hósdagur 6. apríl 2017síða 11

FRÍGGJADAGUR 7. APRÍL 2017 SOSIALURIN 42 11 borgara í landinum. Tað er ikki løgið, at Terje Sigurðs­son, deild­ arleiðari í Kappingar­eftir­lit­inum, kallar tað fyri eitt slag av skatti, sum hesar fyritøkurnar krevja. Ymiskt er, hvussu fyritøkurnar hava tikið niðurstøðurnar frá Kappingareftirlitinum til sín. Tað vil siga, allar avvísa atfinn­ingarnar beinan vegin, og venda kanón­ ini móti Kappingar­eftir­litinum. Kortini valdi BankNor­dik beinan­ vegin at lækka umsitingargjaldið á realkredittlánunum við 0,2 prosentum. Gamaní, bankin segði ongantíð, at kanningin hjá Kapp­ ingar­eftirlitinum var orsøkin til, at gjaldið varð lækkað. Herd kapping á økinum, segði bankin. Fjarhitafelagið er eisini ósamt við niðurstøðunum frá Kapp­ingar­ eftirlitinum, men hevur kortini boðað frá, at prísurin longu er lækk­aður nógv, samanborið við prísir­nar, sum Kappingareftirlitið brúkar, og at væntandi fer prísurin at lækka enn meiri. Oljufeløgini standa tó fast. Tey boyggja seg ikki fyri at­finn­ ingunum frá Fjarhita­felagnum. – Magn kann til fulnar skjal­ prógva sítt kappingarføri og fe­ lagið ger sær ikki dælt av síni duo­ pol­støðu, sigur Hendrik Eg­holm, stjóri í Magn. Hava tørv á eftirlitið Júst hetta, at fyritøkurnar velja at lækka prísirnar eftir at Kappingar­ eftirlitið hevur gjørt vart við, at teir tykjast ov høgir, vísir, hvussu týdningarmikið eitt virkið og vakið Kappingareftirlit er. Tað er júst fyri at verja borgaran móti, at stórar, nærum einaráðandi fyri­ tøkur, gera sær dælt av síni støðu á marknaðinum og seta prísin óneyðuga høgt. Kappingareftirlitið má kortini eisini taka í egnan barm. Í øllum trimum førunum sum vit viðgera á komandi síðunum, verður Kapp­ ingareftirlitið ákært fyri at gera skeivar samanberingar og skeivar útrokningar. Hend­rik Egholm, stjóri á Magn, sigur, at hann hevur biðið Kappingar­eftir­litið um at vísa sær frymlarnar, sum eftirlitið hevur nýtt sum grund­arlag undir sínum útrokn­ing­um. Hann hevur tó ongan frymil sæð, nú skjótt eitt ár er liðið. Kappingareftirlitið eigur sjálv­ andi at tryggja sær, at sam­an­ beringarnar og útrokning­arnar eru haldbarar, samstundis sum, at eftirlitið eigur sannførandi at kunna grundgeva fyri, hví júst hesar útroknigar verða gjørdar, hví júst hesir prísir eru nýttir sum grundarlag og hví samanborið verður við júst hesi londini, serliga um tað víkir frá tí, sum vanligt er. Kappingareftirlitið má styrkjast Tað er gleðiligt at síggja, at sjálvt vinnan er fegin um Kapp­ingar­ eftirlitið, hóast alt. Ilt er tó at vera ósamdur, serliga tá mótpartarnir, Hendrik Egholm og Terje Sigurðs­ son, eru samdir, um at eftirlitið hevur tørv á størri játtan. Gamaní eru grundgevingarnar ymiskar. Terje Sigurðsson ynskir fleiri fólk, so at Kappingareftirlitið kann gera fleiri frágreiðingar, meðan Hendrik Egholm vónar, at ein størri játtan fer at føra til betri frágreiðingar. Brúkararnir siga væntandi ja takk til bæði fleiri og betri kanningar. Ilt er at siga, júst hvør hevur rætt, Kappingareftirlitið, sum sigur at føroysk húski rinda tús­und­vís av krónum ov nógv árliga, ella fyritøkurnar, sum siga at talgrundarlagið hjá Kapp­ ingareftirlitinum ikki er eftir­far­ andi. Ofta liggur sannleikin onku­ staðni mitt ímillum. Vinnarin er tó hvørki Kapp­ ingar­eftirlitið ella fyritøkurnar, men brúkarin av tænastunum. Kappingareftirlitið veitir eina trygd fyri, at fyritøkurnar ikki gera sær dælt av sínum einaráðandi støð­um á marknaðinum. BankNordik lækkaði gjaldið, Fjar­ hita­felagið lækkar prísin, olju­ feløgini lækkaðu prísin í 2004. Hetta er peningur, sum kemur væl við hjá flestu húskjum í Før­oyum. Talan er jú um fleiri túsund krónur árliga fyri hvørja kanning, sum Kappingareftirlitið ger. Vónandi heldur Kappingar­ eftir­litið á við at halda í oyruni á føroysku fyritøkunum, okkum øllum til frama. DANJAL@SOSIALURIN.FO