mánadagur 10. apríl 2017síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. apríl 2017 · Nr. 43 UNDIR FÝRA EYGUM Hvat land kundi tú hugsað tær at vitja? – Eg ferðist hvørt ár, og eg fari eftir mentanar­ upplivingum. Eg havi leingi hugsað um at uppliva Manhattan í New York og at ferðast tvørtur um USA. Vit eru ikki komin til tað enn, men tað verður einaferð.. Hvør er tín yndislutur? – Eg knýti meg ikki serliga nógv til lutir, men persónlig ting – til dømis ein tekning hjá dóttrini – knýti eg meg at og hava týdning fyri meg. Eg havi ein tekning hjá dóttrini standandi á skriviborðinum hjá mær. ur sagt okkurt við børn­ini í skúlanum, ella at kon­an hevur fingið onkra við­merk­ ing. Tað er helst ein partur av at vera almennur persónur, og hóast mær ikki dámar tann partin, er tað ikki nak­ að, sum eg flýggi undan, sigur Ewald Kjølbro. Trúvirði og álit Tá ið Ewald Kjølbro verður spurdur um, hvørjar aktu­ellu avbjóðingarnar hjá Lands­ verki eru, vísir hann á um­ dømið hjá stovninum. – Tað er týdningarmikið fyri okkum at varðveita trú­virðið og álitið. Stórt fokus er á Landsverk og tær stundum sera krevjandi byggiverkætlaninar, sum vit standa fyri. Onkuntíð verður kompleks mál lýst á ein sera einfaldan hátt, og so gera fólk niðurstøður út frá tí. Tað kann kennast sera tyngjandi, tí alt skal síggjast í einum samanhangi, og tað er sjáldan so einfalt, sum tað kann ljóða. – Eg royni at gera tað, sum eg kann, fyri at lýsa tey ymsu málini í røttum samanhangi, hóast tað kann verða trupult, tí málini kunnu verða fløkt at skilja og greiða frá, sigur Ewald Kjølbro. Landsverk kannar eina­ ferð um árið sítt umdømið á ymiskum økjum, og niður­ støðan tykist verða, at tá ið tað ræður um vegakervið og teir gerandisligu part­ ar­nar av virkseminum hjá Landsverki, hava brúk­arar­ nir stórt álit á stovninum. Umdømið hjá Landsverkið er tó ikki tað sama, tá ið tað ræður um stórar verkætlanir. – Tey stóru málini, sum stríð er um í almenninginum, ávirka okkara umdømi skeiva vegin, og tað er eisini nak­að, sum vit merkja innan­ hýsis á stovninum. Eitt mál sum byggingin Gla-sir er tungt fyri Landsverk, tí øll á stovninum merkja um­ røðuna og kritikkin. Eg taki gjarna almennu bardagarnar og royni at skapa arbeiðsfrið hjá starvsfólkunum, men tey verða eisini merkt av um­ røðuni. Onkursvegna lukta klæðini, tá ið fólk koma heim frá arbeiði, og vit hava mist góð fólk á vegnum, tí tey orka ikki at vera partur av hesum, sigur Ewald Kjøbro. Stórur áhugi Landsverk telist millum stóru arbeiðsplássini í land­ inum. Stívliga fimmti fólk starvast á høvuðs­deildini í Havn, og næstan tríggjar ferð­ir so nógv arbeiða kring landið. Landsverk stend­ur fyri vega-, havna- og byggi­ uppgávum hjá land­inum og røkkur mest sum út í hvønn krók í landinum. Almenna vegakervið er ein av grundsúlunum undir virkseminum í landinum, og stjórin á Landsverki fegn­ ast um eitt væl útbygt vega­ kervi. – Vit hava eitt gott og væl tilrættalagt vegakervi, og vit njóta gott av tí, sum fólk gjørdu fyri 50 og 60 árum síðani. Tá tordu fólk veruliga at satsa, og tá var eitt stórt tak tikið fyri at út- byggja infrastrukturin. Vit útbyggja og betra framvegis vegirnar, men eg sakni eitt sindur tann hugburðin, sum tá var í politisku skipanini fyri at byggja land. – Tað nívir meg eisini, at vit ikki taka nóg væl hond um tað, sum var bygt. Tað al­menna er ein vánaligur eigari, sum brúkar alt ov lítið av pengum upp á viðlíkahald. Vit hava 21 milliónir krónur um árið til viðlíkahald av bygningum, men tað skuldi verið tvær ella tríggjar ferðir so nógv, og tað hevnir seg bara aftur seinni, um vit ikki fáa viðlíkahildið bygningar nóg væl. Stundum hava politikarar hug at blanda seg upp í einstøk byggimál – tað kann verða vegir, bygningar, havn­ ir ella annað – og tað heldur stjórin á Landsverki kann verða bæði gott og ringt. – Tað er hugaligt, at stórur áhugi er fyri Landsverki og tí, sum vit takast við. Tað, sum vit gera, hevur stóran týdning fyri einstøk fólk úti um landið, og tí er tað púra natúrligt, at stórt fokus er á okkum. – Hinvegin kann tað verða trupult, tá ið politikarar royna at stýra smálutum í onkrum verkætlanum. Tað snýr seg um fakligheit og um stórar samanhangir, og tí kann tað verða órógvandi, um politikarar royna at detailstýra verkætlanum utt­an at hava neyðuga inn­lit­ ið í verktætlanina sum heild, sigur Ewald Kjølbro. Hann viðurkennir eis­ini, at stundum kunnu upp­gáv­ urnar hjá Landsverki verða minni hugaligar. – Tað kann kennast óhuga­ligt, tá ið karmar, rað­ fest­ingar og loysnir ikki eru so skilagóðar, sum tað átti at verið, og tað er mín uppgáva at føra tað út í lívið. Tá kann tað verða trupult at motivera fólk, tá ið tey vita, at tað kundi verið gjørt meira skyn­samt. Til dømis verða onkr­ar verkætlanir spjaddar yvir fleiri ár og kosta tí nógv meiri samanlangt, enn tær høvdu gjørt, um alt varð gjørt um somu leið. Ewald Kjølbro fegnast um møguleikan at standa fyri Landsverki og tí stóra virk­ semi, sum er á stovn­in­um. – Sum stjóri fyri einum stovni sum Landsverki er tað stuttligt at síggja potentiali í fólki og at samanseta fólk við ymiskum førleikum og fáa góð úrslit burturúr, sigur hann. UM EWALD KJØLBRO 53 ára gamli Ewald Kjølbro er útbúgvin verkfrøðingur. Hann hevur eisini tikið tvey ár HD og hevur júst tikið trý ára MBA útbúgving. Hann er giftur, eigur fýra børn og býr í Vatnsoyrum. Ewald búði fyrstu fimm árini av lívinum í Klaksvík, men búði so uttanlands, til hann flutti heim við familjuni í 2001. Ewald hevur starvast hjá Landsverki síðani tá. Síðani 2010 hevur hann verið stjóri á Landsverki. – Tá ið onkur mál fara upp í ein spíss, kunnu spurningarnir verða ágangandi, og viðgerðin onkuntíð tykjast órímilig, men eg fegnist um, at fjølmiðlarnir spyrja okkum og lata okkum koma til orðanna í teimum ymisku málinum, sigur Ewald Kjølbro, stjóri á Landsverki Mynd: Álvur Haraldsen