligt tíðarskeið, áðrenn tað aftur blívur betri undan EM á heimavølli. Tað verður tosað við nógv viðkomandi fólk í dokumentarinum, sum er á fronskum. Hevur tú danskt Netflix, so er danskur tekstur undir. Dugur tú ikki franskt, so mást tú fylgja væl við, men tí løtum er tað eitt sindur avbjóðandi, tí undirteksturin hoppar upp og niður, tá fólk verða presenteraði. Frakland hevur eina um­ strídda fótbóltssøgu. Tað kemur væl til sjóndar í doku­ mentarinum. Fyri meg, sum minnist HM 1998 sum í gjár, so er dokumentarurin sera viðkomandi, tí tú kennir allar persónarnar og avbjóðingarnar aftur. Hygg um: Tú hevur miðal stóran áhuga fyri fótbólti. Kanska meiri relevent, um tú minnst HM 1998 Ikki hyggja um: Tú ikki veist hvør Zinedine Zidane er Hvussu er at hyggja: Tað hendir nógv og dokumentarurin er deildur upp í tíðarskeið, so tú kanst eisini taka ein part á gangin Hvat sigur tú: Eg haldi tað er ein fyrimunur at tú minnist HM 98, og at tú klárar nøkunlunda at navna teir, sum byrjaðu inni tá. Avgjørt vert at hyggja eftir, men kanska ikki til tey heilt ungu Fakta: Dokumentarurin er at finna á Netflix. ★★★★★★ UMMÆLI Dokumentarurin: Ein søga um Frakland 1996-2016 Tróndur Arge ummælir