mánadagur 10. apríl 2017síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. apríl 2017 · Nr. 43 Barbara Holm Sviar fingu fríggjadagin ein ord­ans frammaná, tá ið ein mað­ur koyrdi ein lastbil om­an eftir Drottninggata í Stock­holm og drap fýra fólk og løstaði 15. Sum vera man sita sviar í dag við sera blandaðum kensl­um. Meðan summi eru í sorg eru onnur ill, og meðan ótt­in ger seg galdandi hjá summ­um, so var kærleikin í há­sæti sunnudagin, tá ið tíggju­tús­undtals fólk savn­ að­ust á einum torgi mitt í bý­num fyri at standa saman um tað, sum skelkaði tjóðina. Inna Tornroos hevur búð í Stockholm síðani í 1993. Og eins og flest allir sviar hevur Inna havt eina ørgrynnu av kenslum rundan um tað sum hendi, síðani álopið fríggja­ dag­in. – Eg gjørdist fyrst av øll­ um bangin. Tí man veit jú ikki, hvat hendir aftaná eitt slíkt álop, greiðir Inna Torn­ ross frá. Vreiðin ger seg galdandi Inna og maður hennara eiga børn í skúlaaldri. Og nú ótt­ in fyri hendingini hevur lagt seg, er Inna ill. Tí ein teirra, sum doyði í álopinum fríggja­dagin, var ein 11 ára gom­ul genta, sum skuldi hitta mammu sína eftir lokn­ an skúladag. – Eg blívi so ræðuliga ill inn á, at eitt menniskja kann finna upp á at trumla fólk nið­ur. Og at ein lítil genta skuldi doyggja áveg heim frá skúla, sigur Inna Tornross. Hon kann sjálvandi ikki lata vera við at hugsa um síni egnu børn, og kenslan sum mamma verður av álvara akti­vera, tá ið slíkt kann henda á einum so almennum stað sum Drottninggata er. – Hatta er staðið man møt­ist við fólki. Tá ið før­oy­ ing­ar vitja í Stockholm, so er tað har eg hitti teir, sig­ur Inna fyri at vísa á, hvussu Drottn­inggata í veru­leik­ an­um er eitt sentr­um fyri Stockholm. Farin til arbeiðis Meðan Inna hendan mána­ dag er farin til arbeiðis, so eru tey summi, sum ikki megna at fara aftur til dags­ ins verk. Inni í býnum, nærhendis Drottninggata eru boðini, at starvsfólk eru sera merkt av hend­ingini og tí hava trupult við at fara til arbeiðis. Og kring Stockholm snýr prátið seg at kalla einans um hend­ ing­ina fríggjadagin. – Eg hitti eina kvinnu, sum hevði sæð hendan mann­in í lastbilinum. Hon hevði varnast hann, tí hann koyrdi so løgið. Hon fór at gráta tá eg tosaði við hana, tí hon kennir seg samseka, tí hon ikki varnaðist, at har var ikki alt sum tað skuldi. Hon klár­aði til dømis ikki at fara til arbeiðis í morgun, sigur Inna og vísir á, at mong eru bein­leiðis ávirkað av tí, sum hendi. – Reaktiónirnar eru sera ym­isk­ar, og í dag er sam­fe­ lag­ið farið í gongd aftur. Fólk eru farin til arbeiðis, meðan skúl­ar­nir hava páskafrí. Men tað er vist, at hetta hevur ávirk­að fólkið sera nógv, sig­ ur Inna Tornroos. Maðurin varð útvístur Um vikuskiftið kom fram, at 39 ára gamli maðurin úr Usbekistan, sum er und­ir illgruna fyri at hava framt álopið, varð útvístur úr Svøríki í 2016. Tá fekk hann fýra vikur at fara úr land­in­ um, og í ár varð hann síð­ani eft­irlýstur av løg­regl­uni, tí hann ikki var farin enn. – Løgreglan hevur upp­ lýst, at tað eru fleiri túsund fólk í Svøríki, sum ikki hava uppi­haldsloyvi. Tað fær av álv­ara sett fokus á, hvussu álv­ar­som støðan er, sigur Inna Tornross. Hesi tíðindini fáa eisini svi­ar at rakna við og finnast at tí skipan, sum eftir øllum at døma ikki riggar. – Tað fyllir nakað og tað tyk­ist púra vónleyst at fáa fat­ur á 10.000 fólkum, sum goyma seg. Hvussu skalt tú finna tey øll, spyr Inna Torn­ roos. Í svensku miðlunum er hetta sum vera man tann søg­an, sum verður gravað í og tað nýggjasta er, at mað­ ur­in skal hava sagt seg vera fegn­an um tað, sum hann gjørdi fríggjadagin. – Tá kemur vreiðan aftur fram hjá fólki. Eg vóni ikki tað passar, sigur Inna og vísir á, at tað eisini eru góð ting, sum henda í Stockholm í kjal­ar­vørrinum av álopinum. – Tað var fantastiskt at síggja tey mongu fólkini, sum savnaðust í gjár í navn­ ið kærleikans. Tí tað er eisini nak­að man má taka við í hes­um. Sviar standa saman í dag, sigur Inna Tornroos at enda. barbara@sosialurin.fo ÁLOP Á STOCKHOLM Føroyingur í Stockholm – Í DAG ERU VIT ILL – Fyrsta kenslan var ótti fyri, hvat nú fór at henda. Síðani kom sorgin sníkjandi, men í dag eri eg ill, sigur Inna Tornroos, føroyingur í Stockholm