mánadagur 3. apríl 2017síða 38

VIKA 14 • 3. APRÍL 2017 14 ÓKEYPIS LÝSINGARBLAÐ TEMA: VESTMANNA Tað vera nógv tons av ymiskum plasti og pakkitilfar koyrd út kring alt landið við lastbilinum hjá Vestpack, sum Steingrím Vang hevur koyrt í mong ár Vestpack hugsar um umhvørvið T að gongur væl hjá Vestpack í Vestmanna. Felagið hevur nógv ár á baki, og serliga seinastu 8-10 árini hevur felagið havt eina jaliga gongd. Tíðliga í ár fekk Vestpack nýggjan stjóra, tá ið skopuningurin Thomas B. Thomsen tók við stjórastarvinum. Thomas er ikki ókendur á Vestpack, tí hann hev­ur starvast í fyritøkuni í samfull 19 ár, so hann fyritøkuna og vinnuna út og inn. Úrvalið er nógv broytt – Eg byrjaði við at selja annað enn framleiðslu­ lutir, men spakuliga fór eg eisini at selja bæði etikettir og plast. Eg havi í tveimum umførum eisini verið framleiðsluleiðari, men fyri tað mesta havi eg verið í sølupartinum, og hóast eg havi verið framleiðsluleiðari, so havi ongantíð verið heilt leysur av sølupartinum, greiðir Thom­ as B. Thomsen frá. Hann sigur, at tá ið tað snýr seg um broyt­ ingar hesi 19 árini, ið hann hevur starvast í fyri­ tøkuni, so hava tær ikki verið so øgiliga ógvus­ ligar. – Sjálv produktini eru ikki so nógv broytt, men hinvegin er úrvalið blivið nógv størri, og sjálvandi er sjálv framleiðslan rættiliga nógv auto­matiserað, sigur hann. Heimamarknaðurin er tann berandi parturin Tað er eingin loyna, at Vestpack fyrst og fremst selur til viðskiftafólk í Føroyum. Útflutningurin er millum 20 og 25 prosent av samlaðu søl­ uni hjá Vestpack, so heimamarknaðurin er tann berandi parturin hjá fyritøkuni, um enn út­ flutningurin sjálvandi eisini hevur stóran týdn­ ing. – Vit hava nokk øll føroysku skipini sum kundar, men tey skulu ikki bara velja okkum, tí at vit eru føroyingar. Vit vilja vera kappingarfør, og so vilja vit eisini veita eina góða tænastu. Eisini liva vit nógv uppá, at góðskan er eitt eyðkenni hjá okkum. Tað sigur seg sjálvt, at vit hava ein fyrimun í mun til eitt nú føroysku skipini, at vit kunnu levera vøruna við heilt stuttum skotbrá, og tað hava útlendskir veitarar ikki møguleika fyri, sigur Thomas B. Thomsen. Stjórin í Vestpack dylur ikki fyri, at serliga pelagiska vinnan hevur munað sera væl hjá Vestpack, síðani hon av álvara tók seg upp. – Tað er rættiliga nógv pakkitilfar, sum vit selja til pelagisku vinnuna. Tað er so øgiliga stór­ ar nøgdir, sum tann vinnan brúkar, sigur hann. Hann greiðir frá, at bróðurparturin av tí, sum Vestpack útflytir, verður selt til laksavinnuna í Noreg, men nakað verður eisini selt til Íslands. – Men útflutningurin er ein støðugt vaksandi partur hjá okkum, sigur Thomas B. Thomsen. Umhvørvið í fremstu røð Tá ið man hugsar um plastframleiðslu, so eru tað beinan vegin mong, sum hugsa, at tað er ógvuliga dálkandi fyri umhvørvið. Tað hevur tað eisini verið, men hjá Vestpack eru tey ógvuliga tilvitað um hendan partin, og tey optimera alla sína framleiðslu í mun til umhvørvið. – Soleiðis sum lógir og reglugerðir eru í dag, so er okkara framleiðsla so umhvørvisvinarliga, sum hon yvirhøvur kann vera. Vit arbeiða eisini í løtuni við at fáa eina umhvørvisgóðkenning, sigur stjórin á Vestpack. Hann heldur samstundis, at spurningurin um dálking og umhvørvi fyrst og fremst er ein hug­ burðsspurningur. – Umhvørvisspurningurin er fyrst og fremst ein spurningur um hugburð hjá fólk, og eg haldi sjálvur, at tað gongur rætta vegin. Tú sær heldur ikki í dag, at plastposar liggja og flóta úti í náttúruni. Teir verða brúktir til ruskposkar undir køksvaskinum, og síðani verður teir brendir við húsarhaldsburturkastinum, og tað er í løtuni, sæð við umhvørvisbrillum, tann besta loysnin, sigur Thomas B. Thomsen. Trúføst starvsfólk Í dag starvast eini 22 til 23 fólk hjá Vestpack í Vestmanna, og talan er um rættiliga trúføst starvsfólk sambært stjóranum. – Her eru nógv fólk, sum hava verið rættiliga leingi. Meirilutin av teimum eru vestmenningar, men nøkur eru eisini aðrastaðnis frá sum til dømis eg sjálvur, sigur Thomas B. Thomsen. Tað er eingin loyna, at Vestpack í nógv ár hevur verið eitt tað mest støðuga arbeiðsplássið í Vestmanna, og tí hevur fyritøkan eisini stóran týdning fyri bygdina. – Framleiðslan hjá okkum koyrir vanliga frá 8 til 16, og av starvsfólkahópinum hjá okkum eru tað okkurt um helvtin, ið arbeiða í sjálvari fram­leiðsluni, sigur Thomas B. Thomsen, stjóri. Hjá plastframleiðaranum Vestpack í Vestmanna eru tey ógvuliga tilvitað um umhvørvið, og tí royna tey altíð at optimera framleiðsluna í mun til umhvørvi sambært nýggja stjóranum í felagnum